ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ

- PM - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ
- Untitled design - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ

- PM 300x294 - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ  ຕອບສະໜອງຕາມຄຳເຊີນຂອງທ່ານ ລີຊຽນລຸງ ນາຍົກລັດຖະມົນຕີແຫ່ງ ສາທາລະນະລັດສິງກະໂປ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະຜູ້ແທນ ສປປ ລາວໄດ້ເດີນທາງຢ້ຽມຢາມທາງການທີ່ສາທາລະນະລັດສິງກະໂປ, ໃນວັນທີ 2 ພຶດສະພານີ້ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງລາວ ແລະ ສິງກະໂປ.

ໂດຍພິທີຕ້ອນຮັບຢ່າງເປັນທາງການຈັດຂຶ້ນຢ່າງສົມກຽດທີ່ສໍານັກງານປະທານາທິບໍດີ, ຈາກນັ້ນທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ເຂົ້າຢ້ຽມຂ່ຳນັບທ່ານ ໂທນີ່ ຕັນເກັງຢຳ ປະທານາທິບໍດີແຫ່ງ ສ.ສິງກະໂປ. ໃນໂອກາດດັ່ງກ່າວທ່ານນາຍົກລັດຖະມົນຕີໄດ້ສະແດງຄວາມຊົມເຊີຍຕໍ່ຜົນສຳເລັດຂອງການຢ້ຽມຢາມລັດຖະກິດທີ່ ສປປ ລາວ ຂອງທ່ານປະທານາທິບໍດີໃນເດືອນມັງກອນ 2017 ຜ່ານມາ, ເຊິ່ງເປັນການປະກອບສ່ວນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງສອງປະເທດໃຫ້ແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ ແລະ ໄດ້ນຳເອົາຄວາມຢື້ຢາມຖາມຂ່າວຂອງ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ເຖິງທ່ານປະທານາທິບໍດີໂທນີ່ຕັນເກັງຢຳອີກດ້ວຍ.

ຫລັງຈາກຢ້ຽມຂ່ຳນັບປະທານາທິບໍດີ, ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ລີຊຽນລຸງ ໄດ້ພົບປະສອງຝ່າຍຢູ່ທີ່ສຳນັກງານປະທານາທິບໍດີ, ໃນການພົບປະຄັ້ງນີ້ສອງຝ່າຍໄດ້ຕີລາຄາສູງຕໍ່ການພົວພັນ ແລະ ການຮ່ວມມືຂອງສອງປະເທດທີ່ນັບມື້ນັບໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ, ເຫັນໄດ້ຈາກການນຳຂອງສອງປະເທດທີ່ມີການແລກປ່ຽນການຢ້ຽມຢາມຮ່ວມກັນຢ່າງເປັນປົກກະຕິໃນໄລຍະຜ່ານມາທັງໃນຂອບສອງຝ່າຍ, ຂອບອາຊຽນ ກໍຄືຂອບຫລາຍຝ່າຍອື່ນໆ, ພິເສດແມ່ນໄດ້ພ້ອມກັນຊຸກຍູ້ວຽກງານການສ້າງປະຊາຄົມອາຊຽນເພື່ອໃຫ້ມີຄວາມເຂັ້ມແຂງຮອບດ້ານຕາມວິໄສທັດຂອງອາຊຽນວາງໄວ້.

ໃນໂອກາດນີ້ຝ່າຍລາວໄດ້ສະແດງຄວາມຂອບໃຈຕໍ່ການຊ່ວຍເຫລືອຂອງລັດຖະບານສິງກະໂປຕໍ່ ສປປ ລາວ ໃນຂະແໜງການຕ່າງໆ ລວມທັງການພັດທະນາຊັບພະຍາກອນມະນຸດ, ເຕັກນິກວິຊາການ ແລະ ການເປັນເຈົ້າພາບຈັດກອງປະຊຸມສຸດຍອດອາຊຽນຂອງ ສປປ ລາວ ໃນປີ 2016 ຜ່ານມາ, ຝ່າຍສິງກະໂປໄດ້ສະແດງຄວາມຂອບໃຈ ສປປ ລາວ ໃນການຕ້ອນຮັບອັນອົບອຸ່ນແກ່ການນຳຂັ້ນສູງຂອງສິງກະໂປທີ່ໄດ້ເດີນທາງໄປຢ້ຽມຢາມ ສປປ ລາວ ແລະ ໃຫ້ການສະໜັບສະໜູນສິງກະໂປ ໃນການສະໝັກເປັນສະມາຊິກຂອງອົງການຈັດຕັ້ງສາກົນຕ່າງໆໃນຂອບຂອງ ສປຊ. ນອກຈາກນັ້ນ, ສອງຝ່າຍກໍໄດ້ປຶກ ສາຫາລືກັນເຖິງແຜນການແລກປ່ຽນການຢ້ຽມຢາມຊຶ່ງກັນ ແລະ ກັນ, ການພັດທະນາດ້ານການຂົນສົ່ງ, ການຮ່ວມມືທາງດ້ານເສດຖະກິດການຄ້ານຳກັນ, ພິເສດແມ່ນເພື່ອຊຸກຍູ້ນັກທຸລະກິດຂອງສິງກະໂປເຂົ້າໄປລົງທຶນຢູ່ລາວໃຫ້ຫລາຍຂຶ້ນໃນຕໍ່ໜ້າ. ນອກນັ້ນສອງຝ່າຍຍັງໄດ້ແລກປ່ຽນຄຳຄິດເຫັນນຳກັນຕໍ່ບັນຫາພາກພື້ນ ແລະ ສາກົນທີ່ສອງຝ່າຍມີຄວາມສົນໃຈຮ່ວມກັນ.

ການຢ້ຽມຢາມຄັ້ງນີ້ທ່ານນາຍົກລັດຖະມົນຕີ ທອງລຸນ ສີສຸລິດ ຍັງໄດ້ເຂົ້າຮ່ວມກອງປະຊຸມນັກທຸລະກິດລາວ-ສິງກະໂປ ເພື່ອຊອກຫາຊ່ອງທາງຮ່ວມກັນໃນການສົ່ງເສີມການຄ້ານຳກັນ ແລະ ລະດົມການລົງທຶນຂອງສິງກະໂປຢູ່ລາວ ຫລາຍຂຶ້ນ, ຜົນຂອງກອງປະຊຸມຄັ້ງນີ້ຈະປະກອບສ່ວນສຳຄັນໃນການເພີ່ມທະວີຊຸກຍູ້ການຮ່ວມມືໃນດ້ານການຄ້າ ແລະ ການລົງທຶນໃຫ້ມີຜົນສຳເລັດ ແລະ ຂະຫຍາຍຕົວຍິ່ງໆຂຶ້ນໃນອະນາຄົດ, ທັງຄາດວ່າຄະນະນັກທຸລະກິດສຳຄັນຂອງສິງກະໂປກໍມີແຜນຈັດຕັ້ງຄະນະເດີນທາງໄປສຶກສາເບິ່ງສະພາບຕົວຈິງໃຫ້ມີການລົງທຶນຢູ່ລາວໃນໄວໆນີ້. ນອກຈາກນີ້ທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມຄະນະຍັງໄດ້ຢ້ຽມຢາມສະຖານທີ່ສຳຄັນຕ່າງໆເຊັ່ນ: ສວນທຳມະຊາດແຫ່ງຊາດສິງກະໂປ, ວິທະຍາໄລເຕັກນິກນັນຢາງ, ໂຮງຮຽນການແພດ, ໂຮງຮຽນຂໍ້ມູນຂ່າວສານ, ໂຮງຮຽນວິສະວະກຳສາດ ແລະ ບໍລິສັດຂົນສົ່ງທ່າເຮືອສິງກະໂປ.

- Wave100S AD to Website 2020 0 - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ

ໃນໄລຍະຊຸມປີມໍ່ໆມານີ້, ສປປ ລາວ ແລະ ສິງກະໂປ ໄດ້ມີຜົນສຳເລັດຫລາຍດ້ານທີ່ເປັນຮູບປະທຳໃນການພົວພັນສອງຝ່າຍ ເຊັ່ນ: ການລົງນາມໃນສັນຍາຮ່ວມເສັ້ນທາງບິນນຳກັນລະຫວ່າງບໍລິສັດຊິວແອ ແລະ ບໍລິສັດການບິນລາວ, ຜົນສຳເລັດການບັງຄັບໃຊ້ສັນຍາວ່າດ້ວຍການຍົກເວັ້ນການເກັບອາກອນຊ້ຳຊ້ອນ ແລະ ສະກັດກັ້ນການຫລົບຫລີກການເສຍອາກອນລາຍໄດ້ລະຫວ່າງສອງລັດຖະບານ, ການໃຫ້ທຶນການສຶກສາໄລຍະຍາວ ແລະ ທຶນຝຶກອົບຮົບໄລຍະສັ້ນໃຫ້ແກ່ພະນັກງານ ແລະ ນັກສຶກສາຂອງລາວ, ການສົ່ງອາສາສະໝັກຊາວໜຸ່ມຈາກສິງກະໂປຈຳນວນພັນກວ່າຄົນເຂົ້າມາຊ່ວຍເຫລືອບັນດາໂຮງຮຽນ ແລະ ຊຸມຊົນຕ່າງໆໃນລາວ ແລະ ການຮ່ວມກັນສົ່ງເສີມການຮ່ວມມືທາງດ້ານການຄ້າ ແລະ ການລົງທຶນໄດ້ມີການຂະຫຍາຍຕົວໃນລະດັບດີພໍສົມຄວນ, ເຫັນໄດ້ຈາກມູນຄ່າການຄ້າລວມລະຫວ່າງສອງປະເທດໃນປີ 2016 ສາມາດບັນລຸໄດ້ 30 ລ້ານໂດລາສະຫະລັດທຽບໃສ່ມູນຄ່າປີ 2015 ມີພຽງແຕ່ 13 ລ້ານໂດລາສະຫະລັດ, ມີ 79 ໂຄງການ, ເຮັດໃຫ້ສິງກະໂປຢູ່ໃນອັນດັບທີ 11 ໃນບັນດານັກລົງທຶນຕ່າງປະເທດລາຍໃຫຍ່ທີ່ມາລົງທຶນຢູ່ ສປປ ລາວ.

- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ
- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ສຳເລັດການຢ້ຽມຢາມທາງການ ສ.ສິງກະໂປ
error: Alert: ເນື້ອຫາຂ່າວມີລິຂະສິດ !!