ແຂວງຫົວພັນເລັ່ງແກ້ໄຂບັນຫາການລັກລອບຂຸດຄົ້ນຫີນອ່ອນ

- advert banner 728 90 728x90 - ແຂວງຫົວພັນເລັ່ງແກ້ໄຂບັນຫາການລັກລອບຂຸດຄົ້ນຫີນອ່ອນ

ແຫລ່ງຂ່າວ ຂປລ ລາຍ ງານວ່າ: ບັນຫາການລັກ ລອບຂຸດຄົ້ນ ແລະ ເຄື່ອນ ຍ້າຍຫີນອ່ອນ(ຫີນປາໂກ ໄດ) ທີ່ບ້ານເມືອງລຽດ ເມືອງວຽງໄຊ ແຂວງຫົວພັນ ແມ່ນໜຶ່ງໃນຫລາຍບັນຫາ ສຳຄັນ ທີ່ກອງປະຊຸມ ສະໄໝ ສາມັນເທື່ອທີ 5 ຂອງສະພາ ປະຊາຊົນແຂວງຫົວພັນ ຍົກ ຂຶ້ນມາພິຈາລະນາ, ປະກອບ ຄຳຄິດເຫັນ ແລະ ຫາທິດ ທາງແກ້ໄຂ. ພາຍຫລັງທີ່ ເຫັນ ວ່າບັນຫານີ້ໄດ້ດຳ ເນີນເປັນຂະບວນການ ໂດຍ ມີພະນັກງານ, ທະຫານ, ຕຳຫລວດ, ພໍ່ຄ້າຊາວຂາຍ, ປະຊາຊົນ ລາວຈຳນວນໜຶ່ງ ໄດ້ຮ່ວມມື ອຳນວຍຄວາມ ສະດວກໃຫ້ກັບຊາວຕ່າງ ປະເທດ ເຂົ້າມາໃນນາມ ນັກທຸລະກິດ ແລະ ນັກ ທ່ອງທ່ຽວ.

 

ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ

ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ

ທ່ານ ພັນທອງ ເພັດໄຊ ສົມພັນ ກຳມະການ ປະຈຳ ພັກແຂວງ, ຄະນະຊີ້ນຳຄຸ້ມ ຄອງແກ້ໄຂບໍ່ຫີນ ອ່ອນຂັ້ນ ແຂວງ ລາຍງານວ່າ: ນັບ ແຕ່ປີ 2014 ຮອດປັດຈຸບັນ ການລັກລອບຂຸດຄົ້ນ, ຊື້ຂາຍ ແລະ ເຄື່ອນຍ້າຍຫີນອ່ອນ ຢູ່ເຂດບ້ານ ເມືອງລຽດດ້ວຍ ຫລາຍຮູບແບບ, ຫລາຍ ວິທີການເປັນຕົ້ນແມ່ນຈ້າງ ປະຊາຊົນເຂົ້າໄປຂຸດຄົ້ນ ແລະ ເກັບຊື້ ແລ້ວໄປຊຸກ ເຊື່ອງ ໄວ້ຕາມປ່າ, ເຮືອນ ພັກ, ຫ້ອງເຊົ່າ ແລະ ບ້ານ ເຮືອນຂອງປະຊາຊົນເພື່ອ ລໍຖ້າຊ່ອງຫວ່າງໃນການ ເຄື່ອນຍ້າຍດ້ວຍວິທີຕ່າງໆ ເພື່ອຫລົບຫລີກການກວດ ກາຂອງເຈົ້າໜ້າທີ່ເພື່ອນຳ ສົ່ງອອກຕ່າງປະເທດ, ອັນໄດ້ ສ້າງຄວາມເສຍຫາຍທາງ ດ້ານຊັບສິນຂອງລັດ, ສ້າງ ຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບ ຮ້ອຍໃຫ້ແກ່ສັງຄົມ.

- 1 1 - ແຂວງຫົວພັນເລັ່ງແກ້ໄຂບັນຫາການລັກລອບຂຸດຄົ້ນຫີນອ່ອນ
- lattana 1 - ແຂວງຫົວພັນເລັ່ງແກ້ໄຂບັນຫາການລັກລອບຂຸດຄົ້ນຫີນອ່ອນ

ຕໍ່ສະພາບການ ດັ່ງກ່າວ ຄະນະປະຈຳພັກແຂວງ ໄດ້ ແຕ່ງຕັ້ງຄະນະຄຸ້ມຄອງແກ້ ໄຂບໍ່ຫີນອ່ອນຂັ້ນ ແຂວງຂຶ້ນ ແລະ ມອບໃຫ້ກອງບັນຊາ ການປ້ອງກັນຊາດ-ປ້ອງກັນຄວາມສະຫງົບແຂວງ ເປັນ ຫລັກໃນ ການຄຸ້ມຄອງ, ສະ ກັດກັ້ນ ແລະ ແກ້ໄຂ. ພ້ອມນີ້, ກອງບັນຊາການກໍແຕ່ງຕັ້ງ ໜ່ວຍສະເພາະກິດ ຂອງຕົນ ເພື່ອດຳເນີນປັບປຸງບັນດາ ນິຕິກຳຂອງແຂວງ ໂດຍອີງ ໃສ່ຄຳສັ່ງ 06/ຈຂ.ຫພ ເຮັດ ໃຫ້ເນື້ອໃນ ຮັດກຸມຂຶ້ນກວ່າ ເກົ່າ, ອຳນວຍຄວາມສະ ດວກໃຫ້ເຈົ້າໜ້າທີ່ ປກສ ສາມາດເຂົ້າກວດກາບໍ່ຫີນອ່ອນໄດ້ຕະຫລອດ 24 ຊົ່ວໂມງໃນທຸກສະຖານະ ການ, ເຊິ່ງຜ່ານມາໄດ້ ຮ່ວມມືກັບຄະນະວິຊາການ ຂອງລັດຖະບານລົງສຳ ຫລວດຫີນ ອ່ອນທີ່ເຊາະ ເຈື່ອນຊະຊາຍໃນຂອບ ເຂດພື້ນທີ່ ແລະ ກວດກາ ໄດ້ບັນດາເປົ້າໝາຍຄ້າ ຂາຍຫີນອ່ອນທັງໝົດ 91 ຄົນ ໃນນັ້ນເປັນຊາວ ຕ່າງປະເທດ 42 ຄົນ, ຢຶດ ຄືນໄດ້ 56.647 ກິໂລ.

ໃນຂະນະດຽວກັນ, ສະພາປະຊາຊົນແຂວງ ໄດ້ສະເໜີໃຫ້ອົງການປົກ ຄອງ ແຂວງ, ຂະແໜງ ການທີ່ກ່ຽວຂ້ອງເອົາໃຈ ໃສ່ສືບຕໍ່ລົງໂຄສະນາເຜີຍ ແຜ່ບັນດາກົດໝາຍ, ນິຕິ ກຳລຸ່ມກົດໝາຍໃຫ້ປະຊາ ຊົນບັນດາເຜົ່າຮັບຮູ້ເຂົ້າ ໃຈຢ່າງທົ່ວເຖິງ; ເພີ່ມທະ ວີກົນໄກປະສານງານລະ ຫວ່າງພາກສ່ວນທີ່ກ່ຽວ ຂ້ອງຂັ້ນ ແຂວງລົງຮອດ ທ້ອງຖິ່ນໃຫ້ເປັນເອກະ ພາບໃນການຄຸ້ມຄອງ ແລະ ສະກັດກັ້ນ ການລັກລອບ ຂຸດຄົ້ນ, ຊື້ຂາຍ ແລະ ເຄື່ອນ ຍ້າຍຫີນ ອ່ອນຢ່າງເຂັ້ມ ງວດ ແລະ ເດັດຂາດ ແລະ ຫ້າມບໍ່ໃຫ້ຂຸດຄົ້ນ, ຊື້ຂາຍ ແລະ ເຄື່ອນຍ້າຍຫີນອ່ອນ ຢູ່ເຂດບ້ານ ເມືອງລຽດ ຈົນກວ່າໄດ້ຮັບອະນຸຍາດ ຈາກລັດຖະບານ./.

- IMG 5942 - ແຂວງຫົວພັນເລັ່ງແກ້ໄຂບັນຫາການລັກລອບຂຸດຄົ້ນຫີນອ່ອນ

error: Content is protected !!