ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

- advert banner 728 90 728x90 - ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

ລັດຖະບານອິນ​ໂດ​ເນ​ເຊຍ​ດຳ​ເນີນ​ການ​ຢ່າງ​ຕໍ່​ເນື່ອງ​ໃນ​ການ​ອົບ​ພະຍົບນັກ​ທ່ອງ​ທ່ຽວ​ອີກ​ຫລາຍ​ກວ່າ 500 ຄົນ ​ເຊິ່ງຍັງ​ຕົກ​ຄ້າງ​ຢູ່​ບໍລິ​ເວນ​ພູ​ເຂົາ​ໄຟຣິນຈາ​ນີ ​ເກາະ​ລອມ​ບອກ ຫລັງ​ເກີດ​ແຜ່ນດິນ​​ໄຫວ 6,4 ​ໃນ​ວັນ​ທີ 29 ກໍລະກົດ.

- new3 - ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

- 5b5e706f316e6 jokowi dan gubernur ntb tinjau pengungsi korban gempa di lombok 665 374 - ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂຈ​ໂກ ວິ​ໂດ​ໂດ ​ເດີນທາງ​ໄປ​ບ້ານ​ມາດາ​ຍິນ ​ໃນ​ເຂດ​ລອມ​ບອກ ​ເຊິ່ງ​ເປັນ​ສະຖານ​ທີ່​ຫລັກ​ໃນ​ການ​ຕັ້ງສູນ​ພັກ​ຊົ່ວຄາວ ​ເພື່ອ​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ​ຈາກ​ເຫດ​ແຜ່ນດິນ​ໄຫວ​ຮຸນ​ແຮງ 6,4 ​ແມ​ກນິຈູດ ​ໃນ​ວັນ​ທີ 29 ກໍລະກົດ ​ເພື່ອ​ຢ້ຽມຢາມ ​ແລະ ​ໃຫ້​ກຳລັງ​ໃຈ​ຜູ້​ປະສົບ​ໄພ ພ້ອມ​ທັງ​ກວດ​ສອບ​ການ​ເຮັດ​ວຽກ​ຂອງ​ເຈົ້າໜ້າ​ທີ່​ກູ້​ໄພ.

- 1532932208424 800x0 - ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

- lattana 1 - ອິນໂດເນເຊຍເລັ່ງຊ່ວຍນັກທ່ອງທ່ຽວ ຄ້າງຢູ່ເທິງພູເຂົາໄຟອີກ 500 ກວ່າຄົນ

ຂະນະ​ທີ່​ທ່ານ ຊູ​ດິ​ໂຢ​ໂນ ຜູ້​ອຳນວຍ​ການ​ສຳນັກງານ​ອຸ​ທະຍານ​ແຫ່ງ​ຊາດຣິນຈາ​ນີ ກ່າວ​ເຖິງ​ຕົວ​ເລກ​ນັກ​ທ່ອງ​ທ່ຽວ​ເຊິ່ງຕົກ​ຄ້າງ​ຢູ່​ເທິງພູ​ເຂົາ​ໄຟຣິນຈາ​ນີວ່າ: ​ເຈົ້າໜ້າ​ທີ່​ໄດ້​ຮັບ​ຂໍ້​ມູນ​ວ່າ​ມີ​ທັງ​ໝົດ 820 ຄົນ ​ໂດຍ​ອົບ​ພະຍົບອອກ​ຈາກ​ພື້ນທີ່​ໄດ້​ແລ້ວ 246 ຄົນ. ໝາຍ​ຄວາມ​ວ່າ​ຍັງ​ມີ​ນັກ​ທ່ອງ​ທ່ຽວ​ຕົກ​ຄ້າງ​ຢູ່​ໃນ​ພື້ນທີ່​ອີກ 574 ຄົນ ​ແບ່ງ​ເປັນ 500 ຄົນ​ໃນ​ເຂດ​ເຊ​ກາຣາ, ອານາ​ກັນ ​ແລະ ອີກ 60 ຄົນ​ໃນ​ເຂດ​ບາ​ຕູ ​ເຊ​ເປີ. ປັດຈຸບ​ັນ ​ເຈົ້າໜ້າ​ທີ່​ກູ້​ໄພ ທັງ​ທະຫານ, ຕຳຫລວດ ​ແລະ ອາສາ​ສະໝັກ​ກຳລັງ​ດຳ​ເນີນ​ການ​ຊ່ວຍ​ເຫລືອ​ຢ່າງ​ຕໍ່​ເນື່ອງ.

ສຳນັກງານ​ແກ້​ໄຂ​ໄພພິບັດ​ແຫ່ງ​ຊາດ​ຂອງອິນ​ໂດ​ເນ​ເຊຍ (BNPB) ລາຍ​ງານ​ຈຳນວນ​ຜູ້​ເສຍ​ຊີວິດ​ຈາກ​ແຜ່ນດິນ​ໄຫວ​ຄັ້ງນີ້​ເພີ່ມ​ເປັນ​ຢ່າງ​ໜ້ອຍ 17 ຄົນ ໜຶ່ງ​ໃນ​ນັ້ນ​ເປັນ​ນັກ​ທ່ອງ​ທ່ຽວ​ຊາວ​ມາ​ເລ​ເຊຍ ​ແລະ ຍັງ​ມີ​ຜູ້​ໄດ້​ຮັບ​ບາດ​ເຈັບ​ຫລາຍ​ກວ່າ 160 ຄົນ, ​​ເຮືອນ​ຊານ ​ແລະ ສິ່ງ​ປຸກ​ສ້າງ​ຫລາຍ​ພັນ​ແຫ່ງ​​ເປ່​ເພ​ເສຍ​ຫາຍ ​ເນື່ອງ​ຈາກ​ມີ​ແຜ່ນດິນ​ໄຫວ​ຕາມ​ມາ ຫລື ອາບ​ເຕີ​ຊ໊ອກຫລາຍ​ກວ່າ 100 ຄັ້ງ.

error: Content is protected !!