ລັດຖະມົນຕີຕ່າງປະເທດອີຣານ ກ່າວວ່າ ການໂຄສະນາຂອງອາເມລິກາໃຊ້ບໍ່ໄດ້ຜົນ

- advert banner 728 90 728x90 - ລັດຖະມົນຕີຕ່າງປະເທດອີຣານ ກ່າວວ່າ  ການໂຄສະນາຂອງອາເມລິກາໃຊ້ບໍ່ໄດ້ຜົນ

ທ່ານ ​ໂມ​ຮຳ​ໝັດ ຈາ​ວັດ ຊາຣີຟ ລັດຖະມົນຕີ​ຕ່າງປະ​ເທດ​ອີຣານ ປະຕິ​ເສດ​ຂໍ້​ສະ​ເໜີ​ເຈລະຈາ​ກັບ​ລັດຖະບານ​ອາ​ເມ​ລິ​ກາ ​ໂດຍ​ກ່າວ​ໃນ​ຄໍ່າ​ວັນ​ທີ 31 ກໍລະກົດ​ຜ່ານ​ມາ​ວ່າ: ວິທີ​ການ​ຂົ່ມຂູ່, ຂວ້ຳບາດ ​ແລະ ​ໂຄສະນາ​ຕົນ​ເອງ​ຂອງ​ອາ​ເມ​ລິ​ກາ​ໃຊ້​ບໍ່​ໄດ້ຜົນ.

- new3 - ລັດຖະມົນຕີຕ່າງປະເທດອີຣານ ກ່າວວ່າ  ການໂຄສະນາຂອງອາເມລິກາໃຊ້ບໍ່ໄດ້ຜົນ

ທ່ານ ຊາຣີຟ ກ່າວ​ຕອບ​ກັບ​ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ ທີ່​ສະ​ແດງ​ຄວາມ​ປະຫລາດ​ໃຈ ດ້ວຍ​ການສະ​ເໜີ​ເຈລະຈາ​ກັບ​ອີຣານ​ໂດຍ​ບໍ່​ຕັ້ງ​ເງື່ອນ​ໄຂ​ກ່ອນ. ທ່ານ​ກ່າວ​ວ່າ: ອີຣານ ລວມທັງ​ອັງກິດ, ຝຣັ່ງ, ​ເຢຍລະ​ມັນ, ຣັດ​ເຊຍ ​ແລະ ຈີນ ​ໄດ້​ເຮັດ​ຂໍ້​ຕົກລົງ​ນິວ​ເຄຼຍລະຫວ່າງ​ປະ​ເທດ​ກັນ​ແລ້ວ ​ແລະ ​ໄດ້ຜົນ​ດີ ​ເຊິ່ງອາ​ເມ​ລິ​ກາ​ຄວນ​ໂທດ​ຕົນ​ເອງ​ທີ່​ຖອນ​ຕົວ​ຈາກ​ຂໍ້​ຕົກລົງ. ກ່ອນ​ໜ້າ​ນີ້ ປະທານາທິບໍດີ ທຣຳ ກ່າວ​ວ່າ: ພ້ອມ​ເປີດ​ການ​ເຈລະຈາ​ກັບ​ຜູ້ນຳ​ອີຣານ​ໄດ້​ທຸກ​ເວລາ ​ແລະ ກ່າວ​ກັບ​ນັກ​ຂ່າວ​ວ່າ: ຜູ້ນຳ​ອີຣານອາດ​ຈະ​ຕົກລົງ​ເຈລະຈາ​ກັບ​ອາ​ເມ​ລິ​ກາ​ໃນ​ມໍ່ໆ​ນີ້. ​ເຖິງ​ຢ່າງ​ໃດ​ກໍ​ຕາມ ການ​ທີ່​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍປີ 2015 ​ໃນ​ເດືອນ​ພຶດສະພາ ​ແລະ ຈະ​ໃຊ້​ມາດ​ຕະການ​ຂວ້ຳບາດ​ທັງ​ໝົດ​ກັບ​ອີຣານ ນັບ​ແຕ່​ວັນ​ທີ 6 ສິງຫາ​ນີ້​ເປັນຕົ້ນ​ໄປ ​ເຮັດ​ໃຫ້​ຄະນະ​ຜູ້ນຳ​ອີຣານສ່ວນ​ຫລາຍ​ບໍ່ພໍ​ໃຈ​ຕໍ່​ຂໍ້​ສະ​ເໜີ​ຂອງ​ອາ​ເມ​ລິ​ກາ.

- lattana 1 - ລັດຖະມົນຕີຕ່າງປະເທດອີຣານ ກ່າວວ່າ  ການໂຄສະນາຂອງອາເມລິກາໃຊ້ບໍ່ໄດ້ຜົນ
error: Content is protected !!