ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ

- 38124040 2181186855500215 6974348472849793024 n - ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ
- Untitled design - ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ

ໜ່ວຍງານຂ່າວສານເຫດການໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປື ໃຫ້ຮູ້ວ່າ: ພາລະກິດການກູ້ໄພ ແລະ ຊ່ວຍເຫລືອປະຊາຊົນຜູ້ປະສົບໄພພິບັດນໍ້າທະລຸຈາກເຂື່ອນໄຟຟ້າເຊປຽນ-ເຊນໍ້ານ້ອຍໃນຕອນແລງຂອງວັນທີ 23 ກໍລະກົດຜ່ານມາ, ເຮັດໃຫ້ຫລາຍສີບບ້ານຢູ່ລຸ່ມ ເຂື່ອນຖືກນໍ້າຖ້ວມຢ່າງໜັກໜ່ວງ ແລະ ສ້າງຄວາມເສຍຫາຍໃຫ້ແກ່ຊີວິດ ແລະ ຊັບສີນເປັນຈໍານວນຫລາຍ ແລະ ມາຮອດປັດຈຸບັນ, ການກູ້ໄພ ແລະ ຊ່ວຍ ເຫລືອຜູ້ປະສົບໄພພິບັດແມ່ນມີຄວາມຄືບນ້າເປັນລໍາດັບເປັນຕົ້ນ ແມ່ນການຊອກຄົ້ນຫາຜູ້ທີ່ຍັງຕົກຄ້າງ ແລະ ສົບຜູ້ເສຍຊີວິດ, ໂດຍມີເຈົ້າໜ້າທີ່ ແລະ ອາສາສະໝັກກູ້ໄພຈໍານວນ 31 ພາກສ່ວນຈາກພາຍໃນ ແລະ ຕ່າງປະເທດຮ່ວມແຮງຮ່ວມໃຈສົມທົບກໍາລັງຄົ້ນຫາເປັນວົງກວ້າງຈົນສາມາດເຕົ້າໂຮມປະຊາຊົນ 6 ບ້ານທີ່ໄດ້ ຮັບຜົນກະທົບໜັກ ແລ້ວຍົກຍ້າຍມາຢູ່ເຂດປອດໄພໃນ 6 ຈຸດ ເພື່ອຊ່ວຍເຫລືອບັນເທົາທຸກຕໍ່ໄປ, ເຊິ່ງມີພົນລະເມືອງຈໍານວນ 5.964 ຄົນ. ສ່ວນຈໍານວນຜູ້ສູນ ຫາຍຕາມການແຈ້ງຂອງອໍານາດການປົກຄອງບ້ານ ແລະ ຄອບຄົວເບື້ອງຕົ້ນມີ 131 ຄົນ ແລະ ໃນວັນທີ 29 ກໍລະກົດ ແມ່ນໄດ້ພົບສົບຜູ້ເສຍຊີວິດຕື່ມອີກ 1 ຄົນ ລວມເປັນທັງໝົດ 11 ສົບ. ນອກນີ້ຍັງບໍ່ທັນພົບເຫັນອີກປະມານ 1 ແລະ ວັນທີ 30 ກໍລະກົດ ພົບອີກ 2 ສົບ ພັນກວ່າຄົນ, ເຊິ່ງເຈົ້າໜ້າທີ່ທີມກູ້ໄພຈະເລັ່ງອອກກວດກາ ແລະ ຊອກຄົ້ນຕໍ່ໄປ. ສ່ວນການບໍລິຈາກເຄື່ອງຊ່ວຍເຫລືອ ແລະ ເຄື່ອງອຸປະໂພກ-ບໍລິໂພກ ເພື່ອບັນເທົາທຸກຜູ້ປະສົບໄພພິບັດຄັ້ງນີ້ ມາຮອດປັດຈຸບັນໄດ້ມີອົງການຈັດຕັ້ງພັກ-ລັດ, ອົງການຈັດຕັ້ງສາກົນ, ພາກເອກະຊົນ, ນັກທຸລະກິດ, ຫົວໜ່ວຍທຸລະກິດ, ສະມາຄົມ, ມູນນິທິ, ບຸກຄົນ ແລະ ນິບຸກຄົນທັງພາຍໃນ ແລະ ຕ່າງປະເທດ ມາຮອດວັນທີ 29 ກໍລະກົດລວມມີຍອດມູນຄ່າ 33 ຕື້ກວ່າກີບ. ນອກນີ້, ຍັງໄດ້ເລັ່ງແກ້ໄຂລະບົບເຄືອຂ່າຍໂທລະຄົມມະນາຄົມ ແລະ ການສື່ສານໃນເຂດ ທີ່ປະສົບໄພໃຫ້ວ່ອງໄວໂດຍບໍລິສັດລາວໂທລະຄົມໄດ້ຕິດຕັ້ງໂທລະສັບຕັ້ງໂຕະ 14 ເລກໝາຍ ໃຫ້ອະນຸຸກໍາມະການຊ່ວຍວຽກ, ບໍລິສັດຢູນີເທວໄດ້ແຈກຢາຍໂທລະສັບ 500 ໜ່ວຍ, ພ້ອມຕິດຕັ້ງອີນເຕີເນັດໄວຟາຍ ໃນເຂດພື້ນ ທີ່ປະສົບໄພແມ່ນໄດ້ນໍາໃຊ້ໂດຍບໍ່ເສຍຄ່າ. ສໍາລັບວຽກງານສື່ ມວນຊົນກໍໄດ້ມີການຄຸ້ມຄອງດີຂຶ້ນ, ໂດຍໄດ້ອອກບັດນັກຂ່າວພາຍໃນປະເທດ 9 ຄົນ ແລະ ຕ່າງປະເທດອີກ 11 ຄົນ ເພື່ອອະນຸຍາດເຂົ້າພື້ນທີ່ປະສົບໄພໃນການເກັບກໍາຂ່າວໃຫ້ຖືກຕ້ອງຕາມຄວາມເປັນຈິງ. ສ່ວນການບໍລິການເບິ່ງແຍງສຸຂະພາບຂອງຜູ້ປະສົບໄພແມ່ນໄດ້ຕິດຕັ້ງລະບົບສະໜອງນໍ້າສະອາດ, ວິດຖ່າຍ, ການໂຄສະນາສຸຂະສຶກສາໃຫ້ຄວາມຮູ້ເພື່ອປ້ອງກັນພະຍາດ ແລະ ການເບິ່ງແຍງແມ່ມານ ແລະ ເດັກນ້ອຍ, ພ້ອມນີ້ກໍໄດ້ພົບ ຜູ້ຕິດເຊື້ອໄຂ້ຍຸງທີ່ມີອາການເຕືອນ 4 ກໍລະນີ, ຖອກທ້ອງ 16 ກໍລະນີ, ທ້ອງບິດ 8 ກໍລະນີ, ອັກເສບປອດ 2 ກໍລະນີ. ສະຫລຸບແລ້ວ, ການກູ້ ໄພ ແລະ ການຊ່ວຍເຫລືອຜູ້ປະສົບໄພພິບັດແມ່ນມີຄວາມຄືບໜ້າເປັນຢ່າງດີ, ຍ້ອນການປະກອບສ່ວນຈາກທົ່ວສັງຄົມ ແລະ ການ ຊ່ວຍເຫລືອຂອງປະເທດເພື່ອນມິດ ແລະ ອາສາສະໝັກຈາກພາຍໃນ ແລະ ຕ່າງປະເທດຈໍານວນໜຶ່ງເພື່ອພ້ອມກັນໃຫ້ການຊ່ວຍເຫລືອ ແລະ ກູ້ໄພພິບັດຄັ້ງນີ້ ໃຫ້ສໍາເລັດໂດຍໄວ.

- WhatsApp Image 2020 05 27 at 5 - ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ
- WhatsApp Image 2020 05 27 at 5 - ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ
- Wave100S AD to Website 2020 0 - ພາລະກິດການກອບກູ້ ແລະ ຊອກຄົ້ນຜູ້ສູນຫາຍມີຄວາມຄືບໜ້າເປັນລໍາດັບ
error: Alert: ເນື້ອຫາຂ່າວມີລິຂະສິດ !!