ຢ່າສວຍໂອກາດໃນຍາມປະສົບໄພພິບັດ

- 38017741 2241577879404298 8274193850805780480 n - ຢ່າສວຍໂອກາດໃນຍາມປະສົບໄພພິບັດ
- Untitled design - ຢ່າສວຍໂອກາດໃນຍາມປະສົບໄພພິບັດ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ເວົ້າມານີ້ກໍເພື່ອ ແນໃສ່ “ຂ້າມເໜືອເພື່ອ ຕົກໃຕ້”.
ບົດຮຽນຢູ່ຫລາຍປະເທດ ຫລື ກໍອາດແມ່ນທັງເຮົາ, ໃນ ໄລຍະທີ່ທຸກພາກສ່ວນນັບທັງ ເບື້ອງລັດ ແລະ ສັງຄົມ ພວມ ສຸມໃສ່ແກ້ໄຂສະພາບວິກິດ ຈາກໄພພິບັດຕ່າງໆ ຈາກສົງ ຄາມ, ໄພທຳມະຊາດ ແລະ ໂລກລະບາດອື່ນໆ ກໍມັກມີ ພວກບໍ່ດີຈຳນວນໜຶ່ງກັບມາ ອາໄສສ່ອງຫວ່າງ ດັ່ງກ່າວ ເພື່ອໂກງກິນ ແລະ ຫາປະ ໂຫຍດເພື່ອຕົນເອງ, ບາງຄັ້ງ ກໍອາດມີທັງເຈົ້າໜ້າທີ່ຜູ້ຄອຍ ໃຫ້ການຊ່ວຍເຫລືອແກ້ໄຂໄພ ພິບັດນັ້ນຮ່ວມຢູ່ນຳດ້ວຍ.

ໂດຍສະເພາະແມ່ນການ ກອບໂກຍເອົາວັດຖຸເງິນຄຳ ແລະ ສິ່ງຂອງມີຄ່າໃນການ ໄດ້ມາຈາກການຊ່ວຍເຫລືອ ຂອງສັງຄົມ, ຈົນມີຫລາຍ ຫາງສຽງອອກມາວ່າ ເຄື່ອງ ຊ່ວຍເຫລືອບາງຢ່າງບໍ່ໄປ ຮອດມືຜູ້ປະສົບໄພ ຫລື ການ ນຳໃຊ້ວັດຖຸສິ່ງຂອງເຫລົ່ານັ້ນ ບໍ່ທັນມີປະສິດທິພາບພໍ, ເຊິ່ງ ສິ່ງດັ່ງກ່າວມັນເກີດມາຈາກ ແນວຄິດຂາດຄວາມຮັບຜິດ ຊອບຂອງຜູ້ແບ່ງປັນ, ຍາມໃດ ກໍຄິດວ່ານີ້ແມ່ນເຄື່ອງໄດ້ລ້າ ເຄື່ອງບໍ່ໄດ້ຊື້ໄດ້ຂາຍກໍເລີຍມີ ແນວຄິດມືຍາວຊາວໄດ້ຊາວ ເອົາ ແລະ ບາງຄັ້ງກໍເກີດມີ ສະພາບສວຍໂອກາດຂີ້ລັກ ງັດແງະເອົາກໍມີດັ່ງນັ້ນ ຜູ້ຮັບ ຜິດຊອບວຽກນີ້ຈະຕ້ອງໄດ້ ເພີ່ມທະວີຄວາມຮັບຜິດຊອບ ເປັນເຈົ້າການປົກປັກຮັກສາ ແລະ ແບ່ງປັນໃຫ້ເຖິງມືຜູ້ ປະສົບໄພໄດ້ຢ່າງທົ່ວເຖິງ, ຖ້າເຮົາເຮັດໄດ້ແນວນີ້ ຈິ່ງຈະ ຊ່ວຍໃຫ້ສັງຄົມມີສັດທາບິ ແບ່ງວັດຖຸປັດໄຈຊ່ວຍເຫລືອ ເຊິ່ງກັນ ແລະ ກັນໄດ້ຫລາຍ ຂຶ້ນກວ່າເກົ່າ ແລະ ສິ່ງດັ່ງກ່າວ ກໍໄດ້ພິສູດໃຫ້ເຮົາເຫັນໃນບັ້ນ ຕະລຸມບອນຂອງສັງຄົມເພື່ອ ອູ້ມຊູຊ່ວຍເຫລືອຜູ້ປະສົບ ໄພນ້ຳຖ້ວມ ຢູ່ເມືອງສະໜາມ ໄຊ ແຂວງ ອັດຕະປື, ດັ່ງເປັນຢູ່ ໃນປັດຈຸບັນ, ຖ້າໄລເປັນເງິນ ກໍມີຫລາຍສິບຕື້ແຕ່ຖ້າໄລ່ ໃສ່ນ້ຳໃຈແລ້ວມັນຍິ່ງມະຫາ ສານກວ່ານັ້ນ ແລະ ການເສຍ ສະຫລະດັ່ງກ່າວກໍບໍ່ໝົດຢູ່ ພຽງຈຸດນີ້, ມັນຍັງສືບຕໍ່ເບັ່ງ ບານ ແລະ ກະຈາຍໄປທົ່ວສັງ ຄົມລາວຄົນມີນ້ຳໃຈເອື້ອເຟື້ອ ເພື່ອແຜ່ຊ່ວຍເຫລືອ ເຊິ່ງກັນ ແລະ ກັນຕະຫລອດມາ.

ດັ່ງນັ້ນບົດຂຽນນີ້ ທ່ຽງ ທຳກໍພຽງມີຂໍ້ຄິດເຕື່ອນໃຫ້ ພວກເຮົາທຸກຄົນໃນສັງຄົມ ຈົ່ງຊ່ວຍກັນຖະນຸຖະໜອມ ນ້ຳໃຈໂອບເອື້ອອາລີ ຂອງ ຄົນລາວຊາດລາວ ໃຫ້ຍືນ ຍົງຄົງຕົວຕະຫລອດກາ ລະນານເທີດ./.

- Wave100S AD to Website 2020 0 - ຢ່າສວຍໂອກາດໃນຍາມປະສົບໄພພິບັດ

- 38027320 2241577792737640 319191176185905152 n - ຢ່າສວຍໂອກາດໃນຍາມປະສົບໄພພິບັດ

ຖ້າພົບເຫັນການສວຍໂອກາດຂຶ້ນລາຄານໍ້າມັນເຊື້ອໄຟບໍ່ເປັນທໍາແຈ້ງສາຍດ່ວນ 1510

ຫລາຍພາກສ່ວນນຳເອົາວັດຖຸສິ່ງຂອງມາມອບໃຫ້ອົງການກາແດງລາວຊ່ວຍເຫລືອຜູ້ປະສົບໄພນ້ຳຖ້ວມຢູ່ ແຂວງອັດຕະປື

- 38017741 2241577879404298 8274193850805780480 n - ຢ່າສວຍໂອກາດໃນຍາມປະສົບໄພພິບັດ
(ພາບປະກອບ)
- WhatsApp Image 2020 05 27 at 5 - ຢ່າສວຍໂອກາດໃນຍາມປະສົບໄພພິບັດ
- WhatsApp Image 2020 05 27 at 5 - ຢ່າສວຍໂອກາດໃນຍາມປະສົບໄພພິບັດ
error: Alert: ເນື້ອຫາຂ່າວມີລິຂະສິດ !!