ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ

- thaptham - ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ
- Untitled design - ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ

ສະພາການຄ້າ ແລະ ອຸດສະຫະກຳແຫ່ງຊາດລາວ ຮ່ວມກັບກະຊວງການເງິນ (ຄະນະຄົ້ນຄວ້າ 3 ຮ່າງກົດໝາຍອາກອນ) ພາຍໃຕ້ການສະໜັບສະໜູນ ໂດຍໂຄງການພັດທະນາການຄ້າໄລຍະ 2 ຫຼື TDF2 ໄດ້ຮ່ວມກັນຈັດກອງປະຊຸມປຶກສາຫາລື ເພື່ອທາບທາມຄຳຄິດຄຳເຫັນຂອງພາກທຸລະກິດຕໍ່ 3 ຮ່າງກົດໝາຍອາກອນ ເຊິ່ງປະກອບມີ: ຮ່າງກົດໝາຍວ່າດ້ວຍການຄຸ້ມຄອງສ່ວຍສາອາກອນ, ກົດໝາຍອາກອນຊົມໃຊ້ ແລະ ກົດໝາຍອາກອນລາຍໄດ້ ​ເຊິ່ງກອງປະຊຸມດັ່ງກ່າວໄດ້ຈັດຂຶ້ນໃນວັນທີ 1 ສິງຫານີ້ ທີ່ ໂຮງແຮມເມີກຽວ ນະຄອນຫຼວງວຽງຈັນ ​ໂດຍ​ການເປັນປະທານຂອງທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ແລະ ທ່ານ ວັນທອງ ສິດທິກຸນ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ.

ກອງປະຊຸມໃນຄັ້ງນີ້ ກໍເພື່ອເປັນການເປີດໂອກາດໃຫ້ພາກທຸລະກິດໄດ້ປະກອບຄຳຄິດເຫັນຕໍ່ 3 ຮ່າງກົດໝາຍຢ່າງກົງໄປກົງມາ, ພ້ອມເປັນການຊ່ວຍໃຫ້ພາກລັດ ແລະ ພາກທຸລະກິດ ໄດ້ນຳສະເໜີບັນຫາ ແລະ ຂໍ້ຄົງຄ້າງໃນການຈັດຕັ້ງປະຕິບັດບັນດານິຕິກຳ ທີ່ຕິດພັນກັບອາກອນໃນຜ່ານມາ ເພື່ອເຮັດແນວໃດໃຫ້ຮ່າງ 3 ກົດໝາຍອາກອນທີ່ຈະນຳສະເໜີຕໍ່ຄະນະລັດຖະບານ ເພື່ອພິຈາລະນາ ແລະ ນຳສະເໜີສະພາແຫ່ງຊາດຮັບຮອງນັ້ນມີຄວາມສອດຄ່ອງ, ແທດເໝາະ ແລະ ​ເປັນ​ບ່ອນ​ອີງ​ໃຫ້​​ແກ່​ການດຳເນີນທຸລະກິດ ​ແລະ ຮັບປະກັນການຈັດ​ເກັບ​ລາຍ​ຮັບ​ງົບປະມານມີປະສິດທິພາບ.

ຮອງປະທານ ສຄອ ແຫ່ງຊາດລາວ ລາຍງານຕໍ່ທີ່ປະຊຸມກ່ຽວກັບຄວາມຄືບໜ້າຂອງຂະບວນການປຶກສາຫາລື ລະຫວ່າງພາກລັດ ແລະ ພາກທຸລະກິດ ພາຍໃຕ້ກອບຂອງເວທີທຸລະກິດລາວ ທີ່ ສຄອ ແຫ່ງຊາດລາວ ພ້ອມດ້ວຍກະຊວງອຸດສາຫະກຳ ແລະ ການຄ້າ ໄດ້ຖືກມອບໝາຍໃຫ້ເປັນຜູ້ປະສານງານ ແລະ ໂດຍໄດ້ຮັບການສະໜັບສະໝູນຈາກໂຄງການ TDF2 ​ແລະ ຜ່ານ​ມາ​ກໍ​ໄດ້​ຈັດກອງປະຊຸມປຶກສາຫາລືມາ​ແລ້ວ​ໃນ 4 ລະດັບຄື: ລະດັບຫນ່ວຍງານປຶກສາຫາລືພາກເອກະຊົນ, ລະດັບວິຊາການກະຊວງກ່ຽວຂ້ອງ, ລະດັບຄະນະຊີ້ນໍາ ແລະ ລະດັບຊາດ. ສະນັ້ນ ກອງປະຊຸມປຶກສາຫາລືໃນມື້ນີ້ຖືໄດ້ວ່າເປັນໜຶ່ງໃນຂະບວນການ ພາຍໃຕ້ກອບຂອງກອງປະຊຸມທຸລະກິດລາວ ເພື່ອຮວບຮວມເອົາຄໍາຄິດເຫັນຂອງພາກທຸລະກິດເຂົ້າໃນການປັບປຸງຮ່າງກົດໝາຍທີ່ຕິດພັນກັບວຽກງານອາກອນ​ໃຫ້​ມີ​ເນື້ອ​ໃນ​ສົມບູນ​ຍິ່ງ​ຂຶ້ນ.

- Wave100S AD to Website 2020 0 - ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ
- WhatsApp Image 2020 05 27 at 5 - ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ
- WhatsApp Image 2020 05 27 at 5 - ທາ​ບທາມ​ຄຳ​ຄິດ​ຄຳ​ເຫັນ​ຂອງພາກທຸລະກິດຕໍ່ຮ່າງ 3 ກົດ  ໝາຍອາກອນ
error: Alert: ເນື້ອຫາຂ່າວມີລິຂະສິດ !!