ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້

- 38190275 848479858695922 8566187649100939264 n - ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້
- Untitled design - ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້

ສະຫະພັນບານເຕະແຫ່ງຊາດລາວ (ສຕລ) ໄດ້ປະກາດກຽມຈັດການແຂ່ງຂັນເຕະບານສາຍ ກ ຫລື ການແຂ່ງຂັນດີວິຊັນ 1 ໃນທ້າຍເດືອນສິງຫານີ້. ຂະນະທີ່ການແຂ່ງຂັນດັ່ງກ່າວ ສຕລ ເຄີຍປະກາດການແຂ່ງຂັນຕົ້ນເດືອນເມສາຜ່ານມາ ແຕ່ກໍບໍ່ໄດ້ຈັດການແຂ່ງຂັນດັ່ງກ່າວ. ດັ່ງນັ້ນ ການແຂ່ງຂັນຄັ້ງນີ້ຈະເກີດຂຶ້ນແທ້ບໍ່ໃນທ້າຍເດືອນນີ້.

ກ່ອນໜ້ານີ້ ທີມທີ່ສະໝັກເຂົ້າຮ່ວມການແຂ່ງຂັນບານເຕະສາຍ ກ ມີ 16 ທີມ ແຕ່ຍ້ອນການເລື່ອນແຂ່ງຂັນ ເຊິ່ງມາຮອດປັດຈຸບັນບໍ່ຮູ້ວ່າຈະມີທີມເຂົ້າຮ່ວມຈັກທີມ ພາຍຫລັງທີ່ ສຕລ ປະກາດແຈ້ງໃນວັນທີ 30 ກໍລະກົດຜ່ານມາວ່າ: ເຖິງບັນດາສະໂມສອນບານເຕະ ລະດັບ ກ (Division 1) ທີ່ໄດ້ຍື່ນເອກະສານສະໝັກເຂົ້າຮ່ວມການແຂ່ງຂັນພາຍໃນວັນທີ 5 ເມສາຜ່ານມາ ໃຫ້ຊາບທົ່ວເຖິງກັນວ່າ: ເພື່ອເປັນການພັດທະນາກິລາບານເຕະໃຫ້ມີການເຄື່ອນໄຫວຢ່າງເປັນປົກກະຕິ ແລະ ຕໍ່ເນື່ອງ ພ້ອມທັງປະຕິບັດຕາມການແຂ່ງຂັນປະຈຳປີ 2018 ໃຫ້ທັນກັບເວລາ, ສະຫະພັນບານເຕະແຫ່ງຊາດລາວ ຈະໄດ້ເປີດການແຂ່ງຂັນບານເຕະ ສາຍ ກ (Division 1) ໂດຍຈະເປີດການແຂ່ງຂັນພາຍໃນວັນທີ 25 ສິງຫາ 2018 ນີ້. ສ່ວນຂໍ້ມູນທີ່ເປັນເອກະສານຕ່າງໆຂອງການແຂ່ງຂັນດັ່ງກ່າວ ໃຫ້ຕົວແທນຂອງສະໂມສອນມາພົວພັນເອົານໍາພະແນກຈັດການແຂ່ງຂັນ ສຕລ, ສິ່ງດັ່ງກ່າວຍັງເປັນບັນຫາໃຫ້ແກ່ຫລາຍສະໂມສອນວ່າ: ການແຂ່ງຂັນດັ່ງກ່າວຈະເກີດຂຶ້ນບໍ່ ແລະ ຕ້ອງໄດ້ຕິດຕາມຕອນຕໍ່ໄປ.

- Wave100S AD to Website 2020 0 - ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້
- WhatsApp Image 2020 05 27 at 5 - ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້
- WhatsApp Image 2020 05 27 at 5 - ເຕະບານສາຍ ກ ຈະເກີດແທ້ບໍ່ ໃນທ້າຍເດືອນສິງຫານີ້
error: Alert: ເນື້ອຫາຂ່າວມີລິຂະສິດ !!