ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ

- 1533262606165 800x0 - ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ
- AGL banner - ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ

​ເຈົ້າໜ້າ​ທີ່​ອົງການ​ອະນາ​ໄມ​ໂລກຖະ​ແຫລ​ງ​ເຕືອນ​ວ່າ: ສະຖານະ​ການ​ໄວຣັສອີ​ໂບລາ​ລະບາດ​ທາງ​ຕາ​ເວັນ​ອອກ​ຂອງ​ສາທາລະນະ​ລັດ​ ປະຊາທິປະ​ໄຕ​ ກົງ​ໂກ ມີ​ທ່າ​ອ່ຽງຈະ​ແຜ່​ກະຈາຍ​ໄປ​ໄກ​ຫລາຍ​ສິບ​ກິ​ໂລ​ແມັດ ​ແລະ ສ່ຽງ​ອັນຕະລາຍ​ໃນ​ການລະບາດ​ຂ້າມ​ຊາຍ​ແດນ​ໄປ​ທົ່ວ​ພາກພື້ນ.

ກະຊວງ​ສາທາລະນະ​ສຸກ​ລາຍ​ງານ​ວ່າ: ປະຊາຊົນ 4 ຄົນ​ກວດ​ພົບ​ວ່າ​ຕິດ​ເຊື້ອ​ໄວຣັສອີ​​ໂບລາ​ໃນ​ພື້ນທີ່​ດ້ານ​ໃນ ​ແລະ ຊານ​ເມືອງ​ມັນ​ກິ​ນາ​ທີ່​ມີ​ປະຊາກອນ​ອາ​ໄສ​ປະມານ 60.000 ຄົນ​ໃນ​ແຂວງ​ນອດຄິວູຫ່າງ​ໄປ​ປະມານ 100 ກິ​ໂລ​ແມັດ​ຈາກ​ຊາຍ​ແດນ​ອູ​ກັນດາ ​ແລະ ອີກ 20 ຄົນ​ເສຍ​ຊີວິດ​ຈາກ​ອີ​ໂບລາ​ລະບາດ​ໃນ​ພື້ນທີ່ ສ່ວນ​ຫລາຍ​ຢູ່​ໃນ​ໄລຍະ​​ເດືອນ​ກໍລະກົດ​ຜ່ານ​ມາ. ທ່ານ ປີ​ເຕີ ຊາ​ລາມາ ຫົວໜ້າ​ຜູ້​ປະສານ​ງານ​ສຸກ​ເສີນ ອົງການ​ອະນາ​ໄມ​ໂລກ ກ່າວ​ວ່າ: ສະຖານະ​ການລະບາດ​ຮຸນ​ແຮງ​ໃນ​ກົງ​ໂກ ​ແລະ ມີ​ຄວາມ​ສ່ຽງ​ສູງ​ທີ່​ຈະ​ກະຈາຍ​ຂ້າມ​ຊາຍ​ແດນ​ໂດຍ​ສະ​ເພາະ​ໃນ​ອູ​ກັນດາ, ​ແຕ່​ຖື​ວ່າ​ເປັນ​ຂໍ້​ມູນ​ໃນ​ເບື້ອງຕົ້ນ​ເທົ່າ​ນັ້ນ ຄາດ​ວ່າ​ເຊື້ອ​ໄວຣັສອີ​ໂບລາ​ສາມາດ​ລະບາດ​ໄປ​ໄດ້​ໄກ ​ໂດຍ​ມີ​ເຈຍ​ເປັນ​ພາຫະນະ​ແຜ່​ເຊື້ອ​ໃນ​ຊີ້ນ​ສັດ​ຕ່າງໆ​ທີ່​ວາງ​ຂາຍ​ຕາມ​ຕະຫລາດ​ໃນ​ທ້ອງ​ຖິ່ນ. ກ່ອນ​ໜ້າ​ນີ້ ມີ​ຜູ້​ເສຍ​ຊີວິດ​ຫລາຍ​ກວ່າ 11.300 ຄົນ​ຈາກ​ໄວຣັສອີ​ໂບລາ​ລະບາດ​ເຂດ​ອາ​ຟຣິກາ​ຕາ​ເວັນ​ຕົກ​ໄລຍະ​ປີ 2013-2016.

- lattana banner - ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ
- lattana banner 1 - ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ
-    AD conten website - ອະນາໄມໂລກເຕືອນອີໂບລາລະບາດໃນ ກົງໂກສ່ຽງອັນຕະລາຍທົ່ວພາກພື້ນ
error: Alert: ເນື້ອຫາຂ່າວມີລິຂະສິດ !!