ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້

- 030608 2018 - ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້
- Untitled design - ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້

ລົດສີຂາວ ຍັງຄົງເປັນສີຍອດນິຍົມຂອງຄົນສະໄໝນີ້ ບໍ່ວ່າຈະໄປທາງໃດກມໍມັກຈະເຫັນລົດສີຂາວຢູ່ສະເໝີ, ແຕ່ຮູ້ຫລືບໍ່ວ່າລົດສີຂາວມີຂໍ້ເສຍທີ່ຄົນບໍ່ເຄີຍໃຊ້ອາດບໍ່ເຄີຍຮູ້ວ່າກ່ອນ.

ສີຂາວຍັງຄົງເປັນັສີສຸດຄລາດສິກທີ່ເຈົ້າຂອງລົດເລືອກຊື້ຫລາຍທີ່ສຸດໃນໂລກ ຄຽງຄູ່ໄປກັບສີລຽບໆ ເຊັ່ນ : ສີປອນເງິນ ແລະ ສີດຳ. ສ່ວນໜຶ່ງເປັນຍ້ອນສີຂາວ ເຮັດໃຫ້ລົດ (ບາງຍີ່ຫໍ້) ເບິ່ງງາມ ແລະ ທັນສະໄໝ ສະທ້ອນໂຕຕົນຂອງຜູ້ຄອບຄອງໄດ້ ແລະ ຍັງເຮັດໃຫ້ລົດນ້ອຍເບິ່ງມີຂະໜາດໃຫຍ່ຂຶ້ນກ່ວາການເລືອກໃຊ້ໂຕຖັງສີເຂັ້ມນຳອີກ.

ແຕ່ຮູ້ຫລືບໍ່ວ່າລົດສີຂາວກໍມີີຂໍ້ເສຍບາງຢ່າງທີ່ຫລາຍຄົນຍັງບໍ່ຮູ້ ຈຶ່ງຂໍແນະນຳຂໍ້ເສຍຂອງລົດສີຂາວມາໃຫ້ພິຈາລະນາເບິ່ງ.

  1. ລົດສີຂາວແຕກຕ່າງຈາກລົດສີອື່ນໆໃນໄລຍະຍາວ ເພາະລົດສີຂາວມັກກາຍເປັນສີເຫລືອງໄດ້ງ່າຍ ເຊິ່ງປັດໄຈທີ່ເຮັດໃຫ້ລົດສີຂາວເກີດປົນເຫລືອງແມ່ນຈອດລົດຕາກແດດຕະຫລອດ, ມີຄາບສະສົມ ຫລື ແມ່ນແຕ່ສານເຄືອບສີ ບາງຍີ່ຫໍ້ເມື່ອໃຊ້ໄປດົນໆກໍສາມາດເຮັດໃຫ້ໂຕຖັງລົດສີຂາວເກີດການອົມເຫລືອງໄດ້ຄືກັນ ຫາກປ່ອຍໄວ້ໃຫ້ເຫລືອງຢູ່ແບບນັ້ນຈະເຮັດໃຫ້ລົດເບິ່ງໂຊມແລະເກົ່າໄວ.
  2. ເຮັດສີແລ້ວອາດບໍ່ໄດ້ສີເກົ່າ: ເມື່ອໃດທີ່ຈຳເປັນຕ້ອງເອົາລົດສີຂາວມາເຮັດສີ ຕ້ອງທຳໃຈວ່າບາງເທື່ອອາດໄດ້ສີບໍ່ຄືເກົ່າກັບມາ ເພາະໂທນສີຂາວມີຫລາຍໂທນສີ ເຊິ່ງລັກສະນະຂອງສີຂາວເອງເຮັດໃຫ້ເບິ່ງເຫັນຄວາມແຕກຕ່າງໄດ້ງ່າຍ ໂດຍສະເພາະຊິ້ນສ່ວນໃຫຍ່ໆ ເຊັ່ນ : ກັນຊົນ, ສະເກີດ ແລະອື່ນໆ ບາງເທື່ອອາດໄດ້ສີຜິດດ່ຽງໄປຈາກສີໂຕຖັງເກົ່າກໍເປັນໄດ້ ທັງນີ້ ຂຶ້ນຢູ່ກັບການເອົາໃຈໃສ່ຂອງອູ່ເຮັດສີແຕ່ລະອູ່ນຳ.
  3. ເບິ່ງເຫັນຮອຍຕຳ – ຄາບເປິເປື້ອນໄດ້ງ່າຍ : ໂຕຖັງສີຂາວ ເຜີຍໃຫ້ເຫັນລາຍລະອຽດການຕຳ ການຂູດ – ດາດ, ຄາບຂີ້ຕົມ, ຢາງ ໝາກຕອຍ ແລະອື່ນໆໄດ້ງ່າຍທີ່ ສຸດເມື່ອປຽບທຽບກັບສີອື່ນໆ ດັ່ງນັ້ນ ເຈົ້າຂອງລົດສີຂາວອາດຕ້ອງລ້າງລົດເປັນພິເສດເພື່ອໃຫ້ໂຕລົດເບິ່ງໃໝ່ຢູ່ສະເໝີ.
  4. ອາດເຮັດໃຫ້ລົດມີມູນຄ່າຫລຸດລົງ : ບໍ່ແມ່ນລົດທຸກຄັນຈະເໝາະສົມສຳລັບໂຕຖັງສີຂາວ ໂດຍສະເພາະລົດຫລູ ຫລື ລົດທີ່ມີ ຮູບຊົງຂະໜາດໃຫຍ່ ເພາະບາງເທື່ອແທນທີ່ສີຂາວຈະເຮັດໃຫ້ເບິ່ງຫລູຂຶ້ນ ແຕ່ກາຍເປັນວ່າເບິ່ງຄືລົດແທັກຊີໂຮງແຮມຫລາຍກ່ວາ.

ນອກຈາກນັ້ນ, ລົດສີຂາວອາດເຮັດໃຫ້ເສັ້ນສາຍເທິງໂຕຖັງທີ່ນັກອອກແບບລົດອອກແບບມາຢ່າງພິຖີພິຖັນຖືກກືນຫາຍໄປ ບໍ່ ເກີດມິຕີງົດງາມດັ່ງທີ່ຄວນຈະເປັນ ເຊິ່ງນັ້ນເຮັດໃຫ້ລົດເບິ່ງມີມູນຄ່າຫລຸດລົງໄດ້ນຳ.

- Wave100S AD to Website 2020 0 - ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້
  1. ຕ້ອງເພີ່ມເງິນຈ່າຍແພງກ່ວາ : ສີຂາວຂອງລົດບາງຍີ່ຫໍ້ຈຳເປັນຕ້ອງຈ່າຍເງິນຕື່ມ (ສ່ວນຫລາຍມັກເປັນສີຂາວມຸກ) ແຕ່ ນັ້ນກໍບໍ່ແມ່ນເລື່ອງໃຫຍ່ເທົ່າກັບເຮັດສີອອກມາແລ້ວບໍ່ຄືເກົ່າ.

ຮູ້ແບບນີ້ແລ້ວກໍລອງພິຈາລະນາເລືອກສີລົດໃຫ້ຮອບຄອບກ່ອນຕັດສິນໃຈຊື້.

- WhatsApp Image 2020 05 27 at 5 - ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້
- WhatsApp Image 2020 05 27 at 5 - ຂໍ້ເສຍຂອງລົດສີຂາວທີ່ທ່ານຕ້ອງຮູ້ກ່ອນຈະຊື້
error: Alert: ເນື້ອຫາຂ່າວມີລິຂະສິດ !!