ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ

- 020308 2018 - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ
- kitchen vibe - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ

ຜູ້ຊ່ຽວຊານເຕືອນວ່າ ເຖິງຈະເປັນເຄື່ອງນຸ່ງໃໝ່ທີ່ຫາກໍຊື້ມາຈາກຮ້ານກໍຕ້ອງຊັກກ່ອນຈະເອົາມານຸ່ງ ເພາະເຄື່ອງໃໝ່ເປັນແຫລ່ງສະສົມເຊື້ອພະຍາດ.

ທ່ານເປັນຄົນໜຶ່ງຫລືບໍ່ທີ່ຊື້ເຄື່ອງນຸ່ງໃໝ່ມາແກະປ້າຍອອກ ແລ້ວນຸ່ງເລີຍ ເພາະຄິດວ່າເຄື່ອງນຸ່ງໃໝ່ແນວໃດກໍສະອາດຢູ່ແລ້ວ ບໍ່ຕ້ອງຊັກກໍໄດ້, ແຕ່ຂໍບອກວ່າ ທ່ານກຳລັງຄິດຜິດ ເພາະຜູ້ຊ່ຽວຊານພົບວ່າມີເຊື້ອພະຍາດຫລວງຫລາຍໃນເຄື່ອງນຸ່ງໃໝ່ ເຊິ່ງອາດເຮັດໃຫ້ເກີດການຕິດເຊື້ອໄດ້ ການຊັກເຄື່ອງໃໝ່ກ່ອນນຸ່ງຈຶ່ງເປັນສິ່ງທີ່ຈຳເປັນ.

- Visit Laos Visit SALANA BOUTIQUE HOTEL - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ

ສາດສະດາຈານ Donald Belsito ຜູ້ຊ່ຽວຊານພະຍາດຜິວໜັງປະຈຳສູນການແພດມະຫາວິທະຍາໄລໂກລອມບີ ເຕືອນວ່າ : ການນຸ່ງເຄື່ອງໃໝ່ທີ່ຫາກໍຊື້ມາຈາກຮ້ານໂດຍທີ່ຍັງບໍ່ທັນໄດ້ຊັກກ່ອນ ມີໂອກາດເຮັດໃຫ້ເກີດການລະຄາຍເຄືອງຜິວໜັງ, ເຊື້ອລາໃນຮົ່ມຜ້າ ແລະ ອື່ນໆ ເພາະກ່ອນທີ່ທ່ານຈະຊື້ເສື້ອ ຫລື ໂສ້ງໂຕນັ້ນ ມັນໄດ້ຜ່ານການລອງມາບໍ່ຮູ້ຈັກເທື່ອແລ້ວ ແລະ ບອກບໍ່ໄດ້ວ່າຄົນເຫລົ່ານັ້ນເປັນຳພາຫະນຳເຊື້ອພະຍາດຫຍັງໄປຕິດຢູ່ເຄື່ອງນຸ່ງແດ່ ບໍ່ຕ້ອງສົງໄສນຳວ່າຫລັງຈາກທີ່ມີການລອງ ພະນັກງານກໍຈະພັບເກັບມ້ຽນ ຫລື ຫ້ອຍໄວ້ບ່ອນເກົ່າ ໂດຍບໍ່ມີການຊັກເຮັດຄວາມສະອາດແນ່ນອນ.

ຄືກັນກັບ ສາດສະດາຈານ  Philip Tierno ຜູ້ຊ່ຽວຊານດ້ານຈຸລະຊີບວິທະຍາ ແລະ ແມ່ພະຍາດວິທະຍາ ມະຫາວິທະຍາໄລນິວຢອກ ເຊິ່ງກໍເຕືອນວ່າ ເຖິງວ່າຄວາມສ່ຽງທີ່ຈະເກີດການຕິດເຊື້ອພະຍາດຈາກເຄື່ອງນຸ່ງໃໝ່ຈະຢູ່ໃນລະດັບຕໍ່າ ແຕ່ບໍ່ແມ່ນວ່າເປັນໄປບໍ່ໄດ້ ເພາະຈາກການທົດລອງພົບວ່າເຄື່ອງນຸ່ງນັບແຕ່ເສື້ອຍືດໄປຈົນຮອດຊຸດລອຍນຳ້ ພົບເຊື້ອພະຍາດເຖິງ 14 ຊະນິດ ຄົນສ່ວນຫລາຍຄິດວ່າເຄື່ອງນຸ່ງໃໝ່ທີ່ຫາກໍປົດມາຈາກໄມ້ຫ້ອຍນັ້ນສະອາດ ບໍ່ໄດ້ຄຳນຶງເລີຍວ່າກ່ອນໜ້ານັ້ນມີຈັກຄົນເຄີຍຈັບ ຫລື ເຄີຍລອງ.

ນອກຈາກເຄື່ອງນຸ່ງໃໝ່ທີ່ຫາກໍຊື້ຈາກຮ້ານແລ້ວ ຜູ້ຊ່ຽວຊານຍັງແນະນຳວ່າແມ່ນແຕ່ເຄື່ອງນຸ່ງທີ່ສັ່ງຊື້ທາງອອນລາຍ ເຊິ່ງອາດບໍ່ມີໃຜລອງມາກ່ອນກໍຕ້ອງຊັກກ່ອນນຸ່ງຄືກັນ ເພາະກ່ວາຈະມາຮອດມືເຮົາກໍຜ່ານມາບໍ່ຮູ້ຈັກມືແລ້ວ.

- 3 - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ
- 4 - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ
- 5 - ເຄື່ອງນຸ່ງໃໝ່ຈາກຮ້ານບໍ່ໄດ້ສະອາດ