ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ

- IMGL9469 - ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ
- Untitled design - ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ

ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ໃຫ້ກຽດໂອ້ລົມຕໍ່ກອງປະຊຸມວິຊາການຂອງຂະແໜງພາສີ ທີ່ໄດ້ຈັດຂຶ້ນໃນວັນທີ 24-26 ກໍລະກົດນີ້ ຊຶ່ງທານໄດ້ແນະນຳໃຫ້ຂະແໜງການພາສີແກ້ໄຂຂອດການປະສານງານນັບແຕ່ຂັ້ນສູນກາງຮອດທ້ອງຖິ່ນລວມທັງການປະສານສົມທົບກັບອົງການປົກຄອງຂັ້ນຕ່າງໆ…ດ້ານລາຍຮັບໃຫ້ເຂັ້ມງວດ ໂດຍສະເພາະການນຳເຂົ້ານ້ຳມັນເຊື້ອໄຟພ້ອມທັງຊອກທ່າແຮງແຫຼ່ງລາຍຮັບທີ່ບົ່ມຊ້ອນ ແລະ ອັດຊ່ອງຫວ່າງການຮົ່ວໄຫຼຂອງລາຍຮັບທຸກກໍລະນີ. ທັງນີ້, ກໍ່ເພື່ອເຮັດໃຫ້ແຜນຈັດເກັບລາຍຮັບເຂົ້າງົບປະມານຂອງແໜງພາສີບັນລຸຕາມການ 7.200 ຕື້ກີບ.

ໃນກອງປະຊຸມ ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ໄດ້ລາຍງານໂດຍສັງເຂບ ​ການຈັດ​ຕັ້ງ​ປະຕິບັດ​ວຽກ​ງານ​ພາສີ 6 ​ເດືອນ​ຕົ້ນ​ປີ 2018 ​ແລະ ກອງ​ປະຊຸມ​ວິຊາ​ການ​ພາສີໃນ​ທົ່ວ​ປະ​ເທດ ແລະ ການຄົ້ນນຄວ້າວິໄຈສາຍເຫດໃນການຈັດຕັ້ງປະຕິບັດແຜນຈັດເກັບລາຍຮັບ 06 ເດືອນຕົ້ນປີ 2018 ທີ່ສາມາດປະຕິບັດໄດ້ພຽງແຕ່ 3.341 ຕື້ກີບ ເທົ່າກັບ 46,41%  ຂອງແຜນການປີ 2018 ແລະ ກໍານົດມາດຕະການຈັດເກັບລາຍຮັບ  06 ເດືອນທ້າຍປີ ໃຫ້ບັນລຸແຜນການ 100%   (7.200 ຕື້ກີບ).

ພ້ອມດຽວກັນນີ້, ຍັງໄດ້ສຸມໃສ່ການຄົ້ນຄວ້າປຶກສາຫາລືດ້ານວິຊາການ ເພື່ອເປັນເອກະພາບໃນການກໍານົດມາດຕະການໃນການຈັດເກັບລາຍຮັບໃຫ້ມີຄວາມເປັນເອກະພາບເຊັ່ນ: ການປະຕິບັດສາລະບານອັດຕາພາສີລະບົບເອກະພາບ ລຸນປີ 2017 ( HS: 2017), ອັດຕາອາກອນຊົມໃຊ້ ແລະ ອາກອນມູນຄ່າເພີ້ມຂາເຂົ້າ, ປຶກສາຫາລືການສ້າງ ແລະ ປັບປຸງນິຕິກໍາເພື່ອເປັນບ່ອນອີງໃນການຈັດຕັ້ງປະຕິບັດຄື: ກະກຽມປັບປຸງກົດໝາຍວ່າດ້ວຍພາສີໃນປີ 2019, ປັບປຸງລະບຽບການຊັບຊ້ອນໝູນວຽນ ແລະ ກໍານົດມາດຕະຖານເງື່ອນໄຂຕໍ່າແໜ່ງງານຂອງພະນັກງານພາສີ ແລະ ບັນ ຫາອື່ນໆທີ່ຕິດພັນກັບວຽກງານຂະແໜງພາສີ.

ໂອກາດນີ້, ທ່ານຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມ ແລະ ຊີ້ນຳແກ່ຂະແໜງພາສີວ່າ:  ເຮັດໃຫ້ການຈັດເກັບລາຍຮັບພາສີ ແລະ ພັນທະອື່ນໆມີຄວາມຖືກຕ້ອງ, ທັນເວລາລວມສູນເປັນເອກະພາບໃນຂອບເຂດທົ່ວປະເທດຫນຶ່ງ ໃນໄລຍະຜ່ານມາກົມພາສີໄດ້ສຸມໃສ່ປັບປຸງວຽກງານ ແລະ ນິຕິກຳຕ່າງໆໃນການຮັບໃຊ້ວຽກງານແຕ່ຂັ້ນສູນກາງ ລົງຮອດທ້ອງຖິ່ນ, ໄດ້ສຸມໃສ່ບັນຫາການເມືອງແນວຄິດ, ການຈັດຕັ້ງປະຕິບັດວຽກງານວິຊາສະເພາະ,  ປັບປຸງແບບແຜນວິທີເຮັດວຽກ, ການປະສານສົມທົບກັບອຳນາດການປົກຄອງທ້ອງຖິ່ນ ແລະ ຂະແໜງການທີ່ກ່ຽວຂ້ອງໄດ້ເປັນຢ່າງດີ ແລະ ບັນຫາສຳຄັນທີ່ຂະແໜງພາສີຕ້ອງໄດ້ເອົາໃຈໃສ່ເປັນຕົ້ນ: ແມ່ນຂັ້ນກົມ, ພະແນກການ, ກອງຄຸ້ມຄອງພາສີ, ກອງກວດກາພາສີ ແລະ ດ່ານພາສີຊາຍແດນ, ເພີ່ມທະວີສຶກສາອົບຮົມການເມືອງແນວຄິດ, ຄຸນສົມບັດສິນທຳປະຕິວັດໃຫ້ແກ່ພະນັກງານສະມາຊິກພັກໃນຂົງເຂດພາສີນັບແຕ່ສູນກາງລົງຮອດທ້ອງຖິ່ນ, ສືບຕໍ່ຝຶກອົບຮົມ ແລະ ຍົກລະດັບວິຊາສະເພາະຢ່າງຕໍ່ເນື່ອງ, ຮີບຮ້ອນຊຸມໃສ່ການແກ້ໄຂປະກົດການຫຍໍ້ທໍ້ຢ່າງເຂັ້ມງວດ ແລະ ເປັນເຈົ້າການເຮັດໃຫ້ການເຄື່ອນ ໄຫວລວມສູນຕາມສາຍຕັ້ງສອດຄ່ອງກັບໂຄງປະກອບການຈັດຕັ້ງໃໝ່, ການຈັດຕັ້ງປະຕິບັດລະບຽບກົດໝາຍພາສີ, ລະ ບຽບກົດໝາຍອື່ນທີ່ກ່ຽວຂ້ອງມີຄວາມເຂັ້ມງວດ ແລະ ເປັນເອກະພາບກັນໃນທົ່ວຂະແໜງພາສີ.

- Wave100S AD to Website 2020 0 - ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ

ທ່ານ ຮອງນາຍົກລັດຖະມົນຕີ ເນັ້ນວ່າ: ສຳລັບວຽກງານປະສານສົບທົບຂອງຂະແໜງການພາສີ ນັບແຕ່ຂັ້ນສູນກາງຮອດທ້ອງຖິ່ນ ແລະ ກັບບັນດາຂະແໜງການຕ່າງໆໃນໄລຍະຜ່ານມາເຫັນວ່າດີຂຶ້ນ, ແຕ່ເພື່ອຮັບປະກັນກັບຄວາມຮຽກຮ້ອງຕ້ອງການຂອງໜ້າທີ່ວຽກງານຂັ້ນກົມຕ້ອງໄດ້ປະສານສົບທົບກັບບັນດາກະຊວງ, ບັນດາກົມ, ຂະແໜງ ການຕ່າງໆອ້ອມຂ້າງ…ທີ່ຕິດພັນກັບວຽກງານຂະແໜງພາສີໃຫ້ວ່ອງໄວທັນການ, ສຳລັບຢູ່ຂັ້ນທ້ອງຖິ່ນເປັນຕົ້ນ: ກອງຄຸ້ມຄອງພາສີ, ກອງກວດກາພາສີ ແລະ ດ່ານພາສີຊາຍແດນຕ້ອງໄດ້ປະສານສົມທົບກັນຢ່າງເປັນປົກກະຕິ ແລະ ມີການປຶກສາຫາລື ແລະ ສະເໜີຂຶ້ນມາກົມ, ກະຊວງ, ນາຍົກເພື່ອໃຫ້ທັນກັບສະພາບການທີ່ເກີດຂຶ້ນ.

ສຳລັບວຽກງານຫັນພາສີເປັນທັນສະໄໝສືບຕໍ່ປັບປຸງ ແລະ ນໍາໃຊ້ລະບົບ ASYCUDA ໃຫ້ສອດຄ່ອງກັບບັນດາຂັ້ນຕອນການແຈ້ງພາສີທີ່ໄດ້ປັບປຸງໃນໄລຍະໃໝ່, ເຊື່ອມໂຍງລະບົບເຂົ້າກັບລະບົບຂອງພາກສ່ວນກ່ຽວທີ່ຕິດພັນກັບວຽກພາສີ, ສືບຕໍ່ດໍາເນີນໂຄງການ Smart VAT ໄລຍະ 2 ໃນການຈັດເກັບຄ່າທໍານຽມຜ່ານຕູ້ເກັບເງິນອີເລັກໂຕຼນິກ (KIOSK), ການປັບປຸງ ແລະ ພັດທະນາເວັບໄຊຂອງກົມດໍາເນີນການໃຫ້ສໍາເລັດຕາມຄາດໝາຍ.

ແຫຼ່ງຂໍ້ມູນ: ພະແນກໂຄສະນາ ແລະ ຂ່າວສານການເງິນ ກະຊວງການເງິນ

- WhatsApp Image 2020 05 27 at 5 - ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ
- WhatsApp Image 2020 05 27 at 5 - ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງຫວ່າງການຮົ່ວໄຫຼລາຍຮັບທຸກກໍລະນີ
error: Alert: ເນື້ອຫາຂ່າວມີລິຂະສິດ !!