UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ

- TELEMMGLPICT000170702220 xlarge trans NvBQzQNjv4Bqlz5OdA D3VmrC4drz6CMya9AwgQD4Npf3GkFJvgcOWM - UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ
- Untitled design - UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ

ລາຍ​ງານ​ຂອງ​ສະຫະ​ປະຊາ​ຊາດ ລະບຸ​ວ່າ: ສປປ ​ເກົາຫລີ ຍັງ​ບໍ່​ຢຸດ​ໂຄງການ​ພັດທະນາ​ອາວຸດ​ນິວ​ເຄຼຍ ​ແລະ ລູກ​ສອນ​ໄຟ ອີກ​ທັງ​ຍັງ​ລັກລອບ​​ເຮັດ​ທຸລະ​ກຳ​ໃນ​ລະດັບ​ເກີນ​ກວ່າ​ທີ່ UN ກຳນົດ​ໄວ້.

- Wave100S AD to Website 2020 0 - UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ຜູ້​ຊ່ຽວຊານ​ພິ​ເສດ​ດ້ານ​ສະຖານະ​ການ​ໃນ​​ແຫລມ​ເກົາຫລີຂອງ​ສະຫະ​ປະຊາ​ຊາດ (UN) ສະ​ເໜີ​ລາຍ​ງານ​ຄວາມ​ຍາວ 62 ໜ້າ​ຕໍ່​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ​ໃນ​ວັນ​ທີ 3 ສິງຫາ ມີ​​ເນື້ອ​ໃນ​ສຳຄັນ​ວ່າ: ສປປ ​ເກົາຫລີ ຍັງ​ບໍ່​ຢຸດ​ໂຄງການ​ພັດທະນາ​ອາວຸດ​ນິວ​ເຄຼຍ ​ແລະ ລູກ​ສອນ​ໄຟ ອີກ​ທັງ​ຍັງ​ມີ​ພຶດຕິ​ກຳ​ລະ​ເມີດ​ມະຕິ​ຂອງ UNSC ທັງ​ການ​ລັກລອບ​ຊື້ຂາຍ​ນ້ຳມັນ​ດິບ, ຜະລິດ​ຕະພັນ​ປີ​ໂຕຣລຽມ ​ແລະ ອວຸດ​ສົງຄາມ​ຂະໜາດ​ກາງ ​ແລະ ຂະໜາດ​ເບົາ ຜ່ານ “ຄົນ​ກາງ​ຊາວ​ຕ່າງປະ​ເທດ” ​ໃນ​ຊີຣີ ​ເພື່ອ​ສົ່ງ​ຕໍ່​ໄປ​ເຢ​ເມນ, ຊູ​ດັງ ​ແລະ ລີ​ບີ. ຂະນະ​ດຽວ​ກັນ ສປປ ​ເກົາຫລີ ຍັງ​ສົ່ງ​ອອກ​ຖ່ານ​ຫີນ, ​ແຮ່​ເຫລັກ ​ແລະ ອາຫານ​ທະ​ເລ ​ໃນ​ປະລິມານ​​ເກີນ​ກວ່າ​ທີ່ UNSC ລະບຸ​ໄວ້.

ລາຍ​ງານ​ດັ່ງກ່າວ​ໄດ້​ຮັບ​ການ​ເປີດ​ເຜີຍ​ອອກ​ມາ​ໃນ​ເວລາ​ດຽວ​ກັບ​ທີ່​ທ່ານ ​ໄມ​ເຄິລ ປອມ​ເປ​ໂອ ລັດຖະມົນຕີ​ກະ​ຊວງ​ການ​ຕ່າງປະ​ເທດ​ອາ​ເມ​ລິ​ກາ, ທ່ານ ຫວັງອີ້ ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ, ທ່ານ ​ເຊີ​ເກ ລາຟຣອຟ ລັດຖະມົນຕີ​ກະຊວງ​ການ​ຕ່າງປະ​ເທດຣັດ​ເຊຍ ​ແລະ ທ່ານ ຣີ ຢອງ​ໂຮ ລັດຖະມົນຕີ​ກະຊວງ​ການ​ຕ່າງປະ​ເທດ ສປປ ​ເກົາຫລີ ​ເຂົ້າຮ່ວມ​ກອງ​ປະຊຸມ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ທີ່​ສິງກະ​ໂປ.

- WhatsApp Image 2020 05 27 at 5 - UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ
- WhatsApp Image 2020 05 27 at 5 - UN ເຜີຍ ສປປ ເກົາຫລີ ຍັງເດີນໜ້າ ໂຄງການພັດທະນາອາວຸດ
error: Alert: ເນື້ອຫາຂ່າວມີລິຂະສິດ !!