ສປປ ເກົາຫລີ ຮ້ອນແຮງຜົນຜະລິດ ກະສິກຳເສຍຫາຍໜັກ

- advert banner 728 90 728x90 - ສປປ ເກົາຫລີ ຮ້ອນແຮງຜົນຜະລິດ ກະສິກຳເສຍຫາຍໜັກ

ສປປ ​ເກົາຫລີ ​ເຕືອນ​ຄື້ນຄວາມ​ຮ້ອນ​ຮຸນ​ແຮງ​​ແບບ​ບໍ່​ເຄີຍ​ປາກົດ​ມາ​ກ່ອນ ສ້າງ​ຄວາມ​ເສຍ​ຫາຍ​ຢ່າງ​ໜັກ​ໃຫ້​ແກ່​ຜົນ​ຜະລິດ​ກະສິກຳ ​ແລະ ຂໍ​ໃຫ້​ປະຊາຊົນ​ຮ່ວມ​ມື​ກັນຫາ​ທາງ​ປ້ອງ​ກັນ​ບໍ່​ໃຫ້​ສະຖານະ​ການ​ຮ້າຍ​ແຮງ​ອີກ.

ຄື້ນຄວາມ​ຮ້ອນ​ແຜ່​ປົກ​ຄຸມ​ແຫລມ​ເກົາຫລີ​ໃນ​ໄລຍະ​ຜ່ານ​ມາ ຂ້າ​ຊີວິດ​ປະຊາຊົນ​ໃນ ສ.​ເກົາຫລີ ​ໄປ​ແລ້ວ​ຫລາຍ​ສິບ​ຄົນ. ລາຍ​ງານ​ລະບຸ​ວ່າ: ​ໃນ​ວັນ​ທີ 1 ສິງຫາ, ອຸນຫະພູມ​ໃນ​ນະຄອນຫລວງ​ພຽງ​ຢາງ​ຂອງ ສປປ ​ເກົາຫລີ ​ເພີ່ມ​ສູງ​ເປັນ​ປະຫວັດສາດ​ເຖິງ 37,8 ອົງສາ ​ແລະ ສະຖານີ​ໂທລະພາບ​ຂອງ​ທາງ​ການ​ ສປປ ​ເກົາຫລີ ປະກາດ​ເຕືອນ​ວ່າ: ຄື້ນຄວາມ​ຮ້ອນ​ກຳລັງ​ສ້າງ​ຄວາມ​ເສ​ຍຫາຍ​ທາງ​ເສດຖະກິດ ​ແຕ່​ບໍ່​ໄດ້​ລະບຸ​ມູນ​ຄ່າ​ຄວາມ​ເສຍ​ຫາຍ​.

- lattana 1 - ສປປ ເກົາຫລີ ຮ້ອນແຮງຜົນຜະລິດ ກະສິກຳເສຍຫາຍໜັກ
- 1 1 - ສປປ ເກົາຫລີ ຮ້ອນແຮງຜົນຜະລິດ ກະສິກຳເສຍຫາຍໜັກ

ຂະນະ​ທີ່ ສ.​ເກົາຫລີ ອຸນຫະພູມ​ທີ່​ສູງ​ຂຶ້ນ ​ເຮັດ​ໃຫ້​ສັດລ້ຽງ​ຕາຍ​ແລ້ວ 3 ລ້ານ​ກວ່າ​ໂຕ ​ແລະ ການ​ເສຍ​ຊີວິດ​ຈາກ​ອາການ​ເຈັບ​ເປັນອັນ​ເນື່ອງ​ມາ​ຈາກ​ຄື້ນຄວາມ​ຮ້ອນ​ເພີ່ມ​ສູງ​ຂຶ້ນ 5 ​ເທົ່າ, ລາຄາ​ຜົນ​ຜະລິດ​ເພີ່ມ​ຂຶ້ນ 2 ​ເທົ່າ ​ເນື່ອງ​ຈາກ​ຜົນ​ຜະລິດ​ຫລຸດ​ລົງ. ໜັງສືພິມ​ໂຣດອງ​ຂອງ​ທາງ​ການ ສປປ ​ເກົາຫລີ ລາຍ​ງານ​ວ່າ: ພາລະກິດ​ສຳຄັນ ​ແລະ ຮີ​ບດ່ວນ ຄື​ຫາ​ທາງ​ປ້ອງ​ກັນ​ບໍ່​ໃຫ້​ຂະ​ແໜງ​ກະສິກຳ​ໄດ້​ຮັບ​ຄວາມ​ເສຍ​ຫາຍ​ໄປ​ຫລາຍ​ກວ່າ​ນີ້.

error: Content is protected !!