ຢ່າຫຼົງກົນລວງ ຊ່ວງວິກິດ

- 38186291 1721656377960282 8352068484124901376 n - ຢ່າຫຼົງກົນລວງ ຊ່ວງວິກິດ
- Untitled design - ຢ່າຫຼົງກົນລວງ ຊ່ວງວິກິດ

ປະເທດຊາດກຳລັງຢູ່ໃນຊ່ວງວິກິດ ທີ່ພົບພໍ້ກັບໄພພິບັດ ອັນໜັກໜ່ວງ ແຕ່ຊ່ວງນີ້ນັ້ນ ນອກຈາກຄວາມເຫັນໃຈ ຊ່ວຍເຫຼືອກັນແລ້ວ ພວກເຮົາຍັງຕ້ອງລະວັງ ກົນລວງບາງອັນແຟງຊ້ອນມານຳ.

ກົນລວງອັນໜຶ່ງນັ້ນ ແມ່ນຂໍ້ມູນຂ່າວສານ, ພວກເຮົາປະສົບໄພ ໃນຊ່ວງທີ່ການເຜີຍແຜ່ຂໍ້ມູນຂ່າວສານຢ່າງວ່ອງໄວ ແລະ ໃຜໆກໍເປັນນັກຂ່າວ, ແຕ່ທ່າມກາງຄວາມວ່ອງໄວນັ້ນ ມີຫຼາຍຂໍ້ມູນທີ່ບິດເບືອນຄວາມຈິງ, ຍົກຕົວຢ່າງ ການລາຍງານ ຈຳນວນຕົວເລກຂອງຜູ້ໄດ້ຮັບຜົນກະທົບ, ຜູ້ເສຍຊີວິດ ຈາກ ເຫດເຂື່ອນເຊປຽນ ເຊນໍ້ານ້ອຍແຕກ ຢູ່ເມືອງສະໜາມໄຊ ແຂວງອັດຕະປືນັ້ນ ສັງເກດເຫັນວ່າ ມີຫຼາຍແຫຼ່ງຂໍ້ມູນທາງອອນລາຍ ທີ່ລາຍງານເກີນຄວາມຈິງນອກນັ້ນ, ແຫຼ່ງຂ່າວຈາກຕ່າງປະເທດກໍເຊັ່ນກັນ, ພວກເຮົາຄົນລາວ ຜູ້ຮັບຂໍ້ມູນຂ່າວສານ ຄວນໄຕ່ຕອງ ຢ່າງລະອຽດ ກ່ຽວກັບທີ່ມາຂອງຂໍ້ມູນຕ່າງໆວ່າເປັນທີ່ເຊື່ອໄດ້ຫຼື ບໍ່, ມີບາງອັນກໍຫາກຖືກຕ້ອງ ແຕ່ຍັງ ມີຫຼາຍຢ່າງ ອາດບິດເບືອນ ເນື່ອງຈາກຈຸດປະສົງຕ່າງໆ ບໍ່ວ່າຈະເປັນການໃສ່ຮ້າຍ ແກ່ປະເທດເຮົາ. ເມື່ອພວກເຮົາບໍ່ອາດສາມາດຄວບຄຸມ ການອອກຂ່າວແບບຈອມປອມໄດ້ ມັນກໍຂຶ້ນກັບພວກເຮົາ ທີ່ຕ້ອງມີສະຕິ ແລະພິຈາລະນາ ກ່ອນຈະເຊື່ອຂ່າວຄາວຕ່າງໆເພາະສະນັ້ນ, ໃນວັນທີ 29 ກໍລະກົດ ທີ່ຜ່ານມາ ທ່ານ ທອງລຸນ ສີສຸລິດ ຈຶ່ງໄດ້ເນັ້ນວ່າ “ພໍ່ແມ່ພີ່ນ້ອງປະຊາຊົນລາວ ທົ່ວປະເທດໃຫ້ພ້ອມກັນມີສະຕິ ໂດຍບໍ່ໄປຫຼົງເຊື່ອຂ່າວລື ຫຼື ຂ່າວອະກຸສົນຕ່າງໆ”. ສິ່ງສຳຄັນ ທາງການລາວເຮົາເພິ່ນ ກໍໄດ້ພະຍາຍາມສຸດຂີດໃນການລາຍງານຂ່າວແກ່ປະຊາຊົນ ຢ່າງຖືກຕ້ອງ ແລະທັນການ ເຊິ່ງມີ ຂ່າວທາງອອນລາຍ (facebook) ທີ່ເປັນທາງການຕ່າງໆເຊັ່ນ: ຂ່າວ ປະເທດລາວ, (KPL), ແຫຼ່ງຂ່າວຈາກ ເຟສບຸກ ທ່ານ ນາຍົກ ທອງລຸນ ສີສຸລິດ (Support Minister Thongloun Sisoulith), ໜັງສືພິມລາວພັດທະນາ, ໜັງສືພິມເສດຖະກິດ-ການຄ້າ ແລະອື່ນໆ.

ກົນລວງອັນທີສອງ ກໍແມ່ນການບໍລິຈາກ, ເມື່ອເກີດເຫດນໍ້າຖ້ວມທົ່ວປະເທດ ໂດຍສະເພາະແຂວງອັດຕະປືນນັ້ນ ຫຼາຍອົງການ, ຫຼາຍກຸ່ມຄົນກໍປະກາດໃນການຮັບບໍລິຈາກເຄື່ອງຂອງ ເງິນຄຳຕ່າງໆ ໂດຍອ້າງວ່າໄປຊ່ວຍເຫຼືອຜູ້ປະສົບໄພ. ຫຼາຍພາກສ່ວນແມ່ນເຮັດດ້ວຍຄວາມຈິງໃຈ ເສຍສະຫຼະໂດຍແທ້ ແຕ່ ອາດມີບາງ ກຸ່ມກ້ອນທີ່ສວຍໃຊ້ໂອກາດນີ້ ຮັບເຄື່ອງບໍລິຈາກ ແຕ່ອາດບໍ່ເຖິງມືປະຊາຊົນ ຫຼື ແມ່ຄ້າ ນັກທຸລະກິດ ບາງກຸ່ມກໍສວຍໂອກາດ ຂຶ້ນລາຄາສິນຄ້າແບບເກງໃຈກໍມີ. ຈາກສິ່ງດັ່ງກ່າວ, ທ່ານ ນາຍົກ ກ່າວໃນເວລາ ເພິ່ນ ຢ້ຽມຢາມກະຊວງແຮງງານ ແລະສະຫວັດດິການ ສັງຄົມ ໃນວັນທີ 29 ກໍລະກົດ ວ່າ “ເຄື່ອງຂອງ ເງິນຄຳ ທີ່ໄດ້ຮັບຈາກການບໍລິຈາກ ຕ້ອງໃຫ້ຮອດມືປະຊາຊົນ”

- Wave100S AD to Website 2020 0 - ຢ່າຫຼົງກົນລວງ ຊ່ວງວິກິດ

ສິ່ງດັ່ງກ່າວພວກເຮົາກໍຕ້ອງມີສະຕິຄືກັນ, ນອກຈາກຈະມີຈິດໃຈທີ່ເອື້ອອາທອນຕໍ່ເພື່ອນຮ່ວມຊາດແລ້ວ ພວກເຮົາຍັງຕ້ອງມີສະຕິລະວັງຕົວຕໍ່ກັບກຸ່ມຄົນສວຍໂອກາດເຫຼົ່ານັ້ນ, ເວົ້າຄວາມຈິງແລ້ວກໍແມ່ນບໍ່ຢາກໃຫ້ມີ ແທ້ໆ ທີ່ຈະຄິດເອົາວິກິດຂອງປະເທດຊາດ ມາເປັນໂອກາດ ເອົາລັດເອົາປຽບຜູ້ອື່ນ. ເມື່ອເວລາ ເພື່ອນຮ່ວມຊາດ ຕົກທຸກໄດ້ຍາກ, ພວກເຮົາຈົ່ງພ້ອມພາກັນ ເຫັນໃຈ ຊ່ວຍເຫຼືອເຊິ່ງກັນແລະກັນ.

ບໍລິໂພກຂ່າວສານຢ່າງມີສະຕິ ມີການບໍລິຈາກຖືກຊ່ອງທາງ ຈຶ່ງຈະສາມາດຊ່ວຍແບ່ງເບົາຄວາມທຸກໂຊກ, ໃຫ້ກຳລັງໃຈແກ່ຜູ້ປະສົບໄພ ເປັນຢ່າງດີໄດ້.

- WhatsApp Image 2020 05 27 at 5 - ຢ່າຫຼົງກົນລວງ ຊ່ວງວິກິດ
- WhatsApp Image 2020 05 27 at 5 - ຢ່າຫຼົງກົນລວງ ຊ່ວງວິກິດ
error: Alert: ເນື້ອຫາຂ່າວມີລິຂະສິດ !!