ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ

- 102746165 p06g0w8w - ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ
- Untitled design - ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ

​ເຊີຣີ ຊາວ​ອິນ​ເດຍ ສ້າງ​ສະຖິຕິ​ເປັນ​ເດັກ​​ເກີດ​ໃໝ່​ຕົວ​ນ້ອຍ​ທີ່​ສຸດ​ໃນ​ອາຊີ​ໃຕ້​ທີ່​ມີ​ຊີວິດ​ລອດ, ຫລັງ​ຈາກ​ຄອດ​ກ່ອນ​ກຳນົດ​ໃນ​ເດືອນ​ກຸມພາ​ຜ່ານ​ມາ ດ້ວຍ​ນ້ຳໜັກ​ພຽງ 375 ກຣາມ. ການ​ລອດ​ຊີວິດ​ຂອງ​ນາງ​ຊ່ວຍ​ຈຸດ​ປະກາຍ​ຄວາມ​ຫວັງ​ໃຫ້​ບັນດາ​ພໍ່​ແມ່​ທີ່​ມີ​ລູກນ້ອຍ​ເກີດ​ມາ​ໂດຍ​ມີນ້ຳໜັກ​ນ້ອຍ​ກວ່າ​ປົກກະຕິ.

ນາງ ​ເຊີຣີ ມືນ​ຕາ​ເບິ່ງ​ໂລກ​ຂະນະ​ທີ່​ມີ​ອາຍຸ​ພຽງ 25 ອາທິດ. ​ແພດ​ລະບຸ​ວ່າ: ​ໂດຍ​ປົກກະຕິ ​ເດັກ​ອາຍຸ​ປະມານ​ນີ້​ຈະ​ມີນ້ຳໜັກ​ລະຫວ່າງ 600-800 ກຣາມ ​ເຊິ່ງ​ໃນ​ກໍລະນີ​ຂອງ ​ເຊີຣີ ນັ້ນ ມີນ້ຳໜັກ​ເກີດ​ປະມານ​ເຄິ່ງໜຶ່ງ​ຂອງ​ນ້ຳໜັກ​ທີ່​ຄວນ​ເປັນ ສົ່ງ​ຜົນ​ໃຫ້​ ​ເຊີຣີ ຕ້ອງ​ປິ່ນປົວ​ຢູ່​ໂຮງໝໍ​ໃນ​ເມືອງ​ໄຮ​ເດີຣາບາດ​ຂອງ​ອິນ​ເດຍປະມານ 128 ວັນ ກ່ອນ​ຈະ​ແຂງ​ແຮງ​ພໍຈົນ​ແພດ​ອະນຸຍາດ​ໃຫ້​ກັບ​ເຮືອນ​ໄດ້​ເມື່ອ​ມໍ່ໆ​ນີ້.

ດຣ. ດິ​ເນ​ຊ ກຸ​ມາຣ ​ແຫ່ງ​ໂຮງໝໍ​ເຣນ​ໂບ ຜູ້​ເບິ່ງ​ແຍງ ​ເຊີຣີ ບອກ​ວ່າ: ຜ່ານ​ມາ ອິນ​ເດຍບໍ່​ເຄີຍ​ມີ​ເດັກນ້ຳໜັກ​ນ້ອຍ​ກວ່າ 400 ກຣາມທີ່​ລອດ​ຊີວິດ​ມາ​ກ່ອນ ​ເຊິ່ງກໍລະນີ​ຂອງ ​ເຊີຣີ ຖື​ເປັນ​ການ​ສົ່ງ​ຂ່າວ​ດີ​ໃຫ້​ພໍ່​ແມ່​ຈຳນວນ​ຫລາຍ​ທີ່​ມີ​ຂໍ້​ສົງ​ໄສ​ວ່າ: ​ເດັກ​ທີ່​ນ້ຳໜັກ​ເກີດ​ນ້ອຍ​ກວ່າ​ປົກກະຕິ​ຈະ​ມີ​ໂອກາດ​ລອດ​ຊີວິດ ຫລື ບໍ່.

- Wave100S AD to Website 2020 0 - ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ

ສ່ວນ​ເດັກ​ຕົວ​ນ້ອຍ​ທີ່​ສຸດ​ໃນ​ໂລກ​ທີ່​ລອດ​ຊີວິດ​ນັ້ນ ຄື ຣູ​ໄມ​ຊາ ​ເຣມານ ທີ່​ມືນ​ຕາ​ເບິ່ງ​ໂລກ​ໃນ​ອາ​ເມ​ລິ​ກາ ​ໃນ​ປີ 2005 ດ້ວຍ​ນ້ຳໜັກ​ເກີດ​ພຽງ 244 ກຣາມ.

- WhatsApp Image 2020 05 27 at 5 - ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ
- WhatsApp Image 2020 05 27 at 5 - ເດັກເກີດມາຕົວນ້ອຍທີ່ສຸດ ໃນອາຊີໃຕ້ທີ່ມີຊີວິດລອດ
error: Alert: ເນື້ອຫາຂ່າວມີລິຂະສິດ !!