UN ລະດົມທຶນຊ່ວຍເຫລືອ ປະຊາຊົນໃນພື້ນທີ່ໄພພິບັດ

- advert banner 728 90 728x90 - UN ລະດົມທຶນຊ່ວຍເຫລືອ ປະຊາຊົນໃນພື້ນທີ່ໄພພິບັດ

ອົງການ​ອາຫານ ​ແລະ ການ​ກະ​ເສດ​ແຫ່ງ​ສະຫະ​ປະຊາ​ຊາດ ​ເປີດ​ລະດົມ​ທຶນ​ເພື່ອ​ຊ່ວຍ​ເຫລືອ​ປະຊາຊົນ​​ໃນ​ພື້ນທີ່​ປະສົບ​ໄພພິບັດ​ຮຸນ​ແຮງ​ຫລາຍ​ແຫ່ງ​ໃນ​ປີ​ນີ້ ​ໂດຍ​ຕັ້ງ​ເປົ້າໝາຍ​ໄວ້ 120 ລ້ານ​ໂດ​ລາ​ສະຫະລັດ.

- news PrdWVHtYJH122453 533 - UN ລະດົມທຶນຊ່ວຍເຫລືອ ປະຊາຊົນໃນພື້ນທີ່ໄພພິບັດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ອົງການ​ອາຫານ ​ແລະ ການ​ກະ​ເສດ​ແຫ່ງ​ສະຫະ​ປະຊາ​ຊາດ (FAO) ອອກ​ຖະ​ແຫລ​ງການ​ໃນ​ວັນ​ທີ 1 ສິງຫາ ຂໍ​ລະດົມ​ທຶນ​ເພື່ອ​ຊ່ວຍ​ເຫລືອ​ປະຊາຊົນ​ໃນ​ພື້ນທີ່​ເກີດ​ໄພພິບັດ​ທາງ​ທຳ​ມະ​ຊາດ ​ເຊິ່ງສະຖານະ​ການ​ໃນ​ປີ​ນີ້​ຮຸນ​ແຮງ​ກວ່າ​ຫລາຍ​ປີຜ່ານມາ ທັງ​ຢູ່​ອັບ​ກາ​ນິດ​ສະຖານ, ຊີຣີ, ຊູ​ດັງ, ອາ​ຟຣິກາ​ກາງ, ​ໄຮ​ຕິ ​ແລະ ມຽນມາ. ທັງ​ນີ້ FAO ກຳນົດ​ເປົ້າໝາຍ​ໄວ້​ຂອງ​ຍອດ​ເງິນ​ໃນ​ກອງ​ທຶນ 120 ລ້ານ​ໂດ​ລາ​ສະຫະລັດ ​ເຊິ່ງຈະ​ນຳ​ໄປ​ໃຊ້​ຈ່າຍ​ໃນ​ດ້ານ​ການຈັດ​ຫາ​ເມັດ​ພັນ​ພືດ​ສຳລັບ​ໃຫ້​ປະຊາຊົນ​ໃນ​ພື້ນທີ່​ໄປ​ປູກ, ການຈັດ​ຫາ​ອຸປະກອນ​​ໃນ​ການ​ປູກຝັງ, ການ​ປັບປຸງ​ສະພາບ​ດິນ ​ແລະ ​ແຫ​ລ່ງນ້ຳ ​ແລະ ລະບົບ​ໂຄງ​ສ້າງ​ພື້ນຖານ​ທີ່​ກ່ຽວຂ້ອງ.

- 1 1 - UN ລະດົມທຶນຊ່ວຍເຫລືອ ປະຊາຊົນໃນພື້ນທີ່ໄພພິບັດ
- Tiger Head 728x90 - UN ລະດົມທຶນຊ່ວຍເຫລືອ ປະຊາຊົນໃນພື້ນທີ່ໄພພິບັດ

​ໃນ​ເວລາ​ດຽວ​ກັນ, ໜັງສືພິມ ​ເດິ ​ໂກລບອລ ນິວ ​ໄລ ອອຟ ມຽນມາ ລາຍ​ງານ​ຈຳນວນ​ຜູ້​ເສຍ​ຊີວິດ​ຈາກ​ອຸ​ທົກ​ກະ​ໄພ​ຄັ້ງຮຸນ​ແຮງ​ໃນ​ຫລາຍ​ພື້ນທີ່​ຂອງ​ປະ​ເທດມີ​ຢ່າງ​ໜ້ອຍ 12 ຄົນ ​ແລະ ອີກ​ຫລາຍ​ກວ່າ 150.000 ຄົນ​ບໍ່​ມີ​ບ່ອນຢູ່ ​ໂດຍ​ພື້ນທີ່​ໄດ້​ຮັບ​ຄວາມ​ເສຍ​ຫາຍ​ຫລາຍ​ທີ່​ສຸດ​ຄື​ເຂດ​ພະ​ໂຄ ທາງ​ຕອນ​ໃຕ້​ເມືອງ​ຢາງ​ກຸ້ງ ​ເຊິ່ງພົບ​ຜູ້​ເສຍ​ຊີວິດ​ຢ່າງ​ໜ້ອຍ 4 ຄົນ ​ແລະ ປະຊາຊົນ​ອີກ​ຫລາຍ​ກວ່າ 94.000 ຄົນ ​ແຈກ​ຢາຍ​ກັນ​ອາ​ໄສ​ຢູ່​ຕາມ​ສູນ​ພັກ​ຊົ່ວຄາວ 186 ​ແຫ່ງ. ຂະນະ​ທີ່​ກະຊວງ​ສະຫວັດດີ​ການ​ສັງຄົມ​ຈັດ​ສັນ​ງົບປະມານ​ຫລາຍ​ກວ່າ 554 ລ້ານ​ຈ໊າດ ​ເພື່ອ​ໃຫ້ການ​ຊ່ວຍ​ເຫລືອ​ຜູ້​ປະສົບ​ໄພ.

error: Content is protected !!