ການກຽມໂຕດ້ານອາຫານກ່ອນແລ່ນມາຣາທອນ

- 010308 2018 - ການກຽມໂຕດ້ານອາຫານກ່ອນແລ່ນມາຣາທອນ
- Untitled design - ການກຽມໂຕດ້ານອາຫານກ່ອນແລ່ນມາຣາທອນ

ເຄັດລັບຂອງນັກແລ່ນມາຣາທອນບໍ່ແມ່ນແຕ່ວາງແຜນການຝຶກແອບເທົ່ານັ້ນ, ແຕ່ຍິງຕ້ອງວາງແຜນການກິນໃຫ້ດີນຳ ເພື່ອຮັກສາຄວາມດຸ່ນດ່ຽວການໃຊ້ພະລັງງານໃນຮ່າງກາຍ ບໍ່ວ່າຈະກ່ອນແລ່ນ, ລະຫ່ວາງແລ່ນ ຫລື ຫລັງແລ່ນ ມາເບິ່ງກັນວ່າພວກເຂົາກິນແນວໃດຈຶ່ງໄດ້ແລ່ນທົນແລ່ນດົນໄດ້ປານນັ້ນ.

     – ຈັດໜັກຄາໂບໄຮເດຣດ : ຮ່າງກາຍຄົນເຮົາຕ້ອງການພະລັງງານໃນການເຮັດກິດຈະກຳຕ່າງໆແມ່ນບໍ່, ແຕ່ພະລັງງານທີ່ໄດ້ຈາກການກິນໂດຍປົກກະຕິທົ່ວໄປກໍຍັງບໍ່ພຽງພໍກັບພະລັງງານທີ່ຕ້ອງໃຊ້ໃນການແລ່ນມາຣາທອນ. ສະນັ້ນ ນັກແລ່ນຈຶ່ງຕ້ອງວາງແຜນການກິນເພື່ອສະສົມພະລັງງານໄວ້ໃຊ້ໃນມື້ແລ່ນ ໂດຍກ່ອນແລ່ນ 2 – 3 ມື້ ຕ້ອງກິນອາຫານຈຳພວກຄາໂບໄຮເດຣດໃຫ້ຫລາຍກ່ວາປົກກະຕິ ບໍ່ວ່າຈະແມ່ນເຂົ້າ, ພາສຕ້າ ຫລື ເບເກີຣີຕ່າງໆໃນປະລິມານ 8 – 9 ກຣາມຕໍ່ນຳ້ໜັກໂຕ 1 ກິໂລກຣາມ ຫລື ກະເອົາຄ່າວໆ 85 % – 95% ຂອງກາລໍຣີທີ່ກິນເຂົ້າໄປຄວນມາຈາກຄາໂບໄຮເດຣດ ເພາະຄາໂບໄຮເດຣດຈະປ່ຽນໄປຢູ່ໃນຮູບແບບໄກລໂຄເຈນ ສະສົມຕາມກ້າມຊີ້ນ ແລະ ຕັບ ເຊິ່ງເປັນແຫລ່ງພະລັງງານໃຫ້ຮ່າງກາຍດຶງມາໃຊ້ໃນການແລ່ນ.

     – ຜັກ – ໝາກໄມ້ຍ່ອຍງ່າຍ : ນອກຈາກນີ້ຍັງມີວິຕາມິນເຊຊ່ວຍຫລຸດອາການອິດເມື່ອຍຂອງກ້າມຊີ້ນໄດ້, ແຕ່ກໍຕ້ອງລະວັງ ເພາະບາງຊະນິດທີ່ມີເສັ້ນໄຍສູງອາດຈະເຮັດໃຫ້ເກີດອາການເຈັບທ້ອງຂະນະແລ່ນໄດ້ ສະນັ້ນ ກ່ອນຈະແລ່ນຄວນເລືອກກິນຜັກ – ໝາກໄມ້ທີ່ມີຄາໂບໄຮເດຣດສູງ ແລະ ເສັ້ນໄຍໜ້ອຍ ເຊັ່ນ : ໝາກກ້ວຍ, ໝາກແອັບເປິ້ນ, ໝາກພີດ ແລະ ໝາກແພທີ່ປອກເປືອກແລ້ວ, ມັນຝຣັ່ງ ແລະ ມັນດ້າງທີ່ປອກເປືອກແລ້ວ, ພາສຕ້າຊ໊ອດໝາກເລັ່ນ, ເຂົ້າໜົມທາແຍມໝາກໄມ້ ແທນການທາເນີຍ ເປັນຕົ້ນ.

     – ໂປຣຕິນກໍຈຳເປັນ : ທັງກ່ອນ ແລະ ຫລັງແລ່ນ ເພາະຊ່ວຍເສີມສ້າງກ້າມຊີ້ນ ແລະ ຟື້ນຟູກ້າມຊີ້ນ ໂດຍສະເພາະບັນດາຊີ້ນບໍ່ຕິດໄຂມັນ ເຊັ່ນ : ຊີ້ນໄກ່ ແລະ ແຊວມັອນ ທີ່ຖືເປັນແຫລ່ງໂປຣຕິນຍອດນິຍົມຂອງບັນດານັກແລ່ນ. ສ່ວນໂປຣຕິນທີ່ນອກເໜືອຈາກຊີ້ນສັດກໍຄືກັນ ເຊັ່ນ : ອາວມັອນ, ຊັອກໂກແລັດດຳ, ໂຢເກິດໄຂມັນຕໍ່າ, ຖົ່ວຊະນິດຕ່າງໆ ເປັນຕົ້ນ ທັງໝົດນີ້ຍ່ອຍງ່າຍ  ແລະ ມີສານອາຫານທີ່ຈຳເປັນຕໍ່ຮ່າງກາຍ ນອກເໜືອຈາກໂປຣຕິນໃນປະລິມານສູງນຳ, ແຕ່ແນວໃດກໍຕາມເມື່ອໃກ້ຈະເຖິງມື້ແລ່ນມາຣາທອນ ຕ້ອງວາງແຜນຫລຸດປະລິມານໂປຣຕິນໃຫ້ໜ້ອຍກ່ວາຄາໂບໄຮເດຣດ ເພື່ອໃຫ້ຮ່າງກາຍປ່ຽນ ມາສະສົມພະລັງງານແທນ.

- Wave100S AD to Website 2020 0 - ການກຽມໂຕດ້ານອາຫານກ່ອນແລ່ນມາຣາທອນ

     – ນຳ້ : ແມ່ນສິ່ງທີ່ຮ່າງກາຍຂອງນັກແລ່ນຂາດບໍ່ໄດ້ ເພາະຖ້າຂາດນຳ້ກໍປຽບດັ່ງຮ່າງກາຍຂາດສະຕິ ການດື່ມນຳ້ໃຫ້ພຽງພໍໃນຂະນະແລ່ນຈະຊ່ວຍໃຫ້ຫົວໃຈເຕັ້ນຊ້າລົງ ສາມາດຟອກເລືອດໃຫ້ໄຫລວຽນໄດ້ດີຂຶ້ນ, ຫລຸດອຸນຫະພູມໃນຮ່າງກາຍ ເຊິ່ງສົ່ງຜົນໃຫ້ແລ່ນໄດ້ດີຂຶ້ນ. ຄຳແນະນຳແມ່ນກ່ອນແລ່ນຈະຕ້ອງບໍ່ດື່ມນຳ້ເກີນຈຳເປັນ ໃຫ້ດື່ມຕາມປົກກະຕິ, ລະ ຫວ່າງແລ່ນຜ່ານຈຸດໃຫ້ນຳ້ຄວນຮັບມາດື່ມທຸກຈຸດ (ເກືອແຮ່, ໝາກໄມ້ກໍຮັບມານຳ) ດື່ມເທົ່າໃດຂຶ້ນກັບຜູ້ໃດເສຍເຫື່ອຫລາຍໜ້ອຍຢ່່າເທນຳ້ຫົດລົງຫົວ ແລະ ເມື່ອເຂົ້າເສັ້ນໄຊກໍຄ່ອຍໆດື່ມນຳ້ຄືກັນ ທາງທີ່ດີລອງສັງເກດໂຕເອງ ຖ້າລະຫ່ວາງແລ່ນຮູ້ສຶກເມື່ອຍຜິດປົກກະຕິ, ວິນຫົວ, ປາກແຫ້ງ ສະແດງວ່າຮ່າງກາຍກຳລັງຂາດນຳ້ແລ້ວ ຫລື ພາສານັກແລ່ນເອີ້ນວ່າ ຕຳກຳແພງກໍຕ້ອງແວ່ພັກ.

     – ກິນໃຫ້ດຸ່ນດ່ຽງ : ເວົ້າກັນວ່າຄວາມສຸກຂອງນັກແລ່ນແມ່ນມື້ພັກ ຫລື ປະມານ 1 ມື້ກ່ອນແຂ່ງ ເພາະຈະເປັນມື້ທີ່ໄດ້ກິນອາຫານຕື່ມພະລັງງານ ໂດຍສະເພາະຄາໂບໄຮເດຣດ ແລະ ໂປຣຕິນທີ່ຍ່ອຍງ່າຍ ຖືເປັນມື້ແຫ່ງການເອົາໃຈໂຕເອງກ່ອນພົບກັບເສິກສຳຄັນ ແຕ່ນັກແລ່ນທີ່ຮູ້ວຽກ ຈະບໍ່ກິນອາຫານຢ່າງຂາດສະຕິ ແລະ ບໍ່ຕ້ອງກັງວົນ ຫາກຕ້ອງມີນັດກິນບຸບເຟ້ກັບໝູ່ກ່ອນແຂ່ງ ກິນໄດ້ ບໍ່ຖືເປັນເລື່ອງຜິດ ພຽງແຕ່ເຮົາຕ້ອງຮູ້ວິທີກິນທີ່ຖືກຕ້ອງ ແລະ ພຽງພໍຕໍ່ການເອົາໄປໃຊ້ໃນການແລ່ນທີ່ກຳລັງຈະມາເຖິງ ເຊັ່ນ : ຖ້າໄປກິນບຸບເຟ້ຊີ້ນດາດ ສັ່ງເຂົ້າໄດ້, ສັ່ງເສັ້ນໄດ້, ລູກຊີ້ນໄດ້ ຕື່ມຄາໂບໄຮເດຣດເປັນພະລັງງານໄວ້, ຜັກກະລໍ່າກໍມີຄາໂບໄຮເດຣດ 4,8 ກຣາມ ຕໍ່ 100 ກຣາມ ທັງຍັງຍ່ອຍງ່າຍ. ສ່ວນບັນດາຊີ້ນຕ່າງໆຄວນກິນແບບໄຂມັນໜ້ອຍໆ ຫລື ບໍ່ມີໄຂມັນຈະດີຫລາຍ ເພາະຊີ້ນສັນໃນໝູ, ໄກ່, ງົວ ລວມທັງປາແຊວມັອນ ກໍເປັນທາງເລືອກທີ່ດີ ທີ່ສຳຄັນທີ່ສຸດແມ່ນຢ່າກິນອີ່ມຈົນເກີນໄປ ເພາະຈະນອນບໍ່ຫລັບ, ທ້ອງປັ່ນປ່ວນໃນມື້ແລ່ນແທ້.

- WhatsApp Image 2020 05 27 at 5 - ການກຽມໂຕດ້ານອາຫານກ່ອນແລ່ນມາຣາທອນ
error: Alert: ເນື້ອຫາຂ່າວມີລິຂະສິດ !!