ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

- 37920042 628529900850798 6801276473530384384 n - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ
- Untitled design - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

   ໂດຍ: ກ້ອງສ່ອງ ອິດສະຫລະ  

ດັ່ງພວກເຮົາຮູ້ນຳກັນ ແລ້ວວ່າ, ໃນປີຜ່ານມາກໍມີ ເຂື່ອນນ້ຳອ້າວແຕກ ແຕ່ເປັນ ຈັ່ງບຸນເຂື່ອນນີ້ເປັນເຂື່ອນ ນ້ອຍ ເມື່ອມັນແຕກທະລຸກໍ ບໍ່ມີຜົນກະທົບໃຫຍ່ຫລວງ ຕໍ່ ເສດຖະກິດ-ສັງຄົມຂອງປະ ເທດແຕ່ ເຖິງປານນັ້ນກໍຍັງມີ ຜົນເສຍຫາຍໄປເຖິງຊັບສິນ, ໄຮ່ນາຮົ້ວສວນຂອງປະຊາ ຊົນທີ່ຢູ່ໃຕ້ເຂື່ອນ ແລະ ກະທົບ ໄປເຖິງເຂື່ອນນ້ຳງຽບໜຶ່ງທີ່ ພວມກໍສ້າງ ແລະ ກຳລັງຕິດ ຕັ້ງເຄື່ອງຈັກຍ້ອນນ້ຳຂີ້ຕົມ ແລະ ສິ່ງເສດເຫລືອຕ່າງໆ ໄຫລມາເປີະໃສ່ກາຍເປັນ ຄາບຕະກອນສຸດທ້າຍໃນ ສອງບໍລິສັດດັ່ງກ່າວເວົ້າວ່າ ກັນແນວໃດນັບທັງການໃຊ້ ແທນຄ່າເສຍຫາຍຕ່າງໆ ໃຫ້ແກ່ຜູ້ທີ່ຖືກຜົນກະທົບກໍ ຍັງບໍ່ມີແຫລ່ງຂ່າວອອກມາ ຢັ້ງຢືນຢ່າງລະອຽດ ແລະ ຈະແຈ້ງ.

 

ຈົ່ງມີສະຕິ ເຂື່ອນແຕກບັນຫາບໍ່ໄກຕົວ

ຝົນຕົກໜັກເກີດນ້ຳຖ້ວມປະຊາຊົນໄດ້ຮັບຜົນກະທົບ

ພໍຕົກມາໃນໄລຍະວັນທີ 23 ກໍລະກົດ 2018 ກໍມີບັນ ຫາເຂື່ອນເຊປຽນ-ເຊນ້ຳ ນ້ອຍແຕກທະລຸຢ່າງຮ້າຍ ແຮງສົ່ງຜົນກະທົບໄປເຖິງ ຊີວິດຂອງຄົນ, ສັດສາວາສິ່ງ, ເນື້ອທີການຜະລິດ ແລະ ສິ່ງ ແວດລ້ອມຕ່າງໆຖືກແລວນ້ຳ ຊຸທັ່ງເສຍຫາຍຢ່າງໃຫຍ່ ຫລວງ; ຫລື ຖ້າຈະເວົ້າອີກ ແບບໜຶ່ງກໍແມ່ນເສຍຫາຍ ກ້ຽງເອີດເຕີດ, ຈົນມາຮອດ ປັດຈຸບັນ, ການກູ້ໄພເພື່ອ ຊອກຫາຄົນຜູ້ເສຍຊີວິດ ແລະ ຜູ້ຫາຍສາບສູນກໍຍັງດຳ ເນີນໄປຢ່າງໜັກໜ່ວງ ແລະ ເຄັ່ງຮ້ອນ.

ຕາມແຫລ່ງຂ່າວຈາກ ເຈົ້າໜ້າທີ່ກ່ຽວຂ້ອງໄດ້ເຫັນ ສະພາບຕົວຈິງບອກວ່າ: ເຫດ ການເຂື່ອນແຕກນ້ຳທະລຸໃນ ຄັ້ງນີ້ ຈັກແຮງຈັກ ຄ່ອຍແມ່ນ ໄດ້ແບກເອົາຕົ້ນໄມ້ໄປຢູ່ເທີງຫລັງຄາໂຮງຮຽນ, ຊາກສະ ລັກຫັກພັງເຮືອນຊານບ້ານ ຊ່ອງ; ຕົ້ນໄມ້ໃບຫຍ້າສັດ ສາວາສິ່ງນັບທັງຄົນໄດ້ຖືກ ນ້ຳອຸ້ມຊຸທັງຫາຍໄປໃນ ເວລາ ບໍ່ເທົ່າໃດຊົ່ວໂມງ, ເມື່ອ ນ້ຳໄດ້ບົກແຫ້ງລົງກໍມີຂີ້ຕົມໜາເຖິງແມັດສອງແມັດຕາມບໍລິເວນກວ້າງ.
ຈາກເຫດການເຂື່ອນ ແຕກໃນຄັ້ງນີ້, ມັນມີຜົນກະ ທົບຢ່າງໜັກໜ່ວງໄປເຖິງ 6 ບ້ານຄື: ບ້ານຫີນລາດ, ບ້ານ ທ່າ ແສງຈັນ, ບ້ານທ່າຫີນ, ບ້ານ ສະໜອງໃຕ້, ບ້ານໃໝ່ ແລະ ບ້ານໃຫຍ່ແທ.

- Wave100S AD to Website 2020 0 - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

ນອກຈາກນັ້ນ, ກໍລາມໄປ ຮອດທັງໝົດ 13 ບ້ານ, 13 ພັນຄົນ ແລະ ຫາກໍພົບເຫັນຜູ້ ເສຍຊີວິດ 11 ຄົນ. ສ່ວນວ່າຜູ້ ທີ່ຍັງຫາຍສາບສູນທີ່ແຕກ ກະຈັດກະຈາຍໄປທົ່ວທີບທົ່ວ ແດນກໍຍັງບໍ່ສາມາດພົບເຫັນ ເຖິງ 1.200 ກວ່າຄົນ.

ແນວໃດກໍຕາມ, ບັນຫາ ເລື່ອງເຂື່ອນແຕກໃນຍຸກສະ ໄໝສ້າງສາພັດທະນານີ້ຖື ວ່າ ເປັນນິຕິໃໝ່ທາງດ້ານປະ ຫວັດສາດຂອງຊາດລາວເຮົາ. ຍ້ອນວ່າໃນຍຸກພັດທະນານີ້ ເປົ້າໝາຍຂອງພັກ ແລະ ລັດ ຖະບານເຮົາພວກເລັ່ງສ້າງ ເຂື່ອນນັບແຕ່ນີ້ເປັນຕົ້ນໄປ ຕ້ອງໃຫ້ໄດ້ 100 ແຫ່ງ.
ສາເຫດກໍຍ້ອນວ່າປະ ເທດລາວເຮົາມີທ່າແຮງໃນ ດ້ານນີ້ຫລາຍ, ການທີ່ປະເທດ ເຮົາບໍ່ມີທະເລແຕ່ມີແມ່ ນ້ຳລຳ ເຊທີ່ຫລາກຫລາຍໃນທົ່ວປະ ເທດໄດ້ກາຍເປັນເງື່ອນໄຂ ແລະ ປັດໄຈຫລາຍຢ່າງ ໃຫ້ ແກ່ການເຮັດເຂື່ອນຜະລິດໄຟຟ້າເພື່ອສົ່ງຂາຍໃຫ້ບັນດາປະເທດອ້ອມຂ້າງ.

ໃນການສ້າງເຂື່ອນແຕ່ ລະແຫ່ງໃນຜ່ານມາກໍຄືໃນ ປັດຈຸບັນ, ບາງເຂື່ອນລັດຖະ ບານເຮົາກໍຖືຮຸ້ນນຳ, ແຕ່ອີກ ບາງແຫ່ງກໍແມ່ນຜູ້ລົງທຶນ ຕ່າງປະເທດເປັນຜູ້ຮັບຜິດ ຊອບແຕ່ຝ່າຍດຽວໂດຍມີສັນ ເປັນກຳນົດຄັກແນ່.

ເຖິງຢ່າງໃດກໍດີ, ຕາມ ເຮົາວ່າ ເວົ້າເຖິງການຮ່ວມ ທຶນຫລືການອະນຸຍາດໃຫ້ ຕ່າງປະເທດມາລົງທຶນນັ້ນ ມັນບໍ່ແມ່ນແຕ່ການສ້າງ ເຂື່ອນນ້ຳຕົກ, ຍັງມີການສ້າງ ຖະໜົນຫົນທາງ, ສ້າງພື້ນ ຖານໂຄງລ່າງຕຶກອາຄານສະ ຖານທີ່ທຸລະກິດທີ່ຫລາກ ຫລາຍ, ແຕ່ອັນສຳຄັນຕ້ອງ ມີຂັ້ນຕອນໃນການກວດກາ ເພື່ອຄວາມປອດໃສ ແລະ ວັດ ຄຸນນະພາບ. ສິ່ງສຳຄັນ ທີ່ສຸດ ແມ່ນຄວາມຍືນຍົງທີ່ຈະບໍ່ມີ ຜົນກະທົບຕໍ່ຊີວິດຂອງຄົນແລະ ສິ່ງແວດລ້ອມອື່ນໆ.

ໃນຜ່ານມາພວກເຮົາ ເສຍໃນດ້ານຄວາມບໍ່ປອດໃສ່ ຈຶ່ງເປັນເຫດໃຫ້ການກໍສ້າງ ກິດຈະການຕ່າງບໍ່ໄປຕາມ ມາດຕະຖານ, ຂະໜາດກໍ່ສ້າງ ເສັ້ນ ທາງລົດໄຟລາວ-ຈີນ ຍັງ ບໍ່ທັນແລ້ວກໍຍັງມີພະນັກງານການເງິນທີ່ພົວພັນກັບການ ສໍ້ໂກງໃນກະໂທງຕ່າງໆເຖິງ 13 ລາຍ. ນີ້ລະຄືຕົ້ນເຫດຂອງ ຄວາມເສຍຫາຍແຕ່ນ້ອຍ ຫາໃຫຍ່ທີ່ພົວພັນເຖິງຊີວິດ ແລະ ຊັບສິນຂອງຊາດກາຍ ເປັນສິ່ງທ້າທ້າຍໃໝ່ໃນຍຸກ ພັດທະນາ./.

- 37920042 628529900850798 6801276473530384384 n - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ
(ພາບປະກອບ)
- WhatsApp Image 2020 05 27 at 5 - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ
- WhatsApp Image 2020 05 27 at 5 - ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ
error: Alert: ເນື້ອຫາຂ່າວມີລິຂະສິດ !!