ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ

- 040108 2018 - ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ
- Untitled design - ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ

     – ເລືອກສີຊຸດທີ່ເຂົ້າກັນ ແລະ ສີບໍ່ຕັດກັນເກີນໄປ : ໃນດ້ານຈິດຕະວິທະຍາແລ້ວການນຸ່ງເຄື່ອງທີ່ມີສີເຂົ້າກັນ ໂດຍສະເພາະສີເຂັ້ມໆຈະເຮັດໃຫ້ທ່ານເບິ່ງໂຕພຽວ ແລະ ສູງຂຶ້ນ ທ່ານຄວນຫລີກເວັ້ນການນຸ່ງເຄື່ອງທີ່ມີສີຕັດກັນຫລາຍເກີນໄປ ຫາກຈຳເປັນຕ້ອງນຸ່ງເຄື່ອງທີ່ມີສີຕັດກັນແລ້ວ ກໍຄວນຈະຢູ່ໃນບັນຊີສີດຽວກັນ  ແລະ ບໍ່ຄວນມີຫລາຍເກີນ 3 ສີ ຫລື ຖ້າຫາກທ່ານເປັນຄົນທີ່ແນວໃດກໍຕ້ອງມີສີສັນໃນການແຕ່ງໂຕ ກໍໃຫ້ໃຊ້ເຕັກນິກການໃສ່ເຄື່ອງປະດັບກັບພາກສ່ວນເທິງຂອງຮ່າງກາຍ. ສິ່ງສຳຄັນແມ່ນທ່ານຕ້ອງໃຫ້ຈຸດເດັ່ນຂອງການແຕ່ງໂຕເບື້ອງເທິງເພື່ອໃຫ້ສາຍຕາຂອງຄົນອື່ນຈັບຈ້ອງຢູ່ພາກສ່ວນເທິງຂອງຮ່າງກາຍ ເພາະຫາກຈຸດເດັ່ນຂອງເຄື່ອງນຸ່ງຢູ່ທາງລຸ່ມ ສາຍຕາຄົນອື່ນຈະເບິ່ງໄປບ່ອນລຸ່ມຂອງທ່ານກ່ອນ ແລະ ຈະເບິ່ງທ່ານເຕ້ຍໄປເລີຍໃນສາຍຕາຂອງພວກເຂົາ.

     – ນຸ່ງເຄື່ອງໃຫ້ພໍດີໂຕ : ຫລາຍຄົນພາດຊື້ເຄື່ອງນຸ່ງຈາກການເລືອກພຽງແຕ່ຍີ່ຫໍ້ແພງໆຕອນທີ່ມັນຢູ່ໃນໄລຍະຫລຸດລາຄາເທົ່ານັ້ນ, ແຕ່ການເລືອກທີ່ດີສຸດແມ່ນການເລືອກເຄື່ອງນຸ່ງທີ່ມີຂະໜາດພໍດີກັບໂຕທ່ານ ລວມເຖິງມີສີທີ່ເຂົ້າກັນ ເພາະມັນເຮັດໃຫ້ທ່ານເບິ່ງຮູບຮ່າງພຽວບາງໄດ້ງ່າຍ. ນອກຈາກນີ້ ຄວນຫລີກເວັ້ນການຊື້ເຄື່ອງທີ່ມີສິ້ນສ່ວນຮົກເຮື້ອ ເຊັ່ນ : ເສື້ອມີຖົງໃຫຍ່ໆ ເພາະມັນຈະສ້າງພາບລວງຕາໃຫ້ທ່ານເບິ່ງໂຕຕຸ້ຍ.

     – ນຸ່ງເຄື່ອງລາຍທາງຕັ້ງ (Vertical) : ນີ້ອາດເປັນສິ່ງທີ່ທຸກຄົນຮູ້ກັນຢູ່ແລ້ວ ແຕ່ເຫດຜົນເລິກໆຂອງມັນແມ່ນສະໝອງຄົນຈະເບິ່ງຈາກຊ້າຍໄປຫາຂວາໃນກໍລະນີທ່ານນຸ່ງເຄື່ອງລາຍທາງຂວາງ (ສັ້ນກ່ວາ), ແຕ່ເບິ່ງຈາກທາງເທິງລົງລຸ່ມເມື່ອທ່ານນຸ່ງເຄື່ອງລາຍທາງນອນ (ຍາວກ່ວາ) ໂດຍທ່ານນອາດເບິ່ງສູງຂຶ້ນຕື່ມໜ້ອຍໜຶ່ງຫາກທ່ານເລືອກເຄື່ອງນຸ່ງທີ່ມີລາຍໃນທາງຕັ້ງສຳລັບພາກສ່ວນທາງເທິງຂອງຮ່າງກາຍ. ທັງນີ້ ຢ່າເຂົ້າໃຈວ່າທ່ານນຸ່ງທັງເສື້ອລາຍ ແລະ ໂສ້ງລາຍຈະເບິ່ງງາມ ນັ້ນອາດຈະຫລາຍ ແລະ ເບິ່ງລາຍຕາເກີນໄປ ເຊິ່ງໃນພາກປະຕິບັດແລ້ວ ທ່ານຄວນເລືອກເສື້ອລາຍທາງຕັ້ງກໍພໍ ແລະ ປະສົມກັບໂສ້ງ ຫລື ສູດທີ່ບໍ່ມີລາຍກໍໄດ້.

     – ດຶງໂສ້ງ ຫລື ກະໂປ່ງໃຫ້ສູງ : ຫາກທ່ານບໍ່ໄດ້ໂຕສູງແບບນັກກິລາບານບ້ວງແລ້ວ ຈົ່ງຢ່ານຸ່ງໂສ້ງຫລຸດແອວ ເພາະຈະເຮັດໃຫ້ທ່ານເບິ່ງເຕ້ຍ ແລະ ເສຍບຸກຄະລິກ  ທ່ານຄວນດຶງໂສ້ງ ຫລື ກະໂປ່ງໃຫ້ມາຢູ່ຕຳແໜ່ງໃກ້ສາຍບືຂອງທ່ານເພື່ອໃຫ້ຂາຂອງທ່ານເບິ່ງຍາວຂຶ້ນ, ແຕ່ຢ່າດຶງສູງຈົນເກີນໄປຈົນເຮັດໃຫ້ເບິ່ງຄືທ່ານໃສ່ອ້ຽງເດັກນ້ອຍອະນຸບານຢູ່ ເພາະບໍ່ເປັນຕາເບິ່ງແນ່ນອນ.

- Wave100S AD to Website 2020 0 - ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ

     – ເລືອກເສື້ອລາຍນ້ອຍໆແທນລາຍໃຫຍ່ໆ : ການນຸ່ງເສື້ອລາຍໃຫຍ່ໆຈະເຮັດໃຫ້ທ່ານເບິ່ງອວບ – ຕຸ້ຍ ຫາກທ່ານມັກເສື້ອມີລາຍ ກໍຄວນເລືອກລາຍນ້ອຍໆບໍ່ທີ່ສີແຈ້ງຫລາຍ ນອກຈາກການເລືອກລາຍເສື້ອທີ່ງາມຈະສະແດງຄວາມມີລົດສະນິຍົມຂອງທ່ານໄດ້ຫລາຍ ເຊິ່ງຄວາມມີຄວາມທັນສະໄໝນີ້ບໍ່ໄດ້ກ່ຽວຂ້ອງກັບຄວາມຮັ່ງມີ ຫລື ທຸກຈົນຂອງທ່ານ, ແຕ່ມັຮເປັນເລື່ອງຂອງການແຕ່ງໂຕ.

     – ເກີບຮູບຊົງແຫລມ : ທ່ານບໍ່ຄວນເລືອກເກີບທີ່ມີຮູບຊົງປ້ອມໆ (ຍົກເວັ້ນທ່ານຈະຊື້ເກີບຫລີ້ນກິລາ) ເພາະເກີບຊົງປ້ອມຈະເຮັດໃຫ້ຂາເບິ່ງຄືສັ້ນ. ໃນຂະນະທີ່ເກີບຮູບຊົງແຫລມຈະສາມາດສ້າງພາບລວງຕາວ່າມັນແມ່ນສ່ວນໜຶ່ງຂອງທ່ານທີ່ເບິ່ງຍາວຂຶ້ນ.

- WhatsApp Image 2020 05 27 at 5 - ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ
- WhatsApp Image 2020 05 27 at 5 - ແຕ່ງໂຕແນວໃດໃຫ້ຮູບຮ່າງເບິ່ງສູງຂຶ້ນ
error: Alert: ເນື້ອຫາຂ່າວມີລິຂະສິດ !!