ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ

- 1443680966 231244850 - ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ
- Untitled design - ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ

ມີ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ ​ໂດຍ​ເຄິ່ງໜຶ່ງ​ເປັນ​ຄົນ​ຮ້າຍ ຫລັງ​ເກີດ​ເຫດ​ລະ​ເບີດ​ຂ້າ​ຕົວ​ຕາຍພາຍ​ໃນ​ລົດ​ຕູ້​ຄັນ​ໜຶ່ງ ທີ່​ຈຸດ​ກວດ​ໃນ​ພື້ນທີ່​ຂັດ​ແຍ່ງຢູ່່​ເກາະ​ທາງ​ຕອນ​ໃຕ້​ຂອງ​ຟີ​ລິບ​ປິນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກອງທັບ​ຟີ​ລິບ​ປິ​ນອອກ​ຖະ​ແຫລ​ງການ​ເລື່ອງ​ການ​ເກີດ​ເຫດ​ລະ​ເບີດ​ຂ້າ​ຕົວ​ຕາຍພາຍ​ໃນ​ລົດ​ຕູ້​ຄັນ​ໜຶ່ງ ທີ່​ຈຸດ​ກວດ​ຂອງ​ທະຫານ​ບໍລິ​ເວນ​ເມືອງ​ລາ​ມິ​ຕັນ ​ເຊິ່ງ​ເປັນ​ຊຸມ​ຊົນ​ຂອງ​ຊາວ​ຄຣິສ ຢູ່​ເກາະ​ບາ​ຊີ​ລັນທີ່​ເປັນ​ດິນ​ແດນ​ສ່ວນ​ໜຶ່ງ​ຂອງ​ເຂດ​ປົກຄອງ​ຕົນ​ເອງ​ມິນ​ດາ​ເນົາ ທາງ​ຕອນ​ໃຕ້​ຂອງ​ປະ​ເທດ ​ແລະ ພົນລະ​ເມືອງ​ທ້ອງ​ຖິ່ນ​ສ່ວນ​ໃຫຍ່​ເປັນ​ຊາວ​ມຸສລິ​ມ ​ໃນ​ຕອນ​ຂ້ອນ​ແຈ້ງ​ຂອງ​ວັນ​ທີ 31 ກໍລະກົດ ຕາມ​ເວລາ​ທ້ອງ​ຖິ່ນ.

- Wave100S AD to Website 2020 0 - ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ

ທັງ​ນີ້, ​ແຮງ​ລະ​ເບີດ​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ ​ແບ່ງ​ເປັນ​ທະຫານ 1 ຄົນ, ພົນລະ​ເຮືອນ 4 ຄົນ ​ໃນ​ຈຳນວນ​ນີ້ 2 ຄົນ​ເປັນ​ແມ່​ລູກ​ກັນ ​ແລະ ສະມາຊິກ​ກຸ່ມ​ຫົວ​ຮຸນ​ແຮງ 5 ຄົນ. ອີກ​ທັງ​ມີ​ຜູ້​ໄດ້​ຮັບ​ບາດ​ເຈັບ​ອີກ​ຈຳນວນ​ໜຶ່ງ ​ໂດຍ​ຄົນ​ຮ້າຍ​ຈູດ​ສະ​ນວນ​ລະ​ເບີດ​ໃນ​ໄລຍະ​ທີ່​ທະຫານ​ກຳລັງ​ສົນທະນາ​ກັບ​ຄົນ​ຂັບ​ລົດ ຫລັງ​ເຈົ້າໜ້າ​ທີ່​ຂໍ​ກວດ​ລົດ​ຕູ້​ຄັນ​ດັ່ງກ່າວ​ຕາມ​ຂະ​ບວນການ​ດ້ານ​ຄວາມ​ໝັ້ນຄົງ.

ຫລັງ​ເກີດ​ເຫດ​ຍັງ​ບໍ່​ມີ​ບຸກຄົນ ຫລື ກຸ່ມ​ໃດ​ອອກ​ມາ​ອ້າ​ງຄວາມ​ຮັບຜິດຊອບ, ​ແຕ່​ເກາະ​ບາ​ຊີ​ລັນ​ເປັນ​ຖານ​ທີ່​ໝັ້ນຂອງ​ກຸ່ມ​ອາ​ບູ​ໄຊ​ຍາບ ​ເຊິ່ງ​ເປັນ​ໜຶ່ງ​ໃນ​ຂະ​ບວນການ​ຫົວ​ຮຸນ​ແຮງ ​ເຊິ່ງປັກ​ຫລັກ​ຢູ່​ຕາມ​ເກາະ​ໃນ​ພາກ​ໃຕ້​ຂອງ​ຟີ​ລິບ​ປິນ ​ເພື່ອ​ສູ້​ຮົບ​ແບ່ງ​ແຍກ​ດິນ​ແດນ​ຈາກ​ລັດຖະບານ​ໃນ​ນະຄອນຫລວງ​ມະນີ​ລາ. ນອກຈາກ​ນີ້ ​ເຫດການ​ດັ່ງກ່າວ​ເກີດ​ຂຶ້ນພຽງ​ບໍ່​ເທົ່າ​ໃດ​ມື້ ຫລັງ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ລົງ​ນາມ​ຮັບຮອງ​ກົດໝາຍ “ອົງ​ປະກອບ​ບັງ​ຊາ​ໂມ​ໂຣ” ວ່າ​ດ້ວຍ​ການວາງ​ຮາກ​ຖານ​ໃນ​ການ​ກຳນົດ​ອານາ​ເຂດ​ສ່ວນ​ໜຶ່ງ​ຂອງ​ເກາະ​ມິນ​ດາ​ເນົາ​ໃຫ້​ມີ​ສະຖານະ “​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ” ພາຍ​ໃນ​ປີ 2022.

- WhatsApp Image 2020 05 27 at 5 - ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ
- WhatsApp Image 2020 05 27 at 5 - ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ
error: Alert: ເນື້ອຫາຂ່າວມີລິຂະສິດ !!