ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

- RED CROSS 1 - ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ
- Untitled design - ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

ພາຍຫລັງທີ່ໄດ້ຮັບຂ່າວເກີດໄພພິບັດນໍ້າຖ້ວມຢ່າງ​ຮ້າຍ​ແຮງ​ຢູ່ແຂວງອັດຕະປື,  ໃນວັນທີ 31 ກໍລະກົດຜ່ານ​ມາ​ນີ້, ທ່ານ ນາງ ຫງຽນ ຖີຊວນທູ ປະທານສະພາກາແດງ ສສ ຫວຽດນາມ ພ້ອມຄະນະ ໄດ້ເດີນທາງມາຢ້ຽມຢາມ ​ແລະ ​ໃຫ້​ກຳລັງ​ໃຈ​ແກ່ປະຊາຊົນຜູ້​ປະສົບ​ໄພ​ດັ່ງກ່າວ ​ເພື່ອ​ໃຫ້ການ​ຊ່ວຍ​ເຫລືອ​ໄດ້​ທັນ​ການ.

​ໃນ​ໂອກາດ​ນີ້ ກໍ​ໄດ້​ຮັບ​ລາຍ​ງານ​ຈາກ​ຜູ້​ຮັບຜິດຊອບສູນອົບ​ພະຍົບທີ່ເມືອງສະໜາມໄຊ ​ໃຫ້​ຮູ້​ວ່າ: ຍ້ອນຝົນຕົກໜັກຕິດຕໍ່ກັນຫລາຍວັນ  ເຮັດໃຫ້ສັນເຂື່ອນເຊປຽນ-ເຊນ້ຳນ້ອຍທະລຸລົງຖ້ວມບ້ານເຮືອນ, ຖະໜົນຫົນທາງ, ພື້ນຖານໂຄງລ່າງ, ໂຮງຮຽນ-ໂຮງໝໍ, ພື້ນທີ່ທຳການຜະລິດຂອງປະຊາຊົນໃນ 13 ບ້ານ​ເມືອງ​ດັ່ງກ່າວຄື: ບ້ານໃໝ່, ບ້ານຫີນລາດ, ບ້ານສະໜອງ​ໃຕ້, ບ້ານທ່າແສງຈັນ, ບ້ານຕໍມໍຢອດ, ບ້ານທ່າຫີນໃຕ້, ບ້ານທ່າບົກ, ບ້ານມ່ວງ ແລະ ບ້ານອື່ນໆ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກໜ່ວງ ມີ 587 ຄອບຄົວຂາດທີ່ພັກພາອາ​ໄສ ​ແລະ ຫລາຍ​ກວ່າ 130 ຄົນສູນຫາຍ.

ໃນໂອກາດນີ້, ທ່ານ​ປະທານ​ກາ​ແດງ​ຫວຽດນາມ ໄດ້ນໍາເອົາສິ່ງຂອງ ​ແລະ ວັດຖຸ​ປັດ​ໄຈ​ຕ່າງໆ​ເປັນ​ຈຳນວນ​ຫລາຍມອບໃຫ້ປະຊາຊົນຜູ້​ປະສົບ​ໄພ​ດັ່ງກ່າວ ​ເຊິ່ງປະກອບມີເຄື່ອງໃຊ້ໃນຄົວເຮືອນ, ເຄື່ອງກອງນ້ຳຂະໜາດໃຫຍ່ ແລະ ນ້ອຍ, ມຸ້ງ ແລະ ອື່ນໆ ຄິດເປັນມູນຄ່າຫລາຍ​ກວ່າ 236 ລ້ານດົງຫວຽດນາມ ແລະ ທ່ານ​ຍັງ​ກ່າວ​ວ່າ: ສະພາກາແດງຫວຽດນາມ ຍັງຈະສືບຕໍ່ໃຫ້ການຊ່ວຍເຫລືອຜູ້​ປະສົບ​ໄພຕື່ມອີກ ​ເພື່ອ​ເຂົາ​ເຈົ້າມີ​ເງື່ອນ​ໄຂ​ຟື້ນຟູ​ຊີວິດ​ການ​ເປັນ​ຢູ່​ຂອງ​ຕົນ ​ແລະ ຄອບຄົວ​ໄດ້​ໂດຍ​ໄວ.

- Wave100S AD to Website 2020 0 - ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ປະທານກາແດງຫວຽດນາມ ຢ້ຽມຢາມ ​ແລະ ​ໃຫ້ການ​ຊ່ວຍ​ເຫລືອປະຊາຊົນຜູ້ປະສົບໄພນ້ຳຖ້ວມຢູ່ເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!