ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ

- s3 - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ
- Untitled design - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ

ກອງ​ປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນ​ໄຂ​ຂຶ້ນ​ໃນ​ວັນ​ທີ 2 ກໍລະກົດ​ນີ້ ທີ່​ສິງກະ​ໂປ ​ໂດຍ​ມີ​ລັດຖະມົນຕີ​ຕ່າງປະ​ເທດ​ຈາກ 10 ປະ​ເທດ​ສະມາຊິກ ​ໂດຍ​ມີ​ຫົວ​ຂໍ້​ການ​ຫາລື​ຫລາຍ​ເລື່ອງ ລວມທັງ​ການ​ປົດ​ນິວ​ເຄຼຍ ສປປ ​ເກົາຫລີ ​ແລະ ຂໍ້​ຂັດ​ແຍ່ງ​ໃນ​ທະ​ເລ​ຈີນ​ໃຕ້.

- 1533185075238 800x0 - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ

ທ່ານ ລີ ຊຽນລຸງ ນາຍົກລັດຖະມົນຕີສິງກະ​ໂປ ກ່າວ​ເປີດ​ກອງ​ປະຊຸມ​ ​ໂດຍ​​ເນັ້ນ​ເຖິງ​ຄວາມ​ຈຳ​ເປັນ​ໃນ​ການ​ຮ່ວມ​ມື​ກັນ​ຂອງ​ປະ​ເທດ​ອາ​ຊຽນ ​ເນື່ອງ​ຈາກ​ຄວາມ​ບໍ່​ແນ່ນອນ​ກ່ຽວ​ກັບ​ສະຖານະ​ການ​ການ​ເມືອງ​ໂລກ. ນອກຈາກ​ນີ້ ອາ​ຊຽນຕ້ອງ​ຮ່ວມ​ກັນ​ສະໜັບສະໜູນ​ການ​ຄ້າ​ພະຫຸ​ພາຄີ​ຕໍ່​ໄປ ​ເພາະ​ນັບ​ມື້ສະຖານະ​ການ​ເຄັ່ງ​ຕຶງ​ທາງ​ການ​ຄ້າ​ລະຫວ່າງ​ອາ​ເມ​ລິ​ກາ​ກັບປະ​ເທດ​ອື່ນໆ​ຈະ​ທະວີ​ຄວາມ​ຮຸນ​ແຮງ​ຂຶ້ນ ​ແລະ ຈະ​ຕ້ອງ​ຫາ​ທາງ​ບັນລຸ​ຂໍ້​ຕົກລົງ​ພັນທະ​ມິດ​ທາງ​ການ​ຄ້າ​ລະດັບ​ພາກພື້ນ ຫລື RCEP ​ໃຫ້​ທັນ​ພາຍ​ໃນ​ປີ​ນີ້.

ທັງ​ນີ້, ສິງກະ​ໂປ​ເປັນ​ເຈົ້າພາບ​ຈັດ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນ​ໃນ​ປີ​ນີ້, ສ່ວນ​ກອງ​ປະຊຸມ​ອື່ນໆ​ທີ່​ກ່ຽວຂ້ອງ​ກັບປະ​ເທດ​ສະມາຊິກ ​ແລະ ປະ​ເທດ​ຄູ່​ຄ້າ​ໃນ​ກຸ່ມ​ອາ​ຊຽນ ​ເຊິ່ງຈັດ​ຂຶ້ນຢູ່​ສິງກະ​ໂປ​ນັ້ນ ຈະ​ມີ​ຂຶ້ນ​​ໄປ​ຈົນ​ເຖິງ​ວັນ​ທີ 4 ກໍລະກົດ​ນີ້ ​ເຊິ່ງລວມທັງ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ທີ່​ບໍ່​ພຽງ​ແຕ່​ມາ​ຈາກ​ກຸ່ມ​ອາ​ຊຽນ​ເທົ່າ​ນັ້ນ, ​ແຕ່​ຍັງ​ລວມ​ເຖິງ​ອົດ​ສະຕຣາລີ, ກາ​ນາ​ດາ, ຈີນ, ອິນ​ເດຍ, ຍີ່ປຸ່ນ, ນິວຊີ​ແລນ, ຣັດ​ເຊຍ, ອາ​ເມ​ລິ​ກາ, ສປປ ​ເກົາຫລີ ​ແລະ ສ ​ເກົາຫລີ.

- Wave100S AD to Website 2020 0 - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ

ສຳລັບ​ປະ​ເທດ​ສະມາຊິກ​ອາ​ຊຽນປະກອບ​ມີ: ບຣູ​ໄນ, ກຳປູ​ເຈຍ, ອິນ​ໂດ​ເນ​ເຊຍ, ລາວ, ມາ​ເລ​ເຊຍ, ມຽນມາ, ຟີ​ລິບ​ປິນ, ສິງກະ​ໂປ, ​ໄທ ​ແລະ ຫວຽດນາມ.

- WhatsApp Image 2020 05 27 at 5 - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ
- WhatsApp Image 2020 05 27 at 5 - ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ
error: Alert: ເນື້ອຫາຂ່າວມີລິຂະສິດ !!