ທ່ານ ຮຸນເຊນ ຢືນຢັນ ເລືອກຕັ້ງກຳປູເຈຍ “ປອດໃສ”

- advert banner 728 90 728x90 - ທ່ານ ຮຸນເຊນ ຢືນຢັນ ເລືອກຕັ້ງກຳປູເຈຍ “ປອດໃສ”

ທ່ານ ຮຸນ​ເຊ​ນ ຢືນຢັນການ​ເລືອກ​ຕັ້ງທົ່ວ​ໄປ​ຂອງ​ກຳປູ​ເຈຍ​ທີ່​ຫາ​ກໍ​ຜ່ານ​ໄປ “​ເສລີ ຍຸຕິ​ທຳ ​ແລະ ກວດ​ສອບ​ໄດ້” ​ແລະ ປະຕິ​ເສດ​ການ​ກົດ​ດັນ​ໃຫ້​ປະຊາຊົນ​ອອກ​ໄປ​ໃຊ້​ສິດ ຫລັງ​ມີ​ລາຍ​ງານ​ບັດ​ລົງ​ຄະ​ແນນ​ເປັນ​ບັດ​ເສຍ​ຫລາຍ​ກວ່າ 5 ​ແສນ​ບັດ.

- new3 - ທ່ານ ຮຸນເຊນ ຢືນຢັນ ເລືອກຕັ້ງກຳປູເຈຍ “ປອດໃສ”

កម្ពុជាបានសម្រេចជោគជវាសនាប្រទេសជាតិ តាមរយៈការបោះឆ្នោតដោយសេរី ត្រឹមត្រូវ និងយុត្តិធម៍ …

Samdech Hun Sen, Cambodian Prime Ministerさんの投稿 2018年7月30日月曜日

- lattana 1 - ທ່ານ ຮຸນເຊນ ຢືນຢັນ ເລືອກຕັ້ງກຳປູເຈຍ “ປອດໃສ”

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຮຸນ​ເຊ​ນ ນາຍົກລັດຖະມົນຕີກຳປູ​ເຈຍ ກ່າວ​ໃນ​ວັນ​ທີ 31 ກໍລະກົດ​ນີ້ ກ່ຽວ​ກັບ​ຜົນ​ການ​ເລືອກ​ຕັ້ງທົ່ວ​ໄປ ​ເຊິ່ງມີ​ຂຶ້ນ​ໃນ​ວັນ​ທີ 29 ກໍລະກົດ​ຜ່ານ​ມາ​ວ່າ: ​ເປັນ​ໄປ​ຕາມ​ການ​ຕັດສິນ​ໃຈ​ຂອງ​ຊາວ​ກຳປູ​ເຈຍ ​ເຊິ່ງ​ໃຊ້​ສິດ​ຂອງ​ຕົນ​ເອງ​ຜ່ານ​ການ​ລົງ​ຄະ​ແນນ​ທີ່​ເປັນ​ໄປ​ຢ່າງ​ເສລີ, ຍຸຕິ​ທຳ ​ແລະ ກວດ​ສອບ​ໄດ້. ທັງ​ນີ້ ການ​ເລືອກ​ຕັ້ງ​ເກີດ​ຂຶ້ນບົນ​ພື້ນຖານ​ຂອງ​ຄວາມ​ສະໝັກ​ໃຈ​ຢ່າງ​ແທ້​ຈິງ​ຈາກ​ປະຊາຊົນ ​ໂດຍ​ປາສະຈາກ​ແຮງ​ກົດ​ດັນ​ທາງ​ການ​ເມືອງ, ພ້ອມ​ທັງ​ຂອບ​ໃຈ​ຊາວ​ກຳປູ​ເຈຍ ​ເຊິ່ງມອບ​ຄວາມ​ໄວ້​ວາງ​ໃຈ​ໃຫ້​ພັກ​ປະຊາຊົນ​ກຳປູ​ເຈຍ (CPP) ບໍລິຫານ​ປະ​ເທດ​ຕໍ່​ໄປ.

ການ​ເຄື່ອນ​ໄຫວ​ດັ່ງກ່າວ​ຂອງ​ທ່ານ ຮຸນ​ເຊ​ນ ອາຍຸ 65 ປີ ​ເຊິ່ງຄອງ​ອຳນາດ​ສູງ​ສຸດ​ທາງ​ການ​ເມືອງ​ມາກ​ວ່າ 33 ປີ ​ເກີດ​ຂຶ້ນທ່າ​ມກາງ​ກະ​ແສ​ວິພາກ​ວິຈານ​ຢ່າງ​ໜັກ​ຈາກ​ຕາ​ເວັນ​ຕົກ ​ໂດຍ​ສະ​ເພາະ​ອາ​ເມ​ລິ​ກາ ​ແລະ ສະຫະພາບ​ເອີຣົບ (EU) ​ເຊິ່ງປະ​ທ້ວງ​ບໍ່​ຍອມຮັບ​ຜົນ​ການ​ເລືອກ​ຕັ້ງທີ່​ເກີດ​ຂຶ້ນວ່າ: ບໍ່​ໄດ້​ສະ​ແດງ​ເຈດ​ຈຳນົງ​ທາງ​ການ​ເມືອງ​ຂອງ​ຊາວ​ກຳປູ​ເຈຍ​ຢ່າງ​ແທ້​ຈິງ ​ເນື່ອງ​ຈາກ​ເປັນ​ການ​ລົງ​ຄະ​ແນນ​ທີ່​ບໍ່​ມີ​ພັກ​ຝ່າຍກົງກັນຂ້າມ​ກັບ​ລັດຖະບານ​ເປັນ​ຕົວ​ເລືອກ​ໃຫ້​ແກ່​ປະຊາຊົນ, ຈາກ​ການ​ທີ່​ພັກ​ກູ້​ຊາດ​ກຳປູ​ເຈຍ (CNRP) ຖືກ​ຍຸບ​ໄປ​ນັບ​ແຕ່​ຫລາຍ​ປີຜ່ານມາ ​ແລະ ສະມາຊິກ​ພັກ​ຕ້ອງ​ຜະ​ເຊີນ​ກັບ​ການ​ກວາດ​ລ້າງ​ຢ່າງ​ໜັກ ລວມທັງ​ທ່ານ ສົມ ຣັງສີ ​ແລະ ທ່ານ ​ເກິມ ສຸຂາ. ອີກ​ທັງ​ເຕືອນ​ເລື່ອງ​ການ​ຂະຫຍາຍ​ຂອບ​ເຂດ​ມາດ​ຕະການ​ກົດ​ດັນ​ທາງ​ເສດຖະກິດ​ຕໍ່​ລັດຖະບານ​ພະນົມ​ເປັນ.

ຂະນະ​ທີ່ ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ຂອງ​ກຳປູ​ເຈຍ (NEC) ​ເປີດ​ເຜີຍ​ຂໍ້​ມູນ​ວ່າ: ຈາກ​ຈຳນວນ​ບັດ​ລົງ​ຄະ​ແນນ 7,64 ລ້ານ​ບັດ​ນັ້ນ ​ເປັນ​ບັດ​ດີ 6.349.389 ບັດ ​ແລະ ​ເປັນ​ບັດ​ເສຍ​ສູງ​ເຖິງ 594.843 ບັດ ຄິດ​ເປັນ 8,4% ​ເພີ່ມ​ຂຶ້ນກວ່າ 5 ​ເທົ່າ​ຈາກ​ການ​ເລືອກ​ຕັ້ງທົ່ວ​ໄປ​ໃນ​ປີ 2013 ​ເຊິ່ງມີ​ບັດ​ເສຍ 108.085 ບັດ ຫລື ພຽງ 1,6% ຈາກ​ຈຳນວນ​ບັດ​ລົງ​ຄະ​ແນນ​ທັງ​ໝົດ​ປະມານ 6,7 ລ້ານ​ບັດ ​ແລະ ຈະ​ຍັງ​ບໍ່​ປະກາດ​ຜົນ​ການ​ນັບ​ຄະ​ແນນ​ທັງ​ໝົດ​ຢ່າງ​ເປັນ​ທາງ​ການ ຈົນ​ກວ່າ​ຈະ​ຮອດ​ວັນ​ທີ 15 ສິງຫາ​ນີ້, ​ແຕ່​ພັກ CPP ອອກ​ຖະ​ແຫລ​ງການ​ຢືນຢັນ “ການ​​ໄດ້​ທຸກ​ບ່ອນ​ນັ່ງ” ​ໃນ​ສະພາ​ຜູ້​ແທນ​ລາຊະ​ດອນ.

error: Content is protected !!