ສະໜາມໄຊກາຍເປັນສະໜາມແຫ່ງຄວາມເສົ້າໂສກ

- 1654 - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
- Untitled design - ສະໜາມໄຊກາຍເປັນສະໜາມແຫ່ງຄວາມເສົ້າໂສກ

ນັບແຕ່ສະໄໝ, ປູ່ຍ່າຕາ ຍາຍຂອງພວກເຮົາແມ່ນບໍ່ ທັນເຄີຍເຫັນ, ບໍ່ທັນເຄີຍມີ ແລະ ບໍ່ເຄີຍປະສົບພົບພໍ້ໃນ ເລື່ອງພາຍຸ, ເລື່ອງເຂື່ອນທະ ລຸແຕກ ຫລື ຖ້າໄດ້ຍິນກໍແມ່ນ ເປັນພຽງຂ່າວຄາວຢູ່ບ້ານ ເພິ່ນເມືອງ ທ່ານເທົ່ານັ້ນ.

- 38476871 2083968531856275 1216748326397935616 n - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
(ພາບປະກອບ)

 

ເຂື່ອນແຕກເປັນສິ່ງທ້າທາຍໃໝ່ໃນຍຸກພັດທະນາ

ໂຮງໝໍ​ແຂວງອັດ​ຕະປື ຕ້ອງການ​ເຄື່ອງມື​ການ​ແພດ​ທີ່​ຈຳ​ເປັນ​ເພື່ອ​ຊ່ວຍ​ປິ່ນປົວ​ຜູ້​ໄດ້​ຮັບ​ຜົນ​ກະທົບ​ຈາກ​ໄພ​ນ້ຳຖ້ວມ

ພໍຕົກມາໃນຍຸກສະໄໝນີ້ ອັນເປັນຍຸກໂລກາພິວັດ ແລະ ກ້າວສູ່ການສ້າງສາພັດທະນາ ປະເທດເຮົາກໍມີການສ້າງ ເຂື່ອນໄຟຟ້າໃນຫລາຍແຫ່ງ ຈຶ່ງຮູ້ ແລະ ເຫັນຕົວຈິງວ່າ ບັນ ຫາເຂື່ອນໄຟຟ້າມັນກໍມີທັງ ໃຫ້ຜົນປະໂຫຍດຢ່າງມະຫາສານ ແລະ ທັງໃຫ້ໂທດ ຕາມ ມາຖ້າພວກເຮົາຫາກບໍ່ມີການວິເຄາະເຈາະເລິກເຖິງຜົນໄດ້ຜົນເສຍຢ່າງຄັກແນ່.

- 37818625 10155575167679149 4415052593026301952 n - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
(ພາບປະກອບ)

ຄຳວ່າມີຜົນປະໂຫຍດ ຢ່າງມະຫາສານນັ້ນ ກໍໝາຍ ຄວາມວ່າຖ້າເມືອງລາວເຮົາຫາກມີເຂື່ອນໄຟຟ້າໄດ້ຕາມ ແນວທາງນະໂຍບາຍຂອງພັກ ແລະ ລັດຖະບານວາງອອກ ນັ້ນ ໃນອານາຄົດປະເທດລາວ ຈະກາຍເປັນເສດຖີຮັ່ງມີອີ່ ຫລີ, ປະຊາຊົນລາວບັນດາ ເຜົ່າໃນທົ່ວປະເທດກໍຈະພາ ກັນອີ່ມໜຳສຳລານຍ້ອນຂາຍ ໄຟຟ້າກິນດັ່ງບັນດາປະເທດ ອາຣັບພວກເພິ່ນພາກັນຮັ່ງ ຍ້ອນຂາຍນ້ຳມັນດິບ, ເພາະ ການທີ່ຈະສ້າງໃຫ້ປະເທດ ຂອງຕົນຮັ່ງມີເປັນເສດຖີ ກະດູມພີໄດ້ມັນກໍຕ້ອງອີງໃສ່ ທ່າແຮງທີ່ບົ່ມຊ້ອມຂອງປະ ເທດຊາດ.
ຕົວຢ່າງປະເທດລາວ ເຮົາມີທ່າແຮງໃນດ້ານໄຟຟ້າກໍຕ້ອງສ້າງເຂື່ອນໄຟຟ້າໃຫ້ ຫລາຍໆເພື່ອຜະລິດສົ່ງອອກ ໄປຂາຍຍັງບັນດາປະເທດ ອ້ອມຂ້າງ.

- Wave100S AD to Website 2020 0 - ສະໜາມໄຊກາຍເປັນສະໜາມແຫ່ງຄວາມເສົ້າໂສກ

ນອກຈາກຈະຂາຍໄຟຟ້າກິນແລ້ວ, ປະເທດລາວເຮົາ ຍັງອຸດົມສົມບູນໄປດ້ວຍທ່າ ແຮງອື່ນໆ ເຊັ່ນ: ມີໄມ້, ມີດິນ ດອນຕອນຫຍ້າ, ມີແຫລ່ງ ແຮ່, ມີບໍ່ເງິນ, ບໍ່ຄຳ, ບໍ່ເຫລັກ, ບໍ່ກົ່ວ, ບໍ່ທອງຢ່າງຫລວງ ຫລາຍກໍພ້ອມທີ່ຈະຂຸດຄົ້ນ ຂຶ້ນມາຜະລິດ ແລະ ຈຳໜ່າຍ ໄປຍັງຕະຫລາດໃນພາກພື້ນ ແລະ ໃນໂລກ.

ນີ້ຄືເປົ້າໝາຍ ແລະ ຄວາມມຸ້ງຫວັງຂອງພັກ ແລະ ລັດຖະບານເຮົາທີ່ຕ້ອງການ ສ້າງປະເທດລາວ ໃຫ້ຈະເລີນ ຮຸ່ງເຮືອງສາມາດຫລຸດພົ້ນ ອອກຈາກຄວາມທຸກຍາກ ແລະ ດ້ອຍພັດທະນາໃນອານາຄົດ.

ສ່ວນວ່າຜົນກະທົບທາງດ້ານລົບນັ້ນ, ຖ້າຫາກພວກ ເຮົາເຫັນແກ່ໄດ້ຢ່າງດຽວ ໂດຍທີ່ບໍ່ຄຳນຶງເຖິງຜົນເສຍ ມັນກໍອາດເຮັດໃຫ້ຊີວິດຂອງຄົນເຮົາ, ທຳມະຊາດ ແລະ ສິ່ງ ແວດລ້ອມລາມໄປເຖິງລະບົບເສດຖະກິດ-ສັງຄົມຂອງປະ ເທດຕົກຢູ່ໃນສະພາບມີໄພຂົ່ມຂູ່ ຫລື ເກີດວິກິດຢ່າງມະຫັນ ຕາມມາດັ່ງເຂ່ືອນເຊປຽນ- ເຊນ້ຳນ້ອຍ ແຕກທະລຸທະ ລັງທະລາຍໃນບໍ່ດົນຜ່ານມາ ນີ້ເອງ.
ຕາມທິດກ່ຳວ່າ: ບັນຫາ ເຂື່ອນເຊປຽນ-ເຊນ້ຳນ້ອຍ ແຕກແມ່ນມາຈາກຫລາຍ ເງື່ອນໄຂ ແລະ ຫລາຍປັດໄຈ ດ້ວຍກັນ, ແຕ່ອັນທີ່ແນ່ນອນ ນັ້ນ ແມ່ນຍ້ອນມີພະຍຸເກີດ ຝົນຕົກໜັກນ້ຳລົ້ນອ່າງເຂື່ອນ ຈຶ່ງກໍໃຫ້ ເກີດອຸທົກກະໄພ ຢ່າງມະຫັນ.

ອັນສອງມາກໍແມ່ນເກີດຈາກການຄາດເຂື່ອນໃນການຄິດໄລ່ຄວາມເປັນມາດຕະ ຖານທີ່ຈະຮັບມືຈາກສະພາວະ ແວດລ້ອມ ດິນຟ້າອາກາດທີ່ ພວມມີການປ່ຽນແປງໄປນັບມື້, ຈາກນັ້ນ, ຈຶ່ງກໍ່ໃຫ້ເກີດເຫດ ມະຫັນຕະໄພຕາມມາຢ່າງ ບໍ່ຄາດຄິດ.
ຕາມເຮົາວ່າ, ບັນຫາ ເຂື່ອນເຊປຽນ-ເຊນ້ຳນ້ອຍ ທະລຸແມ່ນເປັນບົດຮຽນອັນ ຍິ່ງໃຫຍ່ທີ່ສອນ ໃຫ້ເຮົາຕ້ອງ ພາກັນຄິດ ໂດຍສະເພາະ ແມ່ນ ເຂື່ອນທັ່ງເກົ່າ ແລະ ໃໝ່ ແລະ ຈະຂຶ້ນມາອີກເພື່ອແນໃສ່ ຫລຸດຜ່ອນຄວາມສຽງໃຫ້ ໜ້ອຍທີ່ສຸດ ບໍ່ດັ່ງນັ້ນກໍຈະ ຄືເຫດເຂື່ອນເຊປ່ຽນ- ເຊນ້ຳ ນ້ອຍທະລຸ ເມື່ອຜ່ານມາມໍ່ໆນີ້, ເຊິ່ງບໍ່ພຽງສ້າງຄວາມເສຍ ຫາຍໃຫ້ແກ່ວັດຖຸຊັບສິນເທ່ົາ ນັ້ນມັນຍັງໄດ້ຖົມຊີວິດຂອງ ຄົນເຮົາໄປຢ່າງໜ້າສັງເວດ ລູກພັດພໍ່ພັດແມ່, ພໍ່ແມ່ພັດ ພາກຈາກກັນ, ເຮືອນຊານ ບ້ານ ຊ່ອງ, ສັດສາວາສິ່ງ, ໄຮ່ ນາຮົ້ວສວນ, ພື້ນຖານການ ຜະ ລິດຖືກເສຍຫາຍກ້ຽງເອີດ ເຕີດຈົນເຮັດໃຫ້ເມືອງສະ ໜາມໄຊກາຍເປັນສະໜາມ ແຫລ່ງຄວາມເສົ້າໂສກເສຍດາຍນີ້./.

- 1654 - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
(ພາບປະກອບ)
- WhatsApp Image 2020 05 27 at 5 - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
- WhatsApp Image 2020 05 27 at 5 - ສະໜາມໄຊກາຍເປັນສະໜາມແຫ່ງຄວາມເສົ້າໂສກ
error: Alert: ເນື້ອຫາຂ່າວມີລິຂະສິດ !!