ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ

- Meeting at singapore - ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ
- Untitled design - ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ

ໃນວັນທີ 31 ກໍລະກົດ 2018 ທີ່ ສິງກະໂປ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງ​ການ​ຕ່າງ​ປະ​ເທດ,ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ​ພ້ອມ​ດ້ວຍຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ຊຶ່ງຈັດ​ຂຶ້ນ​ໃນ​ໂອກາ​ດກອງປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນ ຄັ້ງທີ 51 ພາຍໃຕ້ການເປັນປະທານຂອງ ສິງກະໂປ.

ກອງປະຊຸມດັ່ງກ່າວ ໄດ້ປຶກສາຫາລື ກ່ຽວກັບ ການສືບຕໍ່ສ້າງຄວາມເຂັ້ມແຂງຂອງປະຊາຄົມ​      ການ​ເມື​ອງ-ຄວາມ​ຫມັ້ນ​ຄົງອາຊຽນ ກໍ​ຄື ​ການຈັດຕັ້ງປະ​ຕິ​ບັດ​ແຜນ​ແມ່​ບົດ​ປະຊາ​ຄົມ​ການ​ເມື​ອງ-ຄວາມ​ໝັ້ນຄົງ​ອາ​ຊຽນ 2025 ​ແລະ ຮັບ​​ຟັງຜົນ​ຂອງ​ກອງ​ປະຊຸ​ມ​ເຄຶ​ອຂ່າຍ​ເມືອງ​ທັນສະ​ໄຫ​ມອາຊຽນ ຊຶ່ງ​ໄດ້​ຮັບຮອງ​ເອົາ​​ແຜ​ນວຽກ ວ່າ​ດ້ວຍ ​​ເຄຶ​ອຂ່າຍ​ເມືອງ​ທັນສະ​ໄຫ​ມ ອາຊຽນ (ASEAN Smart Cities Framework) ​ແລະ ​ແຜນ​ປະຕິບັດ​ງານເມືອງທັນສະໄໝ (Smart City Action Plans) ຂ​ອງບັນ​ດາເມືອງ​ຕົວ​ແບບ​ທັງໝົ​ດ 26 ຕົວ​ເ​​ມື​ອງ ຈາກ​ 10 ປະ​ເທດ​ສະມາຊິກ​ອາຊຽນ ຊຶ່ງ​ເອກະສາ​ນດັ່ງກ່າວ ຈະ​ນຳ​ສະ​ເໜີຕໍ່​ກອງ​ປະຊຸມສຸດ​ຍອດອາຊຽນ ຄັ້ງທີ່ 33 ​ໃນ​ເດື​​ອນ ພະ​ຈິກ 2018 ​ເພື່ອຮັບຮອງ.

 ພ້ອມນີ້, ກອງປະຊຸມຍັງໄດ້ປຶກສາຫາລື ກ່ຽວກັບ ການກະກຽມທາງ​ດ້ານ​ເນື້ອ​ໃນ ແລະ ດ້ານ​ອື່ນໆສໍາລັບກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດຕ່າງໆ ເຊັ່ນ: ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51, ບັນດາ​ກອງ​ປະຊຸມ​ລັດຖະມົນຕີ​ຕ່າງປະເທດອາຊຽນກັບຄູ່​ເຈລະຈາ​ອາຊຽນ, ກອງປະຊຸມລັດຖະມົນຕີຕ່າງປະ​ເທດອາຊຽນ ບວກສາມ ຄັ້ງທີ 19, ກອງ​ປະຊຸມ​ລັດຖະມົນຕີ​ຕ່າງ  ປະ​ເທດ​ຂອງ​ກອງ​ປະຊຸມ​ສຸດ​ຍອດ​ອາຊີ​ຕາ​ເວັນ​ອອກ ​ຄັ້ງທີ 8, ກອງປະຊຸມເວທີພາກພື້ນອາຊຽນ ຄັ້ງທີ 25 ​ແລ​ະ ກອງປະຊຸມຄະນະກໍາມາທິການເຂດປອດອາວຸດນີວເຄລຍອາຊີຕາເວັນອອກສ່ຽງໃຕ້, ​​ໃນ​ລະຫວ່າງ ວັນ​ທີ 1-4 ສິງຫາ 2018 ລວມທັງ ກອງປະຊຸມສຸດຍອດອາຊຽນ ຄັ້ງທີ 33 ແລະ ກອງປະຊຸມອື່ນໆທີ່ກ່ຽວຂ້ອງ ທີ່​ຈະ​ຈັດຂຶ້ນ​ໃນ​​ເດືອນ ພະຈິກ 2018.

​ໃນ​ກອງ​ປະຊຸມ​ຄັ້ງ​ນີ້, ບັນດາ​ເຈົ້າ​ໜ້າ​ທີ່​ອາວຸ​ໂສ​ອາ​ຊຽນ ຍັງ​ໄດ້​ສະ​ແດງ​ຄວາມ​​​ເສົ້າ​ສະຫຼົດ​ໃຈ ​ແລະ ຄວາມ​ເຫັນ​ໃຈ​ຕໍ່ ລັດຖະບານ ​ແລະ ປະຊາຊົນລາວ ຜູ້​ທີ່​ໄດ້​ຮັບ​ຜົນ​ກະທົບຈາກ​ໄພ​ນໍ້າ​ຖ້ວມ​ຢ່າງ​ກະທັນຫັນ​ ທີ່​ເກີດ​ຈາກ​ຄູ​ກັນ​ນໍ້າຂອງ​ເຂື່ອນ​ໄຟຟ້າ     ​ເຊ​ປຽນ-​ເຊ​ນໍ້າ​ນ້ອຍ  ຢູ່ ອັດ​ຕະປື ​ໃນ​ວັນ​ທີ 23 ກໍລະກົດ 2018 ລວມທັງ ສະ​ແດງຄວາມ​ເສຍ​​ໃຈຕໍ່​ປະ​ເທດ​ສະມາ​ຊີກ​ອາຊຽນອື່ນໆທີ່​ໄດ້​ຮັບ​ຜົນ​ກະທົບ​ຈາກ​ໄພ​ທຳ​ມະຊາດ ​ກໍ​ຄື ​ເຫດການ​​​​ແຜ່ນ​​​​​​ດິນ​ໄຫວ​ທີ່​ເກີດ​ຂຶ້້ນທີ່ ລົມ​ບອກ, ອິນ​ໂດ​ເນ​ເຊຍ.

- Wave100S AD to Website 2020 0 - ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ

​ໃນ​ວັນ​ດຽວ​ກັນ, ທ່ານ ທອງຜ່ານ ສະຫວັນ​​ເພັດ ກໍ​ໄດ້ສືບ​ຕໍ່​ເຂົ້າຮ່ວມ​ກອງ​ປະຊຸມຄະນະ​ບໍລິຫານ​ງານ​ຂອງ​ຄະນະກໍາມາທິການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້ ຊຶ່ງກອງປະຊຸມ​ດັ່ງ​ກ່າ​ວ ໄດ້ທົບທວນຄືນການຈັດຕັ້ງປະຕິບັດແຜນປະຕິບັດງານ  ເພື່ອສົ່ງເສີມການຈັດຕັ້ງປະຕິບັດ ສົນທິສັນຍາ ວ່າດ້ວຍ ການສ້າງອາຊຽນໃຫ້ເປັນເຂດປອດອາວຸດນິວເຄລຍ 2018-2022 ແລະ ໄດ້ຮັບ​ຊາບ​ຜົນ​ກອງ​ປະ​ຊຸມ​ຂອງ​ເຄືອ​ຂ່າຍ​ອົງ​ການ​ປະ​ລາ​ມະ​ນູ​ອາ​ຊຽນ ເປັນ​ຕົ້ນ​ແມ່ນ ການ​ຮ່າງແຜນວຽກ 5 ປີ, ການ​ສ້າງກົນ​ໄກ​ການຮ່ວມມືລະຫວ່າງອາຊຽນ ແລະ ອົງການປະລາມະນູສາກົນໃນຂົງເຂດວຽກງານວິທະຍາສາດເຕັກໂນໂລຢີ ແລະ ການນໍາໃຊ້ນິວເຄລຍເພື່ອຄວາມຫມັ້ນຄົງ ແລະ ປອດໄພ.

 

- WhatsApp Image 2020 05 27 at 5 - ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ
- WhatsApp Image 2020 05 27 at 5 - ຮອງ​ລັດຖະມົນຕີ​ຕ່າງປະ​ເທດເ​ຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມອຶ່ນໆທີ່​ກ່ຽວຂ້ອງຢູ່ສິງກະໂປ
error: Alert: ເນື້ອຫາຂ່າວມີລິຂະສິດ !!