ເລຂາທິການ ສປຊ ຈະຫາລື ເລື່ອງ ສປປ ເກົາຫລີ ກັບຜູ້ນຳຍີ່ປຸ່ນ

- advert banner 728 90 728x90 - ເລຂາທິການ ສປຊ ຈະຫາລື ເລື່ອງ ສປປ ເກົາຫລີ ກັບຜູ້ນຳຍີ່ປຸ່ນ

ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ ຈະ​ຫາລື​ໃນ​ບັນຫາ​ກ່ຽວ​ກັບ​ວິ​ກິດ​ການ ສປປ ​ເກົາຫລີ ​ໃນ​ລະຫວ່າງ​ທີ່​ທ່ານ​ພົບ​ປະ​ກັບ​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ ​ໃນ​ລະຫວ່າງ​ທີ່​ເດີນທາງ​ຢ້ຽມຢາມ​ຍີ່ປຸ່ນ​ໃນ​ອາທິດ​ໜ້າ.

​ໂຄສົກ​ຂອງ​ສະຫະ​ປະຊາ​ຊາດ ກ່າວ​ວ່າ: ສະຫະ​ປະຊາ​ຊາດ​ຄາດໝາຍ​ວ່າ: ທ່ານ ກູ​ເຕີ​ເຣັສ ຈະ​ຍົກ​​ເອົາ​ຫລາຍ​ເລື່ອງ​ຂຶ້ນຫາລື​ກັບ​ຜູ້ນຳ​ຍີ່ປຸ່ນ​ເຊັ່ນ: ວິ​ກິດ​ການ ສປປ ​ເກົາຫລີ. ນອກຈາກ​ນັ້ນ ທ່ານ​ຈະ​ເຈລະຈາ​ກັບ​ເຫຍື່ອ​ຜູ້​ໄດ້​ຮັບ​ຜົນ​ກະທົບ​ຈາກ​ລະ​ເບີດ​ນິວ​ເຄຼຍທີ່​ເມືອງ​ຮິ​ໂຣຊິ​ມາ ​ແລະ ນາ​ງາ​ຊາ​ກິ. ທ່ານ ກູ​ເຕີ​ເຣັສ ມີ​ກຳນົດ​ຈະ​ເດີນທາງ​ເຖິງ​ນະຄອນຫລວງ​​ໂຕ​ກຽວ​ໃນ​ວັນ​ທີ 8 ສິງຫາ​ນີ້ ກ່ອນ​ຈະ​ເດີນທາງ​ຕໍ່​ໄປ​ເມືອງ​ນາ​ງາ​ຊາ​ກິ ​ເພື່ອ​ເຂົ້າຮ່ວມ​ໃນ​ພິທີ​ລະນຶກ​ເຖິງ​ສັນຕິພາບ​ປະຈຳ​ປີ​ໃນ​ວັນ​ທີ 9 ສິງຫາ. ການ​ພົບ​ກັນ​ລະຫວ່າງ​ທ່ານ ກູ​ເຕີ​ເຣັສ ກັບ​ທ່ານ ອາ​ເບະ ​ເກີດ​ຂຶ້ນ​ໃນ​ຂະນະ​ທີ່​ມີ​ລາຍ​ງານ​ຂ່າວ​ວ່າ: ທ່ານ ອາ​ເບະ ກຳລັງ​ພະຍາຍາມ​ຫາ​ທາງ​ພົບ​ກັບທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ​ເຊິ່ງມີ​ຄວາມ​ເປັນ​ໄປ​ໄດ້​ວ່າ: ທັງ​ສອງ​ຈະ​ພົບ​ກັນ​ໃນ​ເດືອນ​ກັນຍາ​ນີ້ ທີ່​ເມືອງ​ວະ​ລາ​ດິວອສຕ໊ອດ ຂອງຣັດ​ເຊຍ.

- lattana 1 - ເລຂາທິການ ສປຊ ຈະຫາລື ເລື່ອງ ສປປ ເກົາຫລີ ກັບຜູ້ນຳຍີ່ປຸ່ນ
- 1 1 - ເລຂາທິການ ສປຊ ຈະຫາລື ເລື່ອງ ສປປ ເກົາຫລີ ກັບຜູ້ນຳຍີ່ປຸ່ນ
error: Content is protected !!