ນັກເຕະທີມຊາດລາວລວມກັນ ປະມູນເສື້ອຊ່ວຍເຫລືອອັດຕະປື

- advert banner 728 90 728x90 - ນັກເຕະທີມຊາດລາວລວມກັນ ປະມູນເສື້ອຊ່ວຍເຫລືອອັດຕະປື

ນັກກິລາບານ​ເຕະທີມຊາດລາວ ​ເຕົ້າ​ໂຮມ​ຄວາ​ມສາມັກ​ຄີ​ປະມູນ​ເສື້ອ ​ເພື່ອ​ນໍາ​ລາຍ​ໄດ້​ເຂົ້າ​ຊ່ວຍ​ເຫລືອຜູ້​ປະສົບ​ໄພ​ພິບັດ​ນໍ້າ​ຖ້ວມ​ທີ່​ແຂວງ​ອັດຕະປື, ຂະນະ​ທີ່ ທ້າວ ພິທັກ ກອງ​ມາ​ທິລາດ ນັກ​ກິລາ​​ບານ​ເຕະທີ​ມຊາດ ສັງກັດ​ຢູ່​ສະ​ໂມ​ສອນ​ກອງທັບ ​ເອັຟຊີ ປະມູນ​ເສື້ອ​ໄດ້ 1 ລ້ານ​ກີບ.

ທ້າວ ພິທັກ ກອງ​ມາ​ທິລາດ ​ໃຫ້​ສໍາພາດ​ວ່າ: ພາຍຫລັງ​ໄດ້​​ຂ່າວ​ນໍ້າ​ຖ້ວມ​ທີ່​ແຂວງ​ອັດ​ຕະປື ຕົນ​ເອງ​ກໍ​ຢາກ​ມີ​ສ່ວນ​ຮ່ວມ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພ​ໃນ​ຄັ້ງ​ນີ້ ຈຶ່ງ​ໄດ້​ເລີ່​ມປະມູນ​​ເສື້ອ​​​ ​ໃນທ້າຍ​ອາທິດ​ຜ່ານ​ມາ ​ເຊິ່ງຫລ້າ​ສຸດກໍ​ມີ​ຜູ້​ເຂົ້າ​ຮ່ວມ​ປະມູນ​ເສື້ອ​ໄດ້​ດ້ວຍ​ລາຄາ 1 ລ້ານ​ກີບ ຈາກ​ຜູ້​ໃຫຍ່​ໃຈດີ ທ່ານນາງ ເທວາ ບຸນພິມມະຈັກ ປະ​ຊາ​ຊົນບ້ານ​ດອນ​ໜູນ ​ເມືອງ​ໄຊ​ທາ​ນີ ນະຄອນຫລວງ​ວຽງ​ຈັນ ຫລັງ​ຈາກນັ້ນ​ຕົນ​ເອງກໍ​ໂອນ​ເຂົ້າ​ບັນຊີ ​ເພື່ອ​ຊ່ວຍ​ເຫລືອ​ຜູ້​ປະສົບ​ໄພ​ພິບັດ​ນໍ້າ​ຖ້ວມທີ່​ແຂວງ​ອັດ​ຕະປື.

ທ້າວ ສຸກ​ອາພອນ ວົງ​ຈຽງ​ຄໍາ ອະດີດ​ນັກ​ກິລາ​ທີ​ມຊາດ ປັດຈຸບັນ​ສັງກັດ​ຢູ່​ສະ​ໂມ​ສອນ ສີສະ​ເກດ​ ​ເອັຟຊີ ປະ​ເທດ​ໄທ ​ໃຫ້​ສໍາພາດ​ວ່າ: ​ໄພພິບັດ​ຄັ້ງ​ນີ້ຖື​ວ່າ​ມີ​ຄວາມ​ຮ້າຍ​ແຮງ​ທີ່​ສຸດ ​ເຊິ່ງມັນ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ພີ່ນ້ອງ​ແຂວງ​ອັດ​ຕະປື​ເປັນ​ຈໍານວນ​ມະຫາສານ. ດັ່ງ​ນັ້ນ ຕົນ​ເອງ​ຈຶ່ງ​ຢາກ​ຊ່ວຍ​ເຫ​ລືອພີ່ນ້ອງ​ທີ່​ປະສົບ​ໄພ​ດັ່ງກ່າວ ຈຶ່ງ​ໄດ້​ເລີ່​ມປະມູນ​ເສື້​ອກິລາ​ທີ່​ຕົນ​ເອງ​​ໃຊ້​ລົງ​ສະໜາມ​ແຂ່ງຂັນ​ແຕ່​ລະ​ຄັ້ງ ​ແລະ ​ເສື້ອ​ທີ​ມຊາດ​ລາວ ​ເບີ 10 ຈໍານວນ 3 ​ໂຕ ​ເຊິ່ງ​ແຕ່​ລະ​ໂຕ​ລາ​ຄາ​ເລີ່​ມຕົ້ນ 250.000 ກີບ ​ແລະ ຈະ​ປິດ​ການ​ປະມູນ​ວັນ​ທີ 1 ສິງຫານີ້ ​ເຊິ່ງລາຍ​ໄດ້​ທັງ​ໝົດຈະ​ນໍາ​ໄປ​ຊ່ວຍ​ເຫລືອ​ຜູ້​ປະສົບ​ໄພ​ທາງ​ພາກ​ໃຕ້​ຂອງ​ລາວ.

- 1 1 - ນັກເຕະທີມຊາດລາວລວມກັນ ປະມູນເສື້ອຊ່ວຍເຫລືອອັດຕະປື
- Tiger Head 728x90 - ນັກເຕະທີມຊາດລາວລວມກັນ ປະມູນເສື້ອຊ່ວຍເຫລືອອັດຕະປື

ນອກ​ຈາກ​ນັ້ນ, ຍັງ​ມີທ້າວ​ ບຸນ​ພະຈັນ ບຸນ​ກອງ ນັກ​ກິ​ລາບານ​ເຕະ​ທີ​ມຊາດ​ລາວ ປະມູນ​​ເສື້ອທີ​ມຊາດ​​ໄດ້ 7 ​ແສນ​ກີບ ​ແລະ ຍັງ​ມີ​ບັນດາ​ນັກ​ກິລາບານ​ເຕະ​ອະດີດ​ທີ​ມຊາດ ຢູ 16 ຮ່ວມ​ກັນ​ຮັບ​ບໍລິຈາກ​ເຄື່ອງທີ່​ບ້ານ​ໂພນ​ພ​ະ​ເນົາ ​ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ.

error: Content is protected !!