ເທຄວັນໂດ້ລາວ ຍາດໄດ້ 3 ຫລຽນຄໍາ ທີ່ຫວຽດນາມ

- advert banner 728 90 728x90 - ເທຄວັນໂດ້ລາວ ຍາດໄດ້ 3 ຫລຽນຄໍາ ທີ່ຫວຽດນາມ

ນັກກິລາເທຄວັນໂດ້ທີມຊາດລາວ ​ສາມາດ​ຍາດ​ໄດ້ 3 ຫລຽນຄໍາ 4 ຫລຽນເງິນ 1 ຫລຽນທອງ ​ໃນການແຂ່ງຂັນ​ເທ​ຄວັນ​ໂດ້ຫວຽດນາມ ໂອເພັນ 2018 ທີ່​ຈັດ​ຂຶ້ນທ້າຍເດືອ​ນກໍລະກົດຜ່ານມາ ທີ່ດານັງ ສສ ຫວຽດນາມ.

ທ່ານ ຈັນທະວົງ ປັນຍາສິຣິ ເລຂາທິການສະຫະພັນເທຄວັນໂດ້ແຫ່ງຊາດລາວ ​ໄດ້​ໃຫ້​ສໍາພາດ​ວ່າ: ການ​ແຂ່ງຂັນເທ​ຄວັນ​ໂດ້ຫວຽດນາມ ໂອເພັນ 2018 ​ພວກ​ເຮົາ​ໄດ້​ສົ່ງ​ນັກ​ກິລາ​​ເຂົ້າຮ່ວມ​ທັງ​ໝົດ 9 ຄົນ, ​ໃນ​ນັ້ນຍິງ 3 ຄົນ ​ໃນ​ປະ​ເພດ​ຕໍ່ສູ້. ຜ່ານ​ການ​ແຂ່ງຂັນ​ນັກ​ກິລາ​ຂອງ​ພວກ​ເຮົາ​ສາມາດ​ຍາດ​ໄດ້ 3 ຫລຽນ​ຄໍາຈາກທ້າວ ສອນໄຊ ມັງເຄືອ ລຸ້ນນໍ້າຫນັກ 74 ກິໂລ, ທ້າວ ສິດທິກອນ ສໍພາບມີໄຊ ລຸ້ນນໍ້າຫນັກ 68 ກິໂລ ແລະ ທ້າວ ພູນາທອນ ສຸກສະຫວັນ ລຸ້ນນໍ້າຫນັກ 63 ກິໂລ; ສ່ວນ 4 ຫລຽນເງິນໄດ້ຈາກທ້າວ ສົມສະນຸກ ພົມມະວັນ ລຸ້ນນໍ້າຫນັກ 74 ກິໂລ, ທ້າວ ພັດທະນາ ໄຊຍະກຸມມານ ລຸ້ນນໍ້າຫນັກ 63 ກິໂລ, ນາງ ສອນສະຫວັນ ສີລິມະໂນທຳ ລຸ້ນນໍ້າຫນັກ 68 ກິໂລ ແລະ ນາງ ອາລິສາ ປັນຍາສິຣິ ລຸ້ນນໍ້າຫນັກ 53 ກິໂລ ​ແລະ 1 ຫລຽນທອງໄດ້ຈາກນາງ ທິດາສະຫວັນ ສົດທະຈິດ ລຸ້ນນໍ້າຫນັກ 68 ກິໂລ.

- lattana 1 - ເທຄວັນໂດ້ລາວ ຍາດໄດ້ 3 ຫລຽນຄໍາ ທີ່ຫວຽດນາມ
- 1 1 - ເທຄວັນໂດ້ລາວ ຍາດໄດ້ 3 ຫລຽນຄໍາ ທີ່ຫວຽດນາມ

ສໍາລັບ​ແຜນການ​ເຄື່ອນ​ໄຫວ​ຂອງສະຫະພັນ​ເທ​ຄວັນ​ໂດ້​ແຫ່ງ​ຊາດ​ລາວ ​ຈະ​ສົ່ງ​ນັກກິລາເທຄວັນໂດ້ທີມຊາດລາວ  6 ຄົນ ຍິງ 2 ຄົນ ​ເຂົ້າ​ຮ່ວມເອຊຽນເກມ ຄັ້ງທີ 18 ທີ່ຈາກາຕາ-ປາເລັມບັງ ປະເທດອິນໂດເນເຊຍ ໃນວັນທີ 18 ສິງຫາ-2 ກັນຍາ 2018.

error: Content is protected !!