ເຈົ້າແຂວງວຽງຈັນລົງຢ້ຽມຢາມ ແລະ ມອບການຊ່ວຍເຫລືອຜູ້ປະສົບໄພ ເມືອງສະໜາມໄຊ ລວມມູນຄ່າ 450 ລ້ານກວ່າກີບ
ພາຍຫລັງໄດ້ຮັບຂ່າວ ເກີດໄພນ້ຳຖ້ວມຢ່າງຮ້າຍ ແຮງ ຢູ່ ເມືອງສະໜາມໄຊ ແຂວງ ອັດຕະປື, ເນື່ອງຈາກ ຝົນຕົກໜັກຕິດຕໍ່ກັນຫລາຍ ວັນເຮັດໃຫ້ເຂ່ືອນກັນນ້ຳ ຂອງ ເຂື່ອນໄຟຟ້າເຊປຽນ- ເຊນ້ຳນ້ອຍທະລຸລົງມາ ຖ້ວມເອົາບ້ານເຮືອນພື້ນ ຖານໂຄງລ່າງ, ໄຮ່ນາຮົ້ວ ສວນ, ສັດສາວາສິ່ງ, ໂຮງຮຽນ, ໂຮງໝໍ, ຕະຫລອດ ຮອດຊີວິດ ແລະ ຊັບສິນ ຂອງປະຊາຊົນຈຳນວນ 13 ບ້ານໃນເມືອງດັ່ງກ່າວໄດ້ ຮັບຄວາມເສຍຫາຍຢ່າງຫລວງຫລາຍ.
ຕໍ່ສະພາບດັ່ງກ່າວ ແຂວງ ວຽງຈັນ, ກໍໄດ້ຮີບ ຮ້ອນປຸກລະດົມການຊ່ວຍ ເຫລືອຂອງສັງຄົມນັບທັງ ທຶນຮອນ ແລະ ວັດຖຸປັດໄຈ ຕ່າງໆ ເຊິ່ງລວມມີມູນຄ່າ ຫລາຍກວ່າ 450 ລ້ານກິບ.
ໂດຍທ່ານ ວິດົງ ໄຊຍະ ສອນ ເຈົ້າແຂວງວຽງຈັນ ພ້ອມຄະນະໄດ້ນຳເອົາການ ຊ່ວຍເຫລືອດັ່ງກ່າວລົງມອບ ໃຫ້ປະຊາຊົນຜູ້ປະສົບໄພ ໂດຍກົງຢູ່ສູນຮັບບໍລິຈາກ ຂອງຫ້ອງວ່າ ການປົກຄອງ ແຂວງອັດຕະປື.
ອັນໄດ້ສະແດງເຖິງນ້ຳ ໃຈເອື້ອເຟື້ອເພື່ອແຜ່ຂອງພີ່ ນ້ອງຊາວແຂວງວຽງຈັນ ທີ່ມີຕໍ່ຊາວລາວຄົນລາວ ດ້ວຍກັນ./.
+ ມອບເຄື່ອງຊ່ວຍເຫລືອບ້ານຈຸດສຸມນ້ຳສຽມ
+ ຫລາຍພາກສ່ວນມອບເຄື່ອງຊ່ວຍເຫລືອໂຮງຮຽນມັດທະຍົມຕອນຕົ້ນບ້ານວັງມ້າ, ເມືອງສັງທອງ
