ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ

- PM - ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ
- Untitled design - ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ

“ໃນ​ອາທິດ​ທີ່​ຜ່ານ​ມາ, ໂດຍສະເພາະນັບແຕ່ເກີດເຫດການນໍ້າຈາກເຂື່ອນເຊປຽນ-ເຊນໍ້ານ້ອຍທະລຸໃນຕອນແລງວັນທີ 23 ກໍລະກົດຜ່ານມານີ້, ປະຊາຊົນ​ລາວທົ່ວປະເທດເຖິງຈະປະສົບຄວາມ​ຫຍຸ້ງ​ຍາກນາໆ​ປະການ, ​ແຕ່ຕ່າງກໍ​ໄດ້ເສຍສະຫລະແບ່ງເບົາວັດຖຸ ແລະ ປັດໃຈຕ່າງໆໃຫ້ແກ່ຜູ້ປະສົບເຄາະຮ້າຍດັ່ງກ່າວບົນຈິດໃຈ​ໂອບ​ເອື້ອ​ອາລີຊ່ວຍເຫລືອເຊິ່ງກັນ ແລະ ກັນ ເຊິ່ງເປັນສິ່ງທີ່ປາບປືມໃຈທີ່ສຸດ”. ນີ້ແມ່ນຄໍາເຫັນຂອງທ່ານນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ໄດ້ກ່າວໃນໂອກາດລົງຢ້ຽມຢາມ​ສູນ​ຮັບ​ບໍລິຈາກຢູ່​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ​ໃນ​ວັນ​ທີ 29 ກໍລະກົດຜ່ານມານີ້​.

ໃນໂອກາດນີ້, ທ່ານນາຍົກລັດຖະມົນຕີໄດ້ກ່າວສະ​ແດງ​ຄວາມ​ຂອບ​ໃຈ ​ແລະ ຮູ້ບຸນຄຸນຢ່າງ​ໃຫຍ່​ຫລວງ ແລະ ຈິງ​ໃຈ ມາ​ຍັງນ້ຳ​ໃຈ, ຄວາມ​ເປັນ​ຫ່ວງ​ເປັນ​ໃຍ ​ແລະ ການ​ຊ່ວຍ​ເຫລືອ​ຕ່າງໆ​ຂອງ​ພີ່ນ້ອງ​ປະຊາຊົນ​ລາວບັນດາ​ເຜົ່າ​ໃນ​ທົ່ວ​ປະ​ເທດທີ່​ບໍ່​ປະ​ຖິ້ມກັນ​ໃນ​ຍາມທີ່ພົບກັບຄວາມຫຍຸ້ງຍາກ​ລຳບາກ, ຂ້າພະ​ເຈົ້າ​ໄດ້​ຕິດຕາມ​ຢ່າງ​ໃກ້ຊິດ​ຕໍ່​ການ​ຊ່ວຍ​ເຫລືອ​ຂອງ​ປະຊາຊົນ​ລາວ​ທີ່​​ໄດ້ປະກອບສ່ວນທາງ​ດ້ານວັດຖຸ, ​ເງິນ-​ຄຳ, ​ເຄື່ອງ​ອຸປະ​ໂພ​ກ-ບໍລິ​ໂພ​ກ ແລະ ອື່ນໆ, ​ເພື່ອ​ສົ່ງ​ຕໍ່​ໃຫ້​ປະຊາຊົນຜູ້ທີ່​ໄດ້​ຮັບຜົນ​ກະທົບຢ່າງຮ້າຍ​ແຮງຈາກ​ໄພພິບັດ​​ຄັ້ງ​, ຊຶ່ງໄດ້​ສະ​ແດງ​ເຖິງ​ຄວາມ​ເປັນຫ່ວງ​ເປັນ​ໃຍຂອງ​ປະຊາຊົນບັນດາເຜົ່າທີ່ມີຕໍ່ກັນ.

ທ່ານນາຍົກລັດຖະມົນຕີ ກ່າວ​ວ່າ: ນີ້ເປັນມະ​ຫັນ​ຕະ​ໄພ​ຄັ້ງຮ້າຍ​ແຮງເປັນປະຫວັດສາດຂອງຊາດ, ອັນໄດ້​ເຮັດ​ໃຫ້​ປະຊາຊົນຈໍານວນຫລາຍຂາດ​ທີ່ຢູ່​ອາ​​ໄສ ແລະ ​ຫາຍສາບ​ສູນ, ລວມທັງກະທົບ​ຕໍ່​ເຮືອນຊານບ້ານຊ່ອງ, ເນື້ອທີ່ການຜະລິດ ​ແລະ ວັດຖຸຊັບສີນອື່ນໆຈົນບໍ່ສາມາດປະເມີນຜົນໄດ້.

- Wave100S AD to Website 2020 0 - ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ

ໃນໂອກາດນີ້, ທ່ານນາຍົກລັດຖະມົນຕີ ​ໄດ້​ສະ​ແດງ​ຄວາມຂອບ​ໃຈຢ່າງ​ຈິງ​ໃຈຕໍ່​ລັດຖະບານ​ຂອງ​ບັນດາປະ​ເທດ​ເພື່ອນ​ມິດ, ອົງການ​ຈັດ​ຕັ້ງ​ສາກົນ ​ແລ​ະ ພາກສ່ວນ​ຕ່າງໆ ທີ່​ໄດ້​ໃຫ້ການ​ສະໜັບສະໜູນ, ຊ່ວຍ​ເຫລືອວັດຖຸ​ສິ່ງ​ຂອງ, ​ເງິນ​ຄຳ ​ແລະ ອື່ນໆ ມາ​ໃຫ້​ປະຊາຊົນ​ລາວຢ່າງ​ບໍ່​ຂາດ​ສາຍ, ເຊິ່ງການ​ຊ່ວຍ​ເຫລືອ​ດັ່ງກ່າວ ຈະເປັນພະລັງທີ່ຊ່ວຍໃຫ້ຜູ້ປະສົບໄພໄດ້ມີກໍາລັງໃຈເພື່ອຜ່ານຜ່າເຫດການທີ່ຮ້າຍແຮງນີ້ໄປໄດ້.

- WhatsApp Image 2020 05 27 at 5 - ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ
- WhatsApp Image 2020 05 27 at 5 - ນາຍົກລັດຖະມົນຕີປາບປື້ມຕໍ່ການເສຍສະຫລະຂອງປວງຊົນທັງຊາດຊ່ວຍຜູ້ປະສົບໄພພິບັດເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!