ລ໋ອບສະເຕດ້ຽມ ກຽມເດີນທາງແລກປ່ຽນ ບົດຮຽນກັບຂອນແກ່ນອາທິດນີ້

- advert banner 728 90 728x90 - ລ໋ອບສະເຕດ້ຽມ ກຽມເດີນທາງແລກປ່ຽນ ບົດຮຽນກັບຂອນແກ່ນອາທິດນີ້

ອາຄາເດມີ ລ໋ອບສະເຕດ້ຽມ ຝຶກຊ້ອມກຽມເດີນທາງເຂົ້າຮ່ວມແລກປ່ຽນບົດຮຽນກັບສະໂມສອນ ຂອນແກ່ນ ເອັຟຊີ ທ້າຍອາທິດນີ້ ເພື່ອເປັນການພັດທະນາທັກສະການເຕະບານໃຫ້ມີຄວາມຊໍານານ ແລະ ເປັນການກຽມຄວາມພ້ອມຂອງນັກກິລາເຂົ້າຮ່ວມການແຂ່ງຂັນຊູງຊີງລີງ ຄຣັບ 2018 ທີ ສປ ຈີນ ເປັນເຈົ້າພາບໃນກາງເດືອນສິງຫານີ້.

- new3 - ລ໋ອບສະເຕດ້ຽມ ກຽມເດີນທາງແລກປ່ຽນ ບົດຮຽນກັບຂອນແກ່ນອາທິດນີ້

ທ່ານ ອາລ໋ອບ ມະນີບົດ ປະທານ ອາຄາເດມີ ລ໋ອບສະເຕດ້ຽມ ໃຫ້ສໍາພາດວ່າ: ພາຍຫລັງທີ່ອາຄາເດມີຂອງພວກເຮົາໄດ້ມີການເຄື່ອນ​ໄຫວ ແລະ ເຂົ້າແຄັມທີ່ອາຄາເດມີບູລີລໍາ ຢູໄນເຕັດ ໃນເດືອນຜ່ານມາແລ້ວ ພວກເຮົາກໍສືບຕໍ່ຝຶກຊ້ອມທຸກໆວັນເສົາ-ທິດ ເວລາ 7:00-11:00 ໂມງ ທີ່ເດີນລ໋ອບສະເຕດ້ຽມ ບ້ານຊ້າງຄູ້ ເມືອງໄຊທານີ ນະຄອນຫລວງວຽງຈັນ ເພື່ອກຽມຄວາມພ້ອມເຂົ້າແລກປ່ຽນບົດຮຽນກັບສະໂມສອນ ຂອນແກ່ນ ເອັຟຊີ ໃນວັນທີ 4 ສິງຫານີ້. ນອກຈາກນັ້ນ ຍັງມີການກຽມຄວາມພ້ອມເຂົ້າຮ່ວມການແຂ່ງຂັນ ຊູງຊີງລີງ ຄຣັບ 2018 ທີ່ ສປ ຈີນ ເປັນເຈົ້າພາບ ທີ່ຈະຈັດຂຶ້ນວັນທີ 11-18 ສິງຫານີ້ ເຊິ່ງ ອາຄາເດມີ ຂອງພວກເຮົາໄດ້ເປັນຕົວແທນໃຫ້ແກ່ນັກກິລາ ສປປ ລາວ ເຂົ້າຮ່ວມການແຂ່ງຂັນລາຍການດັ່ງກ່າວ.

- lattana 1 - ລ໋ອບສະເຕດ້ຽມ ກຽມເດີນທາງແລກປ່ຽນ ບົດຮຽນກັບຂອນແກ່ນອາທິດນີ້

ທ່ານ ອາລ໋ອບ ມະນີບົດ ຍັງເວົ້າວ່າ: ເພື່ອເປັນການຕໍ່ຍອດໃຫ້ນັກກິລາໄດ້ມີໂອກາດກ້າວສູ່ເປັນນັກກິລາອາຊີບ ພວກເຮົາໃນນາມອາຄາເດມີ ພ້ອມແລ້ວທີ່ຈະພັດທະນານັກກິລາທີ່ມີຄວາມຮັກມັກດ້ານກິລາບານເຕະກ້າວເຂົ້າເປັນນັກກິລາທີມຊາດໃນອະນາຄົດ. ນອກຈາກນັ້ນ ພວກເຮົາຍັງຈະສືບຕໍ່ພັດທະນາ ແລະ ເຄື່ອນໄຫວເລື້ອຍໆ ເພື່ອເຮັດໃຫ້ນັກກິລາໄດ້ມີການພັດທະນາທາງດ້ານທັກສະໃນການຫລິ້ນໃຫ້ນັບມື້ນັບດີຂຶ້ນຢູ່ຕະຫລອດເວລາ.

error: Content is protected !!