ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ

- 033007 2018 -  ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ
- Untitled design -  ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ

ອົງການອະນາໄມໂລກ ຫລື  (WHO) ໄດ້ອອກມາລະບຸເຕືອນວ່າ : ມີຄົນຫລາຍກ່ວາ 350 ລ້ານຄົນທົ່ວໂລກປ່ວຍເປັນພະຍາດເບົາຫວານຊະນິດທີ 2 ໃນປະຈຸບັນ ແລະ ຈຳນວນນີ້ຈະເພີ່ມຂຶ້ນເປັນ 500 ລ້ານຄົນໃນອີກ 20 ປີຂ້າງໜ້າ ເຊິ່ງສາເຫດທີ່ມີຄົນປ່ວຍພະຍາດເບົາຫວານເພີ່ມຂຶ້ນທົ່ວໂລກນັ້ນມາຈາກການບໍລິໂພກ ແລະ ການໃຊ້ຊີວິດແບບສະໄໝໃໝ່ທີ່ບໍ່ດີຕໍ່ສຸຂະພາບ.

ພະຍາດເບົາຫວານເກີດຈາກການຜະລິດຮໍໂມນອິນຊູລິນໄດ້ບໍ່ພຽງພໍ ຫລື ຮ່າງກາຍບໍ່ສາມາດເອົາອິນຊູລິນໄປໃຊ້ໄດ້ຢ່າງມີປະສິດທິພາບ ເຮັດໃຫ້ມີລະດັບນຳ້ຕານກລູໂກສໃນເລືອດສູງ. ພະຍາດເບົາຫວານມີຢູ່ 2 ຊະນິດ ໂດຍເບົາຫວານຊະນິດທີ 1 ມັກເກີດຂຶ້ນແຕ່ໄວເດັກ ເກີດຈາກຮ່າງກາຍບໍ່ສາມາດຜະລິດອິນຊູລິນເພື່ອຄວບຄຸມລະດັບນຳ້ຕານໃນເລືອດໄດ້. ສ່ວນເບົາຫວານຊະນິດທີ 2 ເຊິ່ງພົບຫລາຍເຖິງ 90% ເກີດຈາກການບໍລິໂພກອາຫານ  ແລະ ພະຍາດຕຸ້ຍ. ເບົາຫວານທັງ 2 ຊະນິດຫາກມີອາການຮຸນແຮງຈະເຮັດໃຫ້ຕາບອດ ແລະ ເກີດບາດແຜຊຳ້ເຮື້ອຈົນຕ້ອງຕັດແຂນຂາຖິ້ມໄດ້.

ພະຍາດເບົາຫວານກຳລັງພົບຫລາຍຂຶ້ນໃນປະເທດກຳລັງພັດທະນາ ເຊິ່ງຮັບວັດທະນະທຳການກິນອາຫານຈານດ່ວນ ແລະ ອາຫານທີ່ມີນຳ້ຕານຫລາຍມາຈາກໂລກຕາເວັນຕົກ ໂດຍປະຈຸບັນ ຈີນ ເອີ້ນໄດ້ວ່າເປັນນະຄອນຫລວງແຫ່ງເບົາຫວານຂອງໂລກ ເພາະມີຄົນປ່ວຍເປັນພະຍາດເບົາຫວານ ເຖິງ 109 ລ້ານຄົນ ເຊິ່ງຄິດໄລ່ເປັນ 10% ຂອງປະຊາກອນ. ສ່ວນອິນເດຍມີຄົນປ່ວຍພະຍາດເບົາຫວານ 69 ລ້ານຄົນ ຄິດໄລ່ເປັນ 9% ຂອງປະຊາກອນ.

ສາເຫດທີ່ເບົາຫວານຊະນິດທີ 2 ລະບາດໄປທົ່ວໂລກ ເກີດຈາກອຸປະນິໄສການກິນທີ່ບໍ່ດີຕໍ່ສຸຂະພາບ ເຮັດໃຫ້ມີຜູ້ສະເໜີແນວຄິດເລື່ອງການຄວບຄຸມນຳ້ໜັກທີ່ຈະຊ່ວຍຫລຸດໂອກາດການເປັນເບົາຫວານລົງໄດ້ ເຊັ່ນ : ການຄວບຄຸມນຳ້ໜັກໂດຍອົດອາຫານໃນໄລຍະສັ້ນໆ ເຊິ່ງທ່ານໝໍ ໄມເຄິລ ມອສລີ ຜູ້ສື່ຂ່າວສຸຂະພາບຂອງ BBC ໄດ້ທົດລອງໃຊ້ວິທີອົດອາຫານແບບ 5:2 ດ້ວຍຕົນເອງ ເຊິ່ງກໍຄືການແບ່ງເວລາກິນອາຫານຕາມປົກກະຕິ 5 ມື້ ແລະ ອົດອາຫານ 2 ມື້ໃນຮອບ 1 ອາທິດ.

ການທົດລອງອົດອາຫານແບບ 5:2 ນີ້ເປັນສ່ວນໜຶ່ງຂອງການຖ່າຍທຳສາລະຄະດີ ກິນ, ອົດ ແລະ ອາຍຸຍືນຂຶ້ນ (Eat, Fast and live Longer) ຂອງ BBC ໂດຍມີຂໍ້ຈຳກັດວ່າໃນມື້ທີ່ອົດອາຫານນັ້ນ ແມ່ຍິງຈະຕ້ອງກິນບໍ່ເກີນ 500 ກາລໍຣີ ແລະ ຜູ້ຊາຍກິນບໍ່ເກີນ 600 ກາລໍຣີ ເຊິ່ງຜົນການທົດລອງເປັນເວລາ 5 ອາທິດຂອງທ່ານໝໍ ມອສລີ ພົບວ່າສາມາດຫລຸດນຳ້ໜັກລົງໄດ້ກ່ວາ 6 ກິ ໂລກຣາມ ແລະ ມີລະດັບນຳ້ຕານໃນເລືອດ ແລະ ຄໍເລສເຕີໂຣນຫລຸດລົງ.

- Wave100S AD to Website 2020 0 -  ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ

ແນວໃດກໍຕາມ ສຳນັກງານບໍລິການສຸຂະພາບແຫ່ງຊາດຂອງອັງກິດ (NHS) ເຕືອນວ່າ : ການອົດອາຫານຄວນເຮັດແຕ່ພໍດີ, ບໍ່ຫັກໂຫມ ແລະ ຢູ່ໃນຄວາມດູແລຂອງແພດ. ສ່ວນແມ່ຍິງຖືພາ ແລະ ຄົນປ່ວຍເບົາຫວານທີ່ກິນຢາຢູ່ອາດເກີດອັນຕະລາຍຈາກການອົດອາຫານໄດ້. ນອກຈາກນີ້, ຍັງບໍ່ມີຫລັກຖານທາງວິທະຍາສາດມາຢັ້ງຢືນຫລາຍພໍເຖິງຜົນດີຂອງ ການອົດອາຫານຕໍ່ພະຍາດເບົາຫວານ.

- WhatsApp Image 2020 05 27 at 5 -  ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ
- WhatsApp Image 2020 05 27 at 5 -  ຄົນປ່ວຍພະຍາດເບົາຫວານຈະເພີ່ມຂຶ້ນຕໍ່ເນື່ອງ
error: Alert: ເນື້ອຫາຂ່າວມີລິຂະສິດ !!