ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ

- 1533625460115 800x0 - ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ
- Untitled design - ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ

ອາ​ເມ​ລິ​ກາ​ເລີ່​ມບັງຄັບ​ໃຊ້​ມາດ​ຕະການ​ຂວ້ຳບາດ​ທີ່​ເຂັ້ມງວດ​ຝ່າຍ​ດຽວ​ກັບ​ອີຣານນັບ​ແຕ່​ວັນ​ທີ 7 ສິງຫາ​ນີ້ ​ໂດຍ​ຈະ​ມີ​ບົດ​ລົງ​ໂທດ​ໜັກ​ຂຶ້ນ ພາຍຫລັງ​ຢຸດ​​ໄປ​ໃນ​ໄລຍະ​ລັດຖະບານ​ຊຸ​ດກ່ອນ​ຂອງ​ອາ​ເມ​ລິ​ກາ​ເຮັດ​ຂໍ້​ຕົກລົງ​ນິວ​ເຄຼຍປີ 2015 ຮ່ວມ​ກັບປະ​ເທດ​ມະຫາ​ອຳນາດ ​ແລະ ອີຣານ, ​ແຕ່​ລັດຖະບານ​ປັດຈຸບັນ​ໃນ​ຍຸກ​ປະທານາທິບໍດີ ​ໂດນ​ັລ ທຣຳ ປະກາດ​ຖອນ​ຕົວ​ຈາກ​ຂໍ້​ຕົກລົງ​ໃນ​ເດືອນ​ພຶດສະພາ.

ມາດ​ຕະການ​ຂວ້ຳບາດ​ຊຸດ​ທຳ​ອິດ​ຈາກ​ສອງ​ຊຸດ​ຂອງ​ອາ​ເມ​ລິ​ກາ​ເລີ່​ມມີ​ຜົນ​ບັງຄັບ​ໃຊ້​ນັບ​ແຕ່​ເວລາ​ທ່ຽງ​ຄືນ​ຕາມ​ເວລາ​ທ້ອງ​ຖິ່ນ ຫລື ​ເວລາ 11:30 ​ໂມງ ວັນ​ທີ 7 ສິງຫາ ຕາມ​ເວລາ​ຢູ່​ລາວ ​ໂດຍ​ມີ​ເປົ້າໝາຍ​ສະກັດ​ບໍ່​ໃຫ້​ອີຣານ​ເຂົ້າ​ເຖິງ​ເງິນ​ໂດ​ລາ​ສະຫະລັດ ​ແລະ ອຸດສາຫະກຳ​ຫລັກ​ເຊັ່ນ: ຍານ​ຍົນ ​ແລະ ພົມ. ປັດຈຸບັນ ອີຣານ​ໄດ້​ຮັບ​ຜົນ​ກະທົບ​ຈາກ​ມາດ​ຕະການ​ຂວ້ຳບາດ​ເຊັ່ນ: ຄ່າ​ເງິນ​ສະກຸນຣຽວຂອງ​ອີຣານຫລຸດ​ລົງ​ກວ່າ​ເຄິ່ງນັບ​ແຕ່​ປະທານາທິບໍດີ ທຣຳ ປະກາດ​ໃຫ້​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍອີຣານປີ 2015 ​ໂດຍບອກ​ວ່າ: ​ເປັນຄວາມ​ຕົກລົງ​ພຽງ​ຝ່າຍ​ດຽວ. ການ​ຖອນ​ຕົວ​ຝ່າຍ​ດຽວ​ຂອງ​ອາ​ເມ​ລິ​ກາ​ມີ​ຂຶ້ນ​ເຖິງ​ວ່າ​ປະ​ເທດ​ພາຄີ​ອື່ນໆ​ເຊັ່ນ: ອັງກິດ, ຈີນ, ຝຣັ່ງ, ​ເຢຍລະ​ມັນ, ຣັດ​ເຊຍ ​ແລະ ສະຫະພາບ​ເອີຣົບ (EU) ບອກ​ກັບ​ຜູ້ນຳ​ອາ​ເມ​ລິ​ກາ​ວ່າ: ຢ່າ​ຖອນ​ຕົວ​ຈາກ​ຂໍ້​ຕົກລົງ​ທີ່​ມີ​ຈຸດປະສົງ​ໃຫ້​ອີຣານຍົກ​ເລີກ​ໂຄງການ​ນິວ​ເຄຼຍ, ທັງ EU, ອັງກິດ, ຝຣັ່ງ, ​ເຢຍລະ​ມັນ ຕ່າງ​ສະ​ແດງ​ຄວາມ​ເສຍ​ໃຈ​ທີ່​ລັດຖະບານ​ອາ​ເມ​ລິ​ກາດຳ​ເນີນ​ການ​ແຕ່​ພຽງ​ຝ່າຍ​ດຽວ. ຂະນະ​ທີ່​ບໍລິສັດ​ລາຍ​ໃຫຍ່​ຂອງ​ເອີຣົບຫລາຍ​ແຫ່ງ​ຕ່າງ​ທະຍອຍ​ຖອນ​ທຸລະ​ກິດ​ກັບ​ອີຣານ ​ເພາະ​ຢ້ານ​ອາ​ເມ​ລິ​ກາ​ລົງ​ໂທດ ​ແລະ ທ່ານ ທຣຳ ​ເຕືອນ​ວ່າ: ບໍລິສັດ ​ແລະ ບຸກຄົນ​ທີ່​ຍັງ​ເຮັດ​ທຸລະ​ກິດ​ຕິດ​ຕໍ່​ກັບ​ອີຣານຈະ​ຕ້ອງ​ພົບ​ກັບ​ຜົນ​ເສຍ​ຫາຍ​ຮ້າຍ​ແຮງ​ຕາມ​ມາ.

- Wave100S AD to Website 2020 0 - ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ
- WhatsApp Image 2020 05 27 at 5 - ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ
- WhatsApp Image 2020 05 27 at 5 - ອາເມລິກາເລີ່ມບັງຄັບໃຊ້ມາດຕະການ ຂວ້ຳບາດກັບອີຣານແລ້ວ
error: Alert: ເນື້ອຫາຂ່າວມີລິຂະສິດ !!