ທ່ານ ທຣຳ ສະເໜີເກັບພາສີ 25% ກັບສິນຄ້າຈີນ 200.000 ລ້ານໂດລາສະຫະລັດແລ້ວ

- advert banner 728 90 728x90 - ທ່ານ ທຣຳ ສະເໜີເກັບພາສີ 25% ກັບສິນຄ້າຈີນ 200.000 ລ້ານໂດລາສະຫະລັດແລ້ວ

ທ່ານ ​ໂຣ​ເບີດ ​ໄລ​ໄທ​ເຊີ ຜູ້​​ແທນ​ການ​ຄ້າ​ອາ​ເມ​ລິ​ກາ ​ເປີດ​ເຜີຍ​ວ່າ: ປະທານາທິບໍດີ ​ໂດ​ນັລ ທຣຳ ສະ​ເໜີ​ໃຫ້​ເກັບ​ພາສີ 25% ກັບ​ສິນຄ້າ​ຈີນ​ມູນ​ຄ່າ 200.000 ລ້ານ​ໂດ​ລາ​ສະຫະລັດ ​ແລ້ວ ຈາກ​ທີ່​ເຄີຍ​ສະ​ເໜີ​ໃຫ້​ເກັບ 10% ​ເພາະ​ຈີນ​ບໍ່​ປະຕິບັດ​ຕາມ​ຄວາມ​ຕ້ອງການ​ຂອງ​ອາ​ເມ​ລິ​ກາ ອີກ​ທັງ​ຍັງ​ເກັບ​ພາສີ​ຕອບ​ໂຕ້.

ທ່ານ ​ໄລ​ໄທ​ເຊີ ຖະ​ແຫລ​ງວ່າ: ການ​ເພີ່ມ​ອັດຕາ​ພາສີ​ກັບ​ສິນຄ້າ​ຈີນ​ເຮັດ​ໃຫ້​ລັດຖະບານ​ມີ​ທາງ​ເລືອກ​ເພີ່ມ​ຂຶ້ນ​ໃນ​ການ​ກະ​ຕຸ້ນ​ໃຫ້​ຈີນ​ແກ້​ໄຂ​ນະ​ໂຍບາຍ ​ແລະ ການ​ກະທຳ​ທີ່​ເປັນ​ອັນຕະລາຍ​ແລ້ວ​ຫັນ​ໄປ​ດຳ​ເນີນ​ນະ​ໂຍບາຍ​ທີ່​ຈະ​ນຳ​ໄປ​ສູ່​ການ​ຕະຫລາດ​ທີ່​ເປັນ​ທຳ ​ແລະ ຄວາມ​ໝັ້ນຄົງ​ໃຫ້​ຊາວ​ອາ​ເມ​ລິ​ກາ. ພາສີ​ນີ້​ຈະ​ໃຊ້​ກັບ​ສິນຄ້າ​ຈີນ​ທີ່​ສຳນັກງານ​ຜູ້​ແທນ​ການ​ຄ້າ​ອາ​ເມ​ລິ​ກາ (USTR) ​ເປີດ​ເຜີຍ​ລາຍການ​ໃນ​ວັນ​ທີ 10 ກໍລະກົດ​ວ່າ: ອາດ​ຈະ​ຖືກ​ເກັບ​ພາສີ 10% ຫລັງ​ຈາກ​ຈີນ​ເກັບ​ພາສີ​ຕອບ​ໂຕ້​ອາ​ເມ​ລິ​ກາ​ທີ່​ເກັບ​ພາສີ 25% ກັບ​ສິນຄ້າ​ຈີນ ມູນ​ຄ່າ 34.000 ລ້ານ​ໂດ​ລາ​ສະຫະລັດ ​ໃນ​ວັນ​ທີ 6 ກໍລະກົດ. USTR ອາດ​ຈະ​ເປີດ​ໃຫ້​ປະຊາຊົນ​ສະ​ແດງ​ຄວາມ​ເຫັນ​ເລື່ອງ​ພາສີ​ຄັ້ງ​ໃໝ່​ນັບ​ແຕ່​ວັນ​ທີ 30 ສິງຫາ – 5 ກັນຍາ.

- lattana 1 - ທ່ານ ທຣຳ ສະເໜີເກັບພາສີ 25% ກັບສິນຄ້າຈີນ 200.000 ລ້ານໂດລາສະຫະລັດແລ້ວ
- 1 1 - ທ່ານ ທຣຳ ສະເໜີເກັບພາສີ 25% ກັບສິນຄ້າຈີນ 200.000 ລ້ານໂດລາສະຫະລັດແລ້ວ

​ນັກວິຊາການ​ໃນ​ອາ​ເມ​ລິ​ກາລະ​ບຸ​ວ່າ: ການ​ເກັບ​ພາສີ​ຄັ້ງ​ໃໝ່​ຈະ​ເຮັດ​ໃຫ້​ສິນຄ້າ​ຈີນ​ໝົດ​ໂອກາດ​ເຂົ້າຕະຫລາດ​ອາ​ເມ​ລິ​ກາ ​ແລະ ອາ​ເມ​ລິ​ກາ​ຈະ​ຕ້ອງ​ຫັນ​ໄປ​ຫາ​ສິນຄ້າ​ຈາກ​ປະ​ເທດ​ອື່ນ, ​ແຕ່​ຍຸດ​ທະ​ສາດ​ການ​ກົດ​ດັນ​ຈີນ​ຂອງ​ປະທານາທິບໍດີ ທຣຳ ​ໃນ​ຄັ້ງນີ້​ຈະ​ບໍ່​ໄດ້ຜົນ ຖ້າ​ອາ​ເມ​ລິ​ກາ​ຍັງ​ບໍ່​ສາມາດ​ແກ້​ໄຂ​ຂໍ້​ຂັດ​ແຍ່ງ​ກັບ​ພັນທະ​ມິດ​ທາງ​ການ​ຄ້າ ຄື​ສະຫະພາບ​ເອີຣົບ, ​​ເມັກ​ຊິກ ​ແລະ ກາ​ນາ​ດາ. ຂະນະ​ທີ່​ສະພາ​ການ​ຄ້າ​ເຕືອນ​ວ່າ: ​ເປັນ​ວິທີ​ການ​ທີ່​ບໍ່​ຖືກຕ້ອງ ​ເພາະ​ທຸກ​ຄັ້ງທີ່​ອາ​ເມ​ລິ​ກາ​ເກັບ​ພາສີ​ຈີນ, ຈີນ​ຈະ​ຕອບ​ໂຕ້​ກັບ ຍິ່ງ​ສົ່ງ​ຜົນ​ເສຍ​ຕໍ່​ທຸລະ​ກິດ, ຄົນ​ເຮັດວຽກ, ກະສິກອນ ​ແລະ ຜູ້​ບໍລິ​ໂພ​ກຊາວ​ອາ​ເມ​ລິ​ກາ.

error: Content is protected !!