ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ

- Vietnams police - ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ
- Untitled design - ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ

ໃນວັນ​ທີ 30 ກໍລະກົດຜ່ານມານີ້, ທ່ານພົນຈັດຕະວາ ຮວ່າງ ກວາງ ​ເຫືອງ ຫົວໜ້າ​ອົງການ​ຜູ້ຕາງໜ້າກະຊວງ​ຕຳຫລວດ ສສ.ຫວຽດນາມ ປະຈຳ​ລາວ ໄດ້ມອບເງິນຈໍານວນ 50 ພັນໂດລາສະຫະລັດ ຫລື ປະມານ 400 ລ້ານກວ່າກີບ ໃຫ້ທ່ານພົນຕີ ສົມ​ແກ້ວ ສີ​ລາ​ວົງ ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ເພື່ອຊ່ວຍເຫລືອຜູ້ປະສົບໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື. ໃນໂອກາດນີ້, ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ຕາງໜ້າພັກ, ລັດຖະບານ ແລະ ປະຊາຊົນລາວ ​ສະ​ແດງ​ຄວາມ​ຂອບ​ໃຈ​ຕໍ່​ ​​ກະຊວງ​ຕຳຫລວດຫວຽດນາມ ທີ່ມີຄວາມເປັນຫວ່ງເປັນໄຍບິແບ່ງນໍ້າໃຈ​ເອົາ​ເງິນ​ມາ​ຊ່ວຍ​ເຫລືອ​ຜູ້ປະສົບ​ໄພ​ນ້ຳຖ້ວມ​ດັ່ງກ່າວ, ຊຶ່ງທັງໝົດນີ້ມັນສະແດງໃຫ້ເຫັນເຖິງມູນເຊື້ອຄວາມສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນຂອງສອງພັກ, ສອງລັດຖະບານ ແລະ ປະຊາຊົນສອງຊາດລາວ-ຫວຽດນາມທີ່ມີມາແຕ່ດົນນານແລ້ວນັ້ນນັບມື້ຍິ່ງເບັ່ງບານ.

​ຂ່າວໃຫ້ຮູ້ຕື່ມວ່າ: ໃນ​ວັນ​ທີ 28 ກໍລະກົດຜ່ານມາ, ທ່ານ​ນາງ ວິ​ໄລ​ຄຳ ​ໂພ​ສາລາ​ດ ຮອງ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ ​ໄດ້​ຕາງໜ້າ​ຄະນະ​ນຳ ແລະ ພະນັກງານອ້ອມຂ້າງ​ກະຊວງ ນໍາ​ເງິນສົດ 109 ລ້ານກວ່າ ກີບ, ພ້ອມດ້ວຍ​ເຄື່ອງນຸ່ງ​ຫົ່ມ ແລະ ເຄື່ອງອຸປະໂພກ-ບໍລິໂພກຈໍານວນໜຶ່ງທີ່ໄດ້ຈາກການບໍລິຈາກຂອງ​​ສະມາຊິກ 3 ອົງການ​ຈັດຕັ້ງມະຫາຊົນ ແລະ ​ໜ່ວຍ​ຮາກ​ຖານ​ພັກ​ທີ່​ຂຶ້ນກັບ​ອົງຄະ​ນະ​ພັກກະຊວງດັ່ງກ່າວ ໄປມອບ​ໃຫ້​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ເພື່ອ​ຊ່ວຍເຫລືອ​ປະຊາຊົນຜູ້​ປະສົບ​ໄພ​ນ້ຳຖ້ວມຢູ່ແຂວງອັດຕະປື.

 

- Wave100S AD to Website 2020 0 - ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ກະຊວງ​ຕຳຫລວດຫວຽດນາມມອບ​ເງິນ 400 ກວ່າ​ລ້ານ​ກີບຊ່ວຍ​ຜູ້ປະສົບໄພນໍ້າຖ້ວມຢູ່ເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!