ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ

- MoA - ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ
- Untitled design - ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ

ບ່າຍວັນທີ 31 ກໍລະກົດ ນີ້, ທ່ານ ລຽນ ທິແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ລົງຕິດຕາມສະພາບນໍ້າຖ້ວມ ຢູ່ແຂວງສະຫວັນນະເຂດ ແລະ ໄດ້ຮັບລາຍງານຈາກ ຫົວໜ້າພະແນກກະສິກໍາ ແລະ ປ່າໄມ້ ແຂວງດັ່ງກ່າວ ເນື່ອງຈາກຝົນຕົກຕິດຕໍ່ກັນເປັນເວລາຫຼາຍວັນ ຈາກພະຍຸເຊີນຕີນ ເຮັດໃຫ້ສາຍນໍ້າຕ່າງໆຍຶ່ງຂຶ້ນສູງຖ້ວມ 321 ບ້ານ ໃນ 12 ເມືອງ ສົ່ງຜົນໃຫ້ປະຊາຊົນຫຼາຍກວ່າ 18.900 ຄອບຄົວໄດ້ຮັບຜົນກະທົບ, ເນື້ອທີ່ນາທີ່ປັກດໍາລ້ວ ຈໍານວນ 27.500 ກວ່າເຮັກຕາ ເທົ່າກັບ 13,6% ຂອງເນື້ອທີ່ນາປີທັງໝົດຈົມຢູ່ໃນພື້ນນໍ້າ. ໃນນັ້ນ, ເມືອງທີ່ໄດ້ຮັບຜົນກະທົບຫຼາຍກວ່າໝູ່ຄື: ເມືອງຈໍາພອນ, ຊົນນະບູລີ, ໄຊບູລີ ແລະ ເມືອງສອງຄອນ. ນອກນັ້ນ, ຍັງເຮັດໃຫ້ງົວ, ຄວາຍ ແລະ ສັດປີກຕາຍເປັນຈໍານວນຫຼາຍ, ມີໜອງປາ 208 ໜອງ ແລະ ແນວພັນປາພັນຖືກເສຍຫາຍ ແລະ ເພື່ອປະກອບສ່ວນແບ່ງເບົາການເສຍຫາຍດັ່ງກ່າວໃນ, ທ່ານ ລຽນ ທິແກ້ວ ໄດ້ມອບເງິນສົດ ຈໍານວນ 50 ລ້ານກີບ ໃຫ້ພະແນກກະສິກໍາ ແລະ ປ່າໄມ້ແຂວງ ແລະ ໄດ້ນໍາເອົາເຄື່ອງອຸປະໂພກບໍລິໂພກຈໍານວນໜຶ່ງລົງຊ່ວຍເຫຼືອປະຊາຊົນຜູ້ທີ່ຖືກຜົນກະທົບຢູ່ເມືອງ ໄຊບູລີ ແລະ ເມືອງສອງຄອນ ປະກອບມີ: ນໍ້າດື່ມ, ອາຫານແຫ້ງ ລວມມູນຄ່າທັງໝົດ 11 ລ້ານກວ່າກີບ, ເພື່ອເປັນການບັນເທົາທຸກໃຫ້ແກ່ຜູ້ປະສົບໃນເບື້ອງຕົ້ນ.

ພ້ອມນັ້ນ, ທ່ານລັດຖະມົນຕີຍັງໄດ້ໃຫ້ທິດຊື້ນໍາ ພະແນກກະສິກໍາ ແລະ ປ່າໄມ້ ແຂວງເອົາໃຈໃສ່ຊຸກຍູ້ຊ່ວຍເຫຼືອບັນດາເມືອງທີ່ຖືກຜົນກະທົບຢ່າງໃກ້ສິດ ແລະ ພາຍຫຼັງນໍ້າແຫ້ງລົງແລ້ວ ໃຫ້ເກັບກໍາຂໍ້ມູນຢ່າງລະອຽດ ເພື່ອວາງແຜນການຜະລິດທົດທນໃນຕໍ່ໜ້າໃຫ້ໄດ້ຮັບຜົນ, ພ້ອມທັງເກັບກໍາຄວາມຕ້ອງການດ້ານແນວພັນເຂົ້າ, ແນວພັນພືດ ແລະ ປັດໃຈການຜະລິດຕ່າງໆ ເພື່ອສະໜອງໃຫ້ປະຊາຊົນເຮັດການຜະລິດທົດແທນຕາມເງື່ອນໄຂ ແລະ ສະພາບຕົວຈິງ. ພ້ອມໃຫ້ເອົາໃຈໃສ່ ກະກຽມຕ້ານພະຍຸສັດທີ່ຈະເກີດຂຶ້ນພາຍຫຼັງນໍ້າແຫ້ງ.

- Wave100S AD to Website 2020 0 - ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ
- WhatsApp Image 2020 05 27 at 5 - ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ
- WhatsApp Image 2020 05 27 at 5 - ລັດຖະມົນຕີກະຊວງກະສິກໍາ ແລະ ປ່າໄມ້ ລົງຕິດຕາມສະພາບນໍ້າຖ້ວມຢູ່ແຂວງສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!