ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ

- khamuan - ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ
- Untitled design - ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ

ລາຍ​ງານ​ຫລ້າ​ສຸດ​ຈາກ​ຄະນະ​ກຳມະການ​ຄວບ​ຄຸມ ​ແລະ ປ້ອງ​ກັນ​ໄພພິບັດ​ຂັ້ນ​ແຂວງ ​ໃຫ້​ຮູ້​ວ່າ: ປັດຈຸບັນ​ມີ 300 ກວ່າ​ບ້ານ​ໃນ​ທົ່ວ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ​ໜັກ​ຈາກ​ໄພ​ນ້ຳຖ້ວມ ມີ 13.589 ຄອບຄົວ​ພົບ​ຄວາມ​ຫຍຸ້ງຍາກ​ຫລາຍ, ​ເນື້ອທີ່​ນາປີ 25.049 ​ເຮັກຕາ​ຈົມ​ຢູ່​ໃນ​ພື້ນນ້ຳ, ຫລາຍ​ເຂດ​ບໍ່​ມີ​ໄຟຟ້າ​ໃຊ້, ​ເສັ້ນທາງ​ຖືກ​ຕັດຂາດ​ຫລາຍ​ຈຸດ ​ແລະ ສັດລ້ຽງ​ປະ​ເພດ​ງົວ, ຄວາຍ, ​ແບ້, ໝູ ​ແລະ ສັດ​ປີກ​ຈຳນວນ​ຫລາຍ​ຖືກ​ສູນ​ເສຍ, ​ໃນ​ນັ້ນ​ເມືອງ​ທີ່​ໄດ້​ຮັບ​ຜົນ​ກະທົບ​ຫລາຍ​ກວ່າ​ໝູ່ ຄື​ເມືອງ​ບົວລະພາ​ມີ 41 ບ້ານ, ​ເມືອງໜອງ​ບົກ 51 ບ້ານ, ​ເມືອງ​ຫີນ​ບູນ 36 ບ້ານ, ​ເມືອງ​ເຊບັ້ງ​ໄຟ 35 ບ້ານ, ​ເມືອງ​ມະຫາ​ໄຊ 40 ບ້ານ, ​ເມືອງ​ຍົມ​ມະ​ລາດ 22 ບ້ານ, ​ເມືອງ​ທ່າ​ແຂກ 38 ບ້ານ, ​ເມືອງ​ໄຊ​ບົວທອງ 27 ບ້ານ, ​ເມືອງ​ຄູນ​ຄຳ 17 ບ້ານ ​ແລະ ​ເມືອງ​ນາ​ກາຍ​ມີ​ຈຳນວນ 2 ບ້ານ.

ຄະນະ​ກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ຂັ້ນ​ແຂວງ​ ​ໃຫ້​ຮູ້​ຕື່ມ​ວ່າ: ສຳລັບ​ຄວາມ​ຕ້ອງການ​ໃນ​ການ​ຊ່ວຍ​ເຫລືອ ປັດຈຸບັນ​ສ່ວນ​ໃຫຍ່​ແມ່ນ​ປະ​ເພດ​ເຄື່ອງ​ອຸປະ​ໂພ​ກ-ບໍລິ​ໂພ​ກ, ​ເຮືອຈັກ ​ແລະ ນ້ຳດື່ມ. ສ່ວນ​ລະດັບ​ນ້ຳຂອງ​ຢູ່​ເມືອງ​ທ່າ​ແຂກ ​ໃນ​ວັນ​ທີ 30 ກໍລະກົດ ວັດ​ແທກ​ໄດ້ 12,60 ​ແມັດ, ​ເຂດ​ອັນຕະລາຍ​ແມ່ນ 14,00 ​ແມັດ, ລະດັບນ້ຳ​ເຊບັ້ງ​ໄຟ​ຢູ່​ທີ່​ບ້ານ​ໂພ​ວາ ​ເມືອງ​ມະຫາ​ໄຊ ວັດ​ແທກ​ໄດ້ 16,78 ​ແມັດ ​ເກີນ​ເຂດ​ອັນຕະລາຍ​ແລ້ວ 1,78 ​ແມັດ, ນ້ຳ​ເຊບັ້ງ​ໄຟ ຈຸດ​ບ້ານ​ຂົວ​ເຊ​ແທກ​ໄດ້ 21,60 ​ແມັດ ​ເກີນ​ເຂດ​ອັນຕະລາຍ​ກວ່າ 3 ​ແມັດ, ຢູ່​ບ້ານ​ໄຮ່​ຜາ​ວຽງ ​ເມືອງ​ຍົມ​ມະ​ລາດ ວັດ​ແທກ​ໄດ້ 14,52 ​ແມັດ ​ເກີນ​ເຂດ​ອັນຕະລາຍ 1,52 ​ແມັດ ​ແລະ ລະດັບ​ນ້ຳ​ເຊບັ້ງ​ໄຟ ຢູ່​ບ້ານ​ຊອກ​ເບາະ ​ເມືອງ​ໜອງ​ບົກ ວັດ​ແທກ​ໄດ້ 15,35 ​ແມັດ ​ເກີນ​ເຂດ​ອັນຕະລາຍ 1,35 ​ແມັດ. ໝາຍວ່າ​ຢູ່​ໃນ​ຄວາມ​ອັນຕະລາຍ​ຮ້າຍ​ແຮງ​ທີ່​ສຸດ​ໃນ​ປັດຈຸບັນ.

- Wave100S AD to Website 2020 0 - ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ
- WhatsApp Image 2020 05 27 at 5 - ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ
- WhatsApp Image 2020 05 27 at 5 - ລະດັບ​ນ້ຳ​ເຊບັ້ງ​ໄຟ​ສືບ​ຕໍ່​ເພີ່ມ​ສູງ​ຂຶ້ນກາຍ​ເຂດ​ອັນຕະລາຍມີ 309 ບ້ານ​ໃນ​ແຂວງ​ຄຳ​ມ່ວນ​ໄດ້​ຮັບ​ຜົນ​ກະທົບ
error: Alert: ເນື້ອຫາຂ່າວມີລິຂະສິດ !!