10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ

- khammuan - 10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ
- Untitled design - 10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ

ຄະນະ​ຄວບ​ຄຸມ​ໄພພິບັດຂັ້ນ​ແຂວງ​ຄຳ​ມ່ວນ ລາຍ​ງານ​ໃຫ້​ຮູ້​ວ່າ: ພາຍຫລັງ​ມີ​ຝົນຕົກ​ໜັກ​ຕິດ​ຕໍ່​ກັນ​ຫລາຍ​ວັນ ​ແຕ່​ວັນ​ທີ 16 ກໍລະກົດ​ເປັນຕົ້ນມາ ​ໄດ້​ເຮັດ​ໃຫ້​ເກີດ​ນ້ຳຖ້ວມ​ເປັນ​ບໍລິ​ເວນ​ກວ້າງ​ໃນ 10 ​ເມືອງ​ພາຍ​ໃນ​ແຂວງຂອງ

ຕົນ ​ໃນ​ນີ້​ໜັກໜ່ວງ​ກວ່າ​ໝູ່​ແມ່ນ​ຢູ່​ເມືອງ​ບົວລະພາ ​ໂດຍ​ສາຍ​ນ້ຳ​ເຊບັ້ງ​ໄຟ​ໄດ້​ຍຶ່ງຂຶ້ນຖ້ວມ 41 ບ້ານ ​ແລະ ມີ​ເນື້ອທີ່​ນາກ​ວ່າ 5.690 ​ເຮັກຕາ​ໄດ້​ຮັບ​ຄວາມ​ເສຍ​ຫາຍ. ນອກ​ນີ້ ຍັງ​ມີ​ເສັ້ນທາງ​ຈຳນວນ​ໜຶ່ງ​ຖືກ​ຕັດຂາດ. ສ່ວນ​ຢູ່​ເມືອງ​ມະຫາ​ໄຊ ​ໃນ​ວັນ​ທີ 29 ກໍລະກົດ ​ມີ 50 ບ້ານ​ຖືກ​ນ້ຳຖ້ວມ ​ແລະ ​ໃນ​ນີ້​ມີ 11 ບ້ານ​ແມ່ນ​ຢູ່​ໃນ​ລະດັບ​ຮ້າຍ​ແຮງ, ປະຊາຊົນ 1.800 ກວ່າ​ຄອບຄົວ​ໄດ້​ຮັບ​ຜົນ​ກະທົບ, ​ເນື້ອທີ່​ນາກ​ວ່າ 2.780 ​ເຮັກຕາ ​ແລະ ສັດລ້ຽງ​ໄດ້​ຮັບ​ຜົນ​ເສຍ​ຫາຍ, ​ເສັ້ນທາງ​ຫລາຍ​ສາຍ​ຖືກ​ຕັດຂາດ ​ເຮັດ​ໃຫ້ການ​ສັນຈອນ​ພົບ​ຄວາມ​ຫຍຸ້ງຍາກ ​ແລະ ຖືກ​ຕັດຂາດ. ຕໍ່​ສະພາບ​ດັ່ງກ່າວ ​ໃນ​ວັນ​ທີ 28 ກໍລະກົດ​ຜ່ານ​ມາ, ທ່ານ​ເຈົ້າ​ແຂວງ​ຄຳ​ມ່ວນ ​ໂອ​ໄດ ສຸດາ​ພອນ ​ໄດ້​ລົງ​ໄປ​ຕິດຕາມ​ສະພາບ​ນ້ຳຖ້ວມ​ຢູ່​ເມືອງ​ມະຫາ​ໄຊ ພ້ອມ​ທັງ​ໄດ້​ມອບ​ເງິນ 20 ລ້ານ​ກີບ ​ແລະ ນ້ຳດື່ມ, ພ້ອມ​ເຄື່ອງ​ອຸປະ​ໂພ​ກ-ບໍລິ​ໂພ​ກຈຳນວນ​ໜຶ່ງ​ ​ເພື່ອ​ນຳ​ໄປ​ຊ່ວຍ​ເຫລືອ​ບັນ​ເທົາ​ທຸກ​ປະຊາຊົນ​ຜູ້​ປະສົບ​ໄພ​ຄັ້ງນີ້. ສ່ວນ​ຢູ່​ເມືອງ​ໜອງ​ບົກ ສະພາບ​ນ້ຳ​ໄດ້​ໄຫລ​ຖ້ວມ​ແລ້ວ 10 ກວ່າ​ບ້ານ​ທີ່ຢູ່​ລຽບ​ຕາມ​ແຄມ​ເຊ ​ໂດຍ​ມີ​ປະຊາຊົນ 516 ຄອບຄົວ, ມີ 2.640 ກວ່າ​ຄົນ​ໄດ້​ຮັບ​ຜົນ​ກະທົບ ແລະ ມີ​ເນື້ອທີ່​ນາ 4.200 ກວ່າ​ເຮັກຕາ ​ໄດ້​ຮັບ​ຄວາມ​ເສຍ​ຫາຍ.

- Wave100S AD to Website 2020 0 - 10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ
- WhatsApp Image 2020 05 27 at 5 - 10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ
- WhatsApp Image 2020 05 27 at 5 - 10 ​ເມືອງ​ຂອງ​ແຂວງ​ຄຳ​ມ່ວນ​ປະສົບ​ໄພ​ນ້ຳຖ້ວມ
error: Alert: ເນື້ອຫາຂ່າວມີລິຂະສິດ !!