ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ

- 38311151 850640298479878 6129722954860199936 n - ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ
- Untitled design - ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ

​       ແຂວງ​ບໍ່​ແກ້ວ ກຽມ​ສົ່ງ 5 ປະ​ເພດ​ກິລາ​ເຂົ້າ​ຮ່ວມ​ການ​ແຂ່ງຂັນງາ​ນກິລາ​ແຫ່ງ​ຊາດ ທີ່​ແຂວງ​ຊຽງ​ຂວາງ ​ຈະ​ຈັດ​ຂຶ້ນ​ໃນ​ທ້າຍ​ປີ​ນີ້ ພ້ອມ​ທັງ​ຕັ້ງ​ເປົ້າຍາດ​ໃຫ້​ໄດ້ຫລຽນ​ຄໍາ​ໃນ 2 ປະ​ເພດ​ກິລາ.

ທ່ານ ສົງ​ຄາມ ອຸ​ນອານັນ ຫົວໜ້າ​ຂະ​ແໜງ​ກິລາ​ລະດັບ​ສູງ​ ພະ​ແນ​ກສຶກສາ​ທິການ ​ແລ​ະ ກິລາແຂວງ​ບໍ່​ແກ້ວ ​ໃຫ້​ສໍາພາດ​ວ່າ: ປັດຈຸບັນພວກ​ເຮົາ​ໄດ້​ມີ​ການ​ຝຶກ​ຊ້ອມ​ນັກ​ກິລາ​ຂອງ​ແຂວງ ​ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງຂັນ​ງານ​ກິລາ​ແຫ່ງ​ຊາດທີ່​ແຂວງ​ຊຽງຂວາງ​ ​ຈະ​ຈັດ​ຂຶ້ນ​ໃນ​​ເດືອ​ນພະຈິກນີ້ ​ເຊິ່ງທາງ​ຄະນະ​ຮັບຜິດຊອບ​ຂອງ​ແຂວງ​ບໍ່​ແກ້ວ​ຈະ​ສົ່ງ​ຄະນະ​ນໍາ​ ພ້ອມ​ດ້ວຍນັກ​ກິລາ​ເຂົ້າ​ຮ່ວມ​ທັງ​ໝົດ 90 ຄົນ, ​ໃນ​ນັ້ນ ມີນັກ​ກິລາ 75 ຄົນ ​ໂດຍ​ເຂົ້າ​ຮ່ວມ 5 ປະ​ເພດ​ກິ​ລາ​ຄື: ​ແລ່ນ-​ລານ, ​ເທ​ຄວັນ​ໂດ້, ​ເປ​ຕັງ, ໜາ​ກ​ແລ້ ​ແລະ ກ໊ອບ. ການ​ເຂົ້າ​ຮ່ວມ​ຄັ້ງ​ນີ້ ທາງ​ຄະນະ​ບໍລິຫານ​ຂອງ​ພວກ​ເຮົາ​ໄດ້​ຕັ້ງ​ເປົ້າ​ໄວ້ 2 ຫລຽນ​ຄໍາ ​ໃນ 2 ປະ​ເພດ​ກິລາຄື: ​ເທ​ຄວັນ​​ໂດ ​ແລະ ໝາກ​ແລ້.

ທ່ານ ສົງຄາມ ອຸ​ນອານັນ ຍັງ​ກ່າວ​ວ່າ: ການ​ແຂ່ງຂັນຄັ້ງ​ນີ້​ພວກ​ເຮົາ​ໄດ້​ຕັ້ງ​ເປົ້າ​ໝາຍ​​ໄວ້​ໃນ 2 ປະ​ເພດ​ກິລາ​ເທົ່າ​ນັ້ນ, ສ່ວນ​ກິລາ​ປະ​ເພດ​ອື່ນ​ກໍ​ມີ​ຄວາມ​ຫວັງ​ຄືກັນ ​ແຕ່​ຍ້ອນ​ວ່າການ​ຝຶກ​ຊ້ອມ​ພວກ​ເຮົາ​ຍັງ​ຂາດ​ດ້ານ​ງົບປະມານ​ ​ແລະ ​ເງື່ອນ​ໄຂ​ຫລາຍ​ຢ່າງ​ຍັງ​ບໍ່​ທັນ​ສະດວກ. ດັ່ງ​ນັ້ນ, ຈຶ່ງ​ຂໍ​ການ​ສະໜັບສະໜູນ​ທັງ​ພາກ​ລັດ ​ແລະ ​ເອ​ກະ​ຊົນ ​​ເພື່ອ​​ເຮັດ​ໃຫ້​ພວກ​ເຮົາ​ສາມາດ​ຍາດ​ໄດ້​ຫລຽນ​ຄໍາ​ຕາມ​ເປົ້າ​ໝາຍທີ່​ຄາດ​ໄວ້.

- Wave100S AD to Website 2020 0 - ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ

ການ​ແຂ່ງຂັນ​​ໃນ​ງານ​ມະຫາກໍາ​ກິລາຊຽງ​ຂວາງ​ເກ​ມ 2018 ​ມີ 28 ປະ​ເພດ​ການ​ແຂ່ງຂັນ​ຄື: ​ເຕະບານ, ​ແລ່ນ-​ລານ, ບານບ້ວງ, ​ເທັນ​ນິດ, ດອກ​ປີກ​ໄກ່, ກະຕໍ້, ປິ່ງປ໋ອງ, ​ເທ​ຄວັນ​​ໂດ້, ບານ​ສົ່ງ, ຄາຣາ​ເຕ​ໂດ້, ຢູ​ໂດ, ປັນ​ຈັກສີ​ລັດ, ວູຊູ, ໝາກ​ແລ້, ໝາກ​ເສີກ, ​ເຮືອ​ຊ່ວງ, ໝາກ​ຂາງ, ໜ້າ​ເກັກ, ຍິງ​ທະນູ, ລົດຖີບ, ລອຍນໍ້າ, ​ເປ​ຕັງ, ​ໂບລີ້​ງ, ກ໋ອບ, ຍິງ​ປືນ, ມວຍ​ລາວ, ມວຍ​ສາກົນ ​ແລະ ກິລາ​ສະນຸກ​ເກີ.

- WhatsApp Image 2020 05 27 at 5 - ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ
- WhatsApp Image 2020 05 27 at 5 - ບໍ່ແກ້ວກຽມສົ່ງ 5 ປະເພດກິລາ ເຂົ້າຮ່ວມງານກິລາແຫ່ງຊາດ
error: Alert: ເນື້ອຫາຂ່າວມີລິຂະສິດ !!