ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ

- vietnam uniun - ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ
- Untitled design - ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ

       ຄະນະຜູ້ແທນສະຫະພັນ​ກຳມະບານ ທະນາຄານ​ແຫ່ງ ສປປ ລາວ (ທຫລ) ເຊິ່ງນຳໂດຍສະຫາຍນາງ ຂັນແກ້ວ ຫຼ້າມະນີເງົາ,   ປະທານສະຫະພັນກໍາມະບານ ທຫລ, ຫົວໜ້າກົມ​ບັນຊີ ແລະການ​ເງິນ ທຫລ ໄດ້ເຄື່ອນໄຫວຢ້ຽມຢາມ ແລະເຮັດວຽກ ຮ່ວມກັບ ຄະນະສະ ຫະພັນກຳມະບານທະນາຄານຫວຽດນາມ ທີ່ນະຄອນ ດາ​ ໃນລະຫວ່າງຕົ້ນເດືອນກໍລະກົດຜ່ານມາ.

​ໃນ​ໂອກາດ​ດັ່ງກ່າວ, ທ່ານ ດາວ​ມິ​ງຕູ້ ຮອງ​ຜູ້​ວ່າການທະນາຄານ​ແຫ່ງ​ລັດ ຫວຽດນາມ, ປະທານສະຫະພັນກໍາມະບານທະນາຄານ ຫວຽດນາມ ກໍ່​ໄດ້​ໃຫ້​ກຽດ​ຕ້ອນຮັບຄະນະ  ທຫລ ຢ່າງ​ອົບ​ອຸ່ນ ​ແລະ​ໃນ​ຂະນະ​ດຽວ​ກັນ ສະຫາຍນາງ ຂັນແກ້ວ ຫຼ້າມະນີເງົາ ໄດ້ຕາງໜ້າໃຫ້ຄະນຳຂອງ ທຫລ  ກ່າວສະແດງຄວາມຍິນ​ດີ ​ແລະຊົມເຊີຍຕໍ່ຜົນສຳເລັດຂອງກອງປະຊຸມໃຫຍ່ກຳມະບານທະນາຄານຫວຽດນາມ ຢ່າງສຸດໃຈ ແລະໃນຂະນະດຽວກັນ ກໍໄດ້ສະແດງຍິນດີຕໍ່ສະຫາຍ ດາວມີງຕູ້ ທີ່ໄດ້ຮັບການເລືອກຕັ້ງເປັນປະທານກຳມະບານທະນາຄານຫວຽດນາມຄົນໃໝ່ ​ແລະ ຈາກ​ນັ້ນ ກໍໄດ້ມີການພົບປະ ແລະ ເຮັດວຽກຮ່ວມ​ກັນຂອງສອງຝ່າຍ ໂດຍຜູ້ປະຈຳການກໍາມະບານທະນາຄານຫວຽດນາມ ໄດ້ແຈ້ງຜົນສຳເລັດຂອງກອງປະ ຊຸມໃຫຍ່ກໍາມະບານຂອງຕົນທີ່ຈັດຂຶ້ນໃນກາງເດືອນມິຖຸນາ ຜ່ານມາ ໂດຍພາຍໃຕ້ຄໍາຂັວນໃໝ່ ຄື: ປ່ຽນແປງໃໝ່, ປະຊາທິປະ ໄຕ, ສາມັກຄີ ແລະຄວາມຮັບຜິດຊອບ ເພື່ອຜົນປະໂຫຍດຂອງສະມາຊິກ, ຊາວຜູ້ອອກແຮງງານ ແລະການພັດທະນາຂະແໜງ ການທະນາຄານ ​ແລະເພື່ອປ່ຽນແປງໃໝ່ດ້ານເນື້ອໃນ, ວິທີການເຄື່ອນໄຫວຂອງກຳມະບານແຕ່ລະຂັ້ນຮາກຖານໃຫ້ມີປະສິດທິພາບ; ເນັ້ນໜັກໄປຕາມທິດ ຍົກສູງສິດອຳນາດໃນການປະກອບສ່ວນວຽກງານການບໍລິຫານຄຸ້ມຄອງ, ເບິ່ງແຍງຊິວິດການເປັນຢູ່, ປົກປ້ອງສິດຜົນປະໂຫຍດ ຂອງຊາວຜູ້ອອກແຮງງານໃຫ້ຖືກຕ້ອງຕາມລະບຽບກົດໝາຍຂອງປັບປຸງກໍ່ສ້າງວຽກງານກຳມະບານ ແລະຖັນແຖວພະນັກງານກຳມະ ບານໃຫ້ຮັບປະກັນດ້ານຄຸນນະພາບ  ຕາມມາດຖານແຮງງານສາກົນ; ປັບປຸງ ແລະຍົກສູງຄູນສົມບັດຂອງພະນັກງານທະນາຄານໃຫ້ສູງຂຶ້ນ ແລະຢຶດໝັ້ນໃນອຸດົມການ, ຊື່ສັດຕໍ່ໜ້າທີ່ທີ່ຮັບມອບໝາຍ.

ຈາກນັ້ນ ຄະນະຜູ້ແທນລາວກໍໄດ້ເຮັດວຽກຮ່ວມກັບຄະນະອຳນວຍການ ແລະ ຄະນະນຳກຳມະບານຮາກຖານທະນາຄານສົ່ງເສີມກະສິກຳ ແລະທະນາຄານນະໂຍບາຍ ສັງຄົມ ເພື່ອປຶກສາຫາລື ແລະ ແລກປ່ຽນບົດຮຽນໃນການຊີ້ນຳ ນໍາພາທາງດ້ານວຽກງານວິຊາສະເພາະ ແລະວຽກງານກຳມະບານໃນດ້ານນະໂຍບາຍຕ່າງໆເພື່ອນຳມາຫມູນໃຊ້ໃຫ້ມີຜົນ.

- Wave100S AD to Website 2020 0 - ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ

​#  ຂ່າວ: ຣັດສະໝີ ດວງ​ສັດຈະ                                         

- WhatsApp Image 2020 05 27 at 5 - ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ
- WhatsApp Image 2020 05 27 at 5 - ລາວ-ຫວຽດນາມ ເພີ່ມການຮ່ວມມືວຽກງານກໍາມະບານຂະແໜງທະນາຄານ
error: Alert: ເນື້ອຫາຂ່າວມີລິຂະສິດ !!