ປະໂຫຍດຂອງສາເກ ມີຫລາຍກ່ວາທີ່ທ່ານຄິດ

- 030308 2018 - ປະໂຫຍດຂອງສາເກ ມີຫລາຍກ່ວາທີ່ທ່ານຄິດ
- Untitled design - ປະໂຫຍດຂອງສາເກ ມີຫລາຍກ່ວາທີ່ທ່ານຄິດ

     ສາເກ ເປັນທີ່ຮູ້ຈັກຂອງຊາວຕ່າງຊາດເປັນຢ່າງດີ ການດື່ມສາເກໃນປະລິມານທີ່ເໝາະສົມນອກຈາກຈະຊ່ວຍຜ່ອນຄາຍຄວາມເຄັ່ງຄຽດຈາກການເຮັດວຽກໄດ້ແລ້ວ ຍັງມີປະໂຫຍດຕໍ່ຮ່າງກາຍນຳອີກ ມາຮູ້ຈັກສາເກ ແລະ ປະໂຫຍດຂອງສາເກຕໍ່ສຸຂະພາບກັນເລີຍ.

     ສາເກ ເປັນເຄື່ອງດື່ມປະຈຳຊາດຂອງຍີ່ປຸ່ນ ເຊິ່ງມີລົດຊາດຫວານ ແລະ ອຸດົມໄປດ້ວຍກົດອະມິໂນ ໂດຍການຜະລິດສາເກນັ້ນ ເລີ່ມຈາກການໝັກເຂົ້າຍີ່ປຸ່ນໜຶ້ງສຸກດ້ວຍໂຄຈິຈາກຫົວເຊື້ອ  ແອສເປີຈິນລັສ ອໍໄຣເຊ່  (Aspergillus oryzae) ເພື່ອຜະລິດເອັນໄຊສຳຄັນ ໄດ້ແກ່ : ອະໄມເລສ ແລະ ໂປຣຕິເອສ ທີ່ສາມາດຍ່ອຍສະຫລາຍໂມເລກຸນແປ້ງ ແລະ ໂປຣຕິນໃນເຂົ້າໃຫ້ເປັນນຳ້ຕານກລູໂກສ ແລະ ກົດອະມິໂນ ແລະ ເປັບໄທສາຍສັ້ນໆຕາມລຳດັບກ່ອນ ແລ້ວຈຶ່ງຕື່ມຫົວເຊື້ອ ຫລື ໂມໂຕະລົງໄປໃສ່ສ່ວນປະສົມເຂົ້າ ແລະ ໂຄຈິ ເພື່ອໝັກນຳ້ຕານກລູໂກສໃຫ້ເປັນການກໍຮໍ ສາເກທີ່ໄດ້ຈາກການໝັກຈະມີປະລິມານອານກໍຮໍປະມານ 17 – 20% ໂດຍບໍລິມາດຕໍ່ບໍລິມາດ.

ສ່ວນປະໂຫຍດຂອງສາເກຕໍ່ສຸຂະພາບນັ້ນແມ່ນຫລຸດຄວາມສ່ຽງຂອງການເກີດພະຍາດມະເຮັງໄດ້. ການສຶກສາໂດຍສະຖາບັນວິໄຈມະເຮັງແຫ່ງຊາດຍີ່ປຸ່ນຈາກໂຕຢ່າງນັກດື່ມສາເກໃນປະລິມານທີ່ພໍດີທຸກມື້ ຈຳນວນ 265.000 ຄົນ ພົບວ່າ : ຄົນເຫລົ່ານີ້ມີຄວາມສ່ຽງຂອງການເປັນພະຍາດມະເຮັງໄດ້ໜ້ອຍກ່ວາຄົນທີ່ບໍ່ດື່ມສາເກ ໂດຍພົບວ່າກົດອະມິໂນໃນສາເກມີລິດໃນການທຳລາຍແຊນມະເຮັງ ແລະ ຂັດຂວາງການເຕີບໃຫຍ່ຂອງແຊນມະເຮັງພົກຍ່ຽວ, ຕ່ອມລູກໝາກ ແລະ ປາກມົດລູກ ເປັນ ຕົ້ນ ແລະ ໃນສາເກຍັງມີສານກລູໂຄຊາມີນ (Glucosamine) ທີ່ຊ່ວຍກະຕຸ້ນການເຮັດວຽກຂອງແຊນທີ່ມີໜ້າທີ່ໃນການທຳລາຍແຊນມະເຮັງ (Anti-tumor Natural Killer cells) ນຳ.

- Wave100S AD to Website 2020 0 - ປະໂຫຍດຂອງສາເກ ມີຫລາຍກ່ວາທີ່ທ່ານຄິດ

ກົດອະມິໂນໃນສາເກ ໄດ້ແກ່ : ວາລີນ, ລິວຊີນ ແລະ ໄອໂຊລິວຊີນ ຈະຊ່ວຍໃນການຊ່ວຍຟື້ນຟູ ແລະ ສ້າງກ້າມຊີ້ນໂຄງຮ່າງ ເຊິ່ງປ້ອງກັນພະຍາດກະດູກຜ່ອຍໄດ້ ທັງໃນໂຄຈິຍັງໄປຂັດຂວາງການເຮັດວຽກຂອງເອັນໄຊ ເຊິ່ງໄປຍ່ອຍສະຫລາຍຄໍລາເຈັນ ແລະ ອີລາສຕິນ ສົ່ງຜົນໃນການປ້ອງກັນພະຍາດກະດູກຜ່ອຍໄດ້ດີ. ການດື່ມສາເກໃນປະລິມານທີ່ເໝາະສົມຈະຊ່ວຍປ້ອງກັນພະຍາດຫົວໃຈ, ຫລອດເລືອດຕີບຕັນໃນສະໝອງ, ຫລຸດຄໍເລສເຕີໂຣນໃນເລືອດໄດ້ ແລະ ປ້ອງກັນພະຍາດເບົາຫວານ, ຄວາມດັນເລືອດສູງ, ຄວາມຈື່ຈຳເສື່ອມ, ແຕ່ຕ້ອງດື່ມທຸກມື້ໃນປະລິມານທີ່ເໝາະສົມເທົ່ານັ້ນ.

- WhatsApp Image 2020 05 27 at 5 - ປະໂຫຍດຂອງສາເກ ມີຫລາຍກ່ວາທີ່ທ່ານຄິດ
- WhatsApp Image 2020 05 27 at 5 - ປະໂຫຍດຂອງສາເກ ມີຫລາຍກ່ວາທີ່ທ່ານຄິດ
error: Alert: ເນື້ອຫາຂ່າວມີລິຂະສິດ !!