ສອງເກົາຫລີຫາລືຫລຸດ ຄວາມເຄັ່ງຕຶງທາງທະຫານ

- advert banner 728 90 728x90 - ສອງເກົາຫລີຫາລືຫລຸດ ຄວາມເຄັ່ງຕຶງທາງທະຫານ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ພົນ​ຕີ ກິມ ​ໂດ​ຢອນ ຫົວໜ້າ​ຄະນະ​ເຈົ້າໜ້າ​ທີ່​ເຈລະຈາ​ ຂອງ​ກອງທັບ ສ.​ເກົາຫລີ ພົບ​ປະ​ຫາລື​ກັບ ພົນ​ໂທ ອັນ ອິກຊານ ຈາກ​ກອງທັບ​ປະຊາຊົນ​ເກົາຫລີ (KPA) ທີ່​ອາຄານ​ສັນຕິພາບ ​ໃນ​ປານ​ມຸນ​ຈອມ ​ເຂດ​ປອດ​ທະຫານ​ເບື້ອງ ສ.​ເກົາຫລີ ​ໃນ​ວັນ​ທີ 31 ກໍລະກົດ​ນີ້ ​ເຊິ່ງ​ເປັນ​ການ​ພົບ​ປະ​ຫາລື​ລະຫວ່າງ​ເຈົ້າໜ້າ​ທີ່​ລະດັບ​ສູງ​ຂອງ​ກອງທັບ​ສອງ​ເກົາຫລີ​ເປັນຄັ້ງທີ 2 ນັບ​ແຕ່​ກອງ​ປະຊຸມ​ສຸດ​ຍອດ​ລະຫວ່າງ ປະທານາທິບໍດີ ມຸນ ​ແຈ​ອິນ ກັບ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ໃນ​ວັນ​ທີ 27 ​ເມສາ​ຜ່ານ​ມາ ​ແລະ ມີ​ການ​ລົງ​ນາມ​ຮ່ວມ​ກັນ​ໃນ “ປະລິນຍາ​ປານ​ມຸນ​ຈອມ”.

- 1533019917 445 two koreas hold military talks as u s detects activity at north korea missile factory - ສອງເກົາຫລີຫາລືຫລຸດ ຄວາມເຄັ່ງຕຶງທາງທະຫານ

ທັງ​ນີ້, ການ​ພົບ​ປະ​ຫາລື​ລະຫວ່າງ​ທະຫານ​ລະດັບ​ສູງ​ຂອງ ສປປ ​ເກົາຫລີ ​ແລະ ສ.​ເກົາຫລີ ນັບ​ແຕ່​ກອງ​ປະຊຸມ​ລະຫວ່າງ​ຜູ້ນຳ​ຂອງ​ທັງ​ສອງ​ຝ່າຍ​ເກີດ​ຂຶ້ນທີ່​ປານ​ມຸນ​ຈອມ​ເບື້ອງ ສປປ ​ເກົາຫລີ ​ໃນ​ກາງ​ເດືອນ​ມິຖຸນາ​ຜ່ານ​ມາ ​ໂດຍ​ເປັນ​ການ​ພົບ​ປະ​ຫາລື​ລະດັບ​ນາຍ​ພົນ​ຈາກ​ກອງທັບ​ສອງ​ເກົາຫລີ​ເປັນ​ເທື່ອ​ທຳ​ອິດ​ໃນ​ຮອບ​ເກືອບ 11 ປີ ​ເຊິ່ງຜົນ​ການ​ພົບ​ປະ​ຫາລື​ຄັ້ງນັ້ນຳ​ໄປ​ສູ່​ການ​ຮື້ຟື້ນ​ໂທລະສັບ​ສາຍ​ດ່ວນ​ໄວ້​ຕິດ​ຕໍ່​ກັນ ​ແລະ ການ​ປະຕິບັດ​ຕາມ​ຂໍ້​ຕົກລົງ​ຫລີກ​ເວັ້ນການ​ປະ​ທະ​ຕາມ​ເຂດ​ແດນ​ທາງ​ທະ​ເລ.

ຂະນະ​ທີ່ ບັນຫາ​ສຳຄັນ​ຂອງ​ການ​ພົບ​ປະ​ຫາລື​ຄັ້ງນີ້ ຄາດ​ວ່າ​ຈະ​ລວມທັງ​ການ​ຫາລື​ຕໍ່​ຍອດ​ໃນ​ບັນ​ຫາ​ການ​ຫລຸດ​ຈຳນວນ​ທະຫານ​ຕາມ​ເຂດ​ປອດ​ທະຫານ ຕາມ​ແນວທາງ​ປະຕິບັດ​ໃນ​ປະລິນຍາ​ປານ​ມຸນ​ຈອມ ວ່າ​ດ້ວຍ​ການ​ປ່ຽນ​ແປງ​ພູມ​ີທັດ​ໃນ​ບໍລິ​ເວນ​ນີ້​ໃຫ້​ກາຍ​ເປັນ “​ເຂດ​ສັນຕິພາບ” ​ແລະ ການ​ແລກປ່ຽນ​ຄວາມ​ຄິດ​ເຫັນ​ກ່ຽວ​ກັບ​ການ​ແລ່ນ​ເຮືອ​ປະ​ມົງບໍລິ​ເວນ​ແນວ​ຈຳກັດ​ຕອນ​ເໜືອ (NNL) ​ເຊິ່ງ​ເປັນ​ເສັ້ນ​ແບ່ງ​ອານາ​ເຂດ​ໃນ​ທະ​ເລ​ເຫລືອງ ຕັ້ງຢູ່​ທາງ​ຕາ​ເວັນ​ຕົກ​ລະຫວ່າງ ສປປ ​ເກົາຫລີ ກັບ ສ.​ເກົາຫລີ ທີ່​ສະຫະ​ປະຊາ​ຊາດ (UN) ​ເປັນ​ຜູ້​ຂີດ​ເສັ້ນ​ແບ່ງ​ຕາມ​ຂໍ້​ຕົກລົງ​ຢຸດ​ຍິງ​ສົງຄາມ​ເກົາຫລີ ​ໃນ​ປີ 1953.

error: Content is protected !!