ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ

- Street broken - ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ
- Untitled design - ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ

ກົມຂົວທາງ ກະຊວງໂຍທາທິການ ແລະ ຂົນສົ່ງ ລາຍງານໃຫ້ຮູ້ວ່າ: ຈາກກໍລະນີເຂື່ອນເຊປຽນ-ເຊນໍ້ານ້ອຍທະລຸເມື່ອຕອນແລງວັນທີ 23 ກໍລະກົດຜ່ານມາ, ນອກຈາກໄດ້ສ້າງຄວາມສູນເສຍຕໍ່ຊີວິດ ແລະ ຊັບສີນຂອງປະຊາຊົນເປັນຈໍານວນຫລາຍແລ້ວ ຍັງໄດ້ສ້າງຄວາມໜັກໜ່ວງເສຍຫາຍໃຫ້ແກ່ລະບົບພື້ນຖານໂຄງລ່າງໃນເມືອງດັ່ງກ່າວ, ໂດຍສະເພາະມີເສັ້ນທາງຫລວງແຫ່ງຊາດເລກ 18A ແຕ່ທາງແຍກ 1L ແຂວງອັດຕະປືຫາເມືອງສະໜາມໄຊ (ຈຸດໄພພິບັດ) ມີຄວາມຍາວ 45 ກິໂລແມັດ ເປ່ເພ 14 ກວ່າກິໂລແມັດ, ຂົວ 4 ແຫ່ງ, ໃນນີ້ຂົວເຊປຽນຖືກນໍ້າພັດສູນຫາຍ ແລະ ອີກ 3 ແຫ່ງໃຊ້ການບໍ່ໄດ້, ສ່ວນຕອນທາງແຕ່ເມືອງສະໜາມໄຊຫາເທສະບານແຂວງອັດຕະປືຍາວ 31 ກິໂລແມັດ ມີຂົວທັງໝົດ 10 ຈຸດ, ໃນນັ້ນມີຂົວເບເລ 3 ຈຸດ ແລະ ຂົວໄມ້ທີ່ຕ້ອງໄດ້ສ້ອມແປງດ່ວນຄື: ຂົວຫ້ວຍພອກ ຍາວ 60 ແມັດ, ຂົວຫ້ວຍອຸກ ຍາວ 100 ແມັດ, ຂົວຫ້ວຍເດື່ອ ຍາວ 80 ແມັດ ແລະ ຂົວເຊປຽນ ຍາວ 140 ແມັດຄາດວ່າຈະມີມູນຄ່າການສ້ອມແປງທັງໝົດ 111 ຕື້ກວ່າກີບ.

ກົມດັ່ງກ່າວ ໃຫ້ຮູ້ວ່າ: ການສ້ອມແປງເສັ້ນທາງ ແລະ ຂົວ ທີ່ເປ່ເພຈາກໄພພິບັດຄັ້ງນີ້ແມ່ນແບ່ງອອກເປັນສອງໄລຍະຄື: ໄລຍະແກ້ໄຂສະເພາະໜ້າ ເພື່ອໃຫ້ການສັນຈອນເຂົ້າເຖິງເມືອງສະໜາມໄຊ ຊຶ່ງເປັນທີ່ຕັ້ງຂອງສູນບັນຊາການຊ່ວຍເຫລືອຜູ້ປະສົບໄພ. ສ່ວນໄລຍະຕໍ່ໄປແມ່ນການສ້ອມແປງທາງໃຫ້ໄດ້ມາດຕະຖານ ເພື່ອອໍານວຍຄວາມສະດວກໃຫ້ແກ່ການສັນຈອນໄປມາໃນເຂດເມືອງສະໜາມໄຊກັບສູ່ສະພາບປົກກະຕິ.

- Wave100S AD to Website 2020 0 - ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ
- WhatsApp Image 2020 05 27 at 5 - ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ
- WhatsApp Image 2020 05 27 at 5 - ເສັ້ນທາງ-ຂົວ ຫລາຍຈຸດຢູ່ເມືອງສະໜາມໄຊໄດ້ຮັບຄວາມເສຍຫາຍ
error: Alert: ເນື້ອຫາຂ່າວມີລິຂະສິດ !!