ຜູ້ນຳເວເນຊູເອລາຖືກລອບສັງຫານ ໂດຍໂດຣນ ກ່າວວ່າອາເມລິກາ ແລະ ໂກລົມບີຢູ່ເບື້ອງຫລັງ

- advert banner 728 90 728x90 - ຜູ້ນຳເວເນຊູເອລາຖືກລອບສັງຫານ ໂດຍໂດຣນ ກ່າວວ່າອາເມລິກາ ແລະ ໂກລົມບີຢູ່ເບື້ອງຫລັງ

​​ເກີດ​ເຫດ​ລະ​ເບີດ​ໂຈມ​ຕີ​ໂດຍ​ໃຊ້​ໂດຣນ​ເປັນ​ພາຫະນະ ລະຫວ່າງ​ປະທານາທິບໍດີ ນິ​ໂກ​ລັສ ມາ​ດູ​ໂຣ ກຳລັງ​ກ່າວ​ສູນ​ທອນ​ພົດ​ໃນ​ພິທີ​ຂອງ​ກອງທັບ ຫລັງ​ເກີດ​ເຫດ​ຜູ້ນຳ​ເວ​ເນ​ຊູ​ເອລາ​ກ່າວ​ຫາ​ອາ​ເມ​ລິ​ກາ ​ແລະ ​ໂກ​ລົມ​ເບຍ​ຢູ່​ເບື້ອງຫລັງ “ຄວາມ​ພະຍາຍາມ​ລອບ​ສັງຫານ”.

- Venezuela Maduro2 - ຜູ້ນຳເວເນຊູເອລາຖືກລອບສັງຫານ ໂດຍໂດຣນ ກ່າວວ່າອາເມລິກາ ແລະ ໂກລົມບີຢູ່ເບື້ອງຫລັງ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຮໍ​ເກ ​ໂຣຣິ​ເກ​ຊ ລັດຖະມົນຕີ​ກະຊວງ​ຂ່າວສານຂອງ​ເວ​ເນ​ຊູ​ເອລາ ກ່າວ​ວ່າ: ​ເກີດ​ເຫດ​ລະ​ເບີດ​ຫລາຍ​ຄັ້ງ​ໃກ້​ກັບ​ບໍລິ​ເວນ​ທີ່​ປະທານາທິບໍດີ ​ນິ​ໂກ​ລັສ ມາ​ດູ​ໂຣ ຢືນ​ຢູ່ ​ເພື່ອ​ກ່າວ​ສູນ​ທອນ​ພົດ​ເນື່ອງ​ໃນ​ພິທີ​ສະ​ເຫລີ​ມສະຫລອງ​ວາລະ​ຄົບຮອບ 81 ປີ ການ​ສະຖາປະນາ​ກອງທັບ​ໂບລິ​ວາ​ແຫ່ງ​ຊາດ ທີ່​ສະໜາມ​ກາງ​ນະຄອນຫລວງ​ກາຣາກັສ ​ໃນ​ວັນ​ທີ 4 ສິງຫາ.

ຫລັງ​ເກີດ​ເຫດ, ທ່ານ ມາ​ດູ​ໂຣ ຖະ​ແຫລ​ງຜ່ານ​ສະຖານີ​ໂທລະພາບ​ແຫ່ງ​ຊາດວ່າ: ທ່ານ​ບໍ່​ໄດ້​ຮັບ​ບາດ​ເຈັບ ​ແລະ ກຳລັງ “ພະຍາຍາມ​ທຳ​ຄວາມ​ເຂົ້າ​ໃຈ” ກັບ​ເຫດການ​ທີ່​ເກີດ​ຂຶ້ນ, ພ້ອມ​ທັງ​ເລົ່າ​ວ່າ: ທຳ​ອິດ​ທ່ານ​ຄິດ​ວ່າ​ອຸປະກອນ​ໃນ​ງານ​ອາດ​ເກີດ​ກາ​ນຂັດຂ້ອງ ຈົນກະທັ້ງມີ​ສຽງ​ລະ​ເບີດ​ຄັ້ງທີ​ສອງ​ຕາມ​ມາ ​ແລະ ວັດຖຸ​ບາງ​ຢ່າງ​ລອຍ​ຢູ່​ເທິງ​ຫົວ. ອີກ​ທັງ​ຍັງ​ມີ​ລາຍ​ງານ​ການລະ​ເບີດ​ຈາກ​ອາຄານ ​ເຊິ່ງຢູ່​ໃກ້​ກັບ​ສະຖານ​ທີ່​ຈັດ​ພິທີ​ນຳ​ອີກ. ຜູ້ນຳ​ເວ​ເນ​ຊູ​ເອລາ​ກ່າວ​ວ່າ: ຜົນ​ການ​ສື​ສວນ-ສອບ​ສວນ​ເບື້ອງຕົ້ນບົ່ງ​ບອກ​ວ່າ: “ການ​ສົມຮູ້​ຮ່ວມ​ຄິດ” ລະຫວ່າງ​ອາ​ເມ​ລິ​ກາ​ກັບ​ໂກ​ລົມ​ບີ ສັ່ງ​ການ​ໃຫ້​ກຸ່ມ​ການ​ເມືອງ​ຂວາ​ຈັດ​ໃນ​ປະ​ເທດ​ເປັນ​ຜູ້​ກໍ່​ເຫດ ​ແລະ ທ່ານ​ຫວັງ​ເປັນ​ຢ່າງ​ຍິ່ງ​ວ່າ: ລັດຖະບານ​ຂອງ​ປະທານາທິບໍດີ ​ໂດ​ນັລ ທຣຳ “ຈະ​ໃຫ້ການ​ຮ່ວມ​ມື” ​ໃນ​ເລື່ອງ​ນີ້.

ນອກຈາກ​ນີ້, ທາງ​ການ​ເວ​ເນ​ຊູ​ເອລາ ລະບຸ​ວ່າ: ​ຈັບ​ຜູ້​ຕ້ອງ​ສົງ​ໄສ​ໄດ້ 6 ຄົນ ​ເຊິ່ງຄາດ​ວ່າ​ກ່ຽວຂ້ອງ​ກັບ​ເຫ​ດການ​ໃຊ້​ໂດຣນ 2 ລຳ ມັດ​ຕິດ​ກັບ​ລະ​ເບີດ ​ໂດຍ​ໂດຣນ​ແຕ່​ລະ​ລຳ​ມີ​ລະ​ບີ​ດມັດ​ໄວ້ 1 ກິ​ໂລ ​ເພື່ອ​ມຸ່ງ​ສັງຫານ​ປະທານາທິບໍດີ ​ນິ​ໂກ​ລັສ ມາ​ດູ​ໂຣ.

ກະຊວງ​ການ​ຕ່າງປະ​ເທດ​ໂກ​ລົມ​ບີ​ອອກ​ຖະ​ແຫລ​ງການ​ປະຕິ​ເສດ​ຂໍ້​ກ່າວ​ຫາ​ຂອງ​ປະທານາທິບໍດີ ​ນິ​ໂກ​ລັສ ມາ​ດູ​ໂຣ ວ່າ: ລັດຖະບານ​ໂບ​ໂກ​ຕາ​ມີ​ສ່ວນ​ກ່ຽວຂ້ອງ​ກັບ​ການ​ໃຊ້​ໂດຣນຕິດ​ລະ​ເບີດ​ເພື່ອ “ພະຍາຍາມ​ລອບ​ສັງຫານ” ຜູ້ນຳ​ເວ​ເນ​ຊູ​ເອລາ ​ເປັນ​ຂໍ້​ກ່າວ​ຫາ​ທີ່ “​ໄຮ້​ສາລະ​ຫຼ ​ເພາະ “ປາສະຈາກ​ຫລັກ​ຖານ​”, ພ້ອມ​ທັງ​ເຕືອນ​ໃຫ້​ທ່ານ ມາ​ດູ​ໂຣ ຄວນ​ສະ​ແດງ “ຄວາມ​ເຄົາ​ລົບ​ນັບຖື” ຕໍ່​ປະທານາທິບໍດີ ຮວນ ມາ​ນູ​ເອລ ຊານ​ໂຕ​ສ ຜູ້ນຳ​ໂກ​ລົມ​ບີ. ສ່ວນ​ແຫ​ລ່ງຂ່າວ​ອາວຸ​ໂສ​ໃນ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ເປີດ​ເຜີຍ​ວ່າ: ​ເຈົ້າໜ້າ​ທີ່​ລະດັບ​ສູງ​ໃນ​ລັດຖະບານ​ວໍ​ຊິງ​ຕັນ​ຮັບ​ຮູ້​ສະຖານະ​ການ​ທີ່​ເກີດ​ຂຶ້ນ​ໃນ​ເວ​ເນ​ຊູ​ເອລາ​ແລ້ວ ​ແລະ “ກຳລັງ​ຕິດຕາມ​ສະຖານະ​ການ​ຢ່າງ​ໃກ້ຊິດ”.

error: Content is protected !!