ປະຊາກອນອົດສະຕຣາລີຈະເພີ່ມຂຶ້ນເປັນ 25 ລ້ານຄົນ ໄວກວ່າຄາດການໄວ້

- advert banner 728 90 728x90 - ປະຊາກອນອົດສະຕຣາລີຈະເພີ່ມຂຶ້ນເປັນ 25 ລ້ານຄົນ ໄວກວ່າຄາດການໄວ້

ສະຖິຕິ​ຫລ້າ​ສຸດຂອງ​ທາງ​ການ​ອົດ​ສະຕຣາລີ ລະບຸ​ວ່າ: ຈຳນວນ​ປະຊາກອນ​ຂອງ​ອົດ​ສະຕຣາລີ​ຈະ​ເພີ່ມ​ຂຶ້ນ​ເປັນ 25 ລ້ານ​ຄົນ​ໃນ​ວັນ​ທີ 7 ສິງຫາ​ນີ້ ​ໄວ​ກວ່າ​ຄາດ​ການ​ໄວ້​ເກືອບ 10 ປີ ​ເນື່ອງ​ຈາກ​ແຕ່ລະ​ປີ​ມີ​ຜູ້​ອົບ​ພະຍົບ​ເຂົ້າ​ເມືອງ​ສູງ​ເຖິງ​ຫລາຍ​ແສນ​ຄົນ.

- new3 - ປະຊາກອນອົດສະຕຣາລີຈະເພີ່ມຂຶ້ນເປັນ 25 ລ້ານຄົນ ໄວກວ່າຄາດການໄວ້

ສະຖິຕິ​ລະບຸ​ວ່າ: ທຸກໆ​ນາທີ​ຈະ​ມີ​ຄົນ 1 ຄົນ​ເດີນທາງ​ເຂົ້າມາ​ອາ​ໄສ​ໃນ​ອົດ​ສະຕຣາລີ. ສຳນັກງານ​ສະຖິຕິອົດ​ສະຕຣາລີ​ຕີ​ລາຄາ​ວ່າ: ຈຳນວນ​ປະຊາກອນ​ຈະ​ເພີ່ມ​ຂຶ້ນ​ເປັນ 26 ລ້ານ​ຄົນ​ໃນ​ໄລຍະ​ເວລາ 3 ປີ ​ໂດຍ​ຕີ​ລາຄາ​ຈາກ​ທ່າ​ອ່ຽງຄົນ​ເຂົ້າ​ເມືອງ​ໃນ​ປັດຈຸບັນ. ການ​ທີ່​ມີ​ຈຳນວນ​ຜູ້​ອົບ​ພະຍົບ​ເພີ່ມ​ຂຶ້ນຢ່າງ​ວ່ອງ​ໄວ​ຍັງ​ກໍ່​ໃຫ້​ເກີດ​ຂໍ້​ຖົກ​ຖຽງ​ກ່ຽວ​ກັບ​ຜົນ​ກະທົບ​ທາງ​ເສດຖະກິດ ​ແລະ ສັງຄົມ​ຈາກ​ການ​ທີ່​ໂຄງ​ລ່າງ​ພື້ນຖານ​ບໍ່​ພຽງພໍ​ແກ່​ການ​ຮອງ​ຮັບ. ຜົນສຳ​ຫລວດ​ຍັງ​ພົບ​ວ່າ: ຜູ້​ທີ່​ອົບ​ພະຍົບມາ​ອົດ​ສະຕຣາລີ​ສ່ວນ​ຫລາຍ​ມາ​ຈາກ​ອັງກິດ, ຈີນ, ນູ​ແວນ​ເຊ​ລັງ ​ແລະ ອິນ​ເດຍ ​ແລະ ຜົນສຳ​ເລັດ​ທາງ​ເສດຖະກິດ​ຂອງ​ອົດ​ສະຕຣາລີ​ມາ​ຈາກ​ການອົບ​ພະຍົບ​ ​ໂດຍ​ກວ່າ 1 ​ໃນ 3 ຂອງ​ປະຊາກອນ​ເກີດ​ໃນ​ຕ່າງປະ​ເທດ. ບັນຫາ​ການ​ອົບ​ພະຍົບ​ເຂົ້າ​ເມືອງ​ຖືກ​ຍົກ​ຂຶ້ນມາ​ເປັນ​ບັນຫາ​ຮ້ອນ​ທາງ​ການ​ເມືອງ​ໃນ​ລະຫວ່າງ​ການ​ຫາ​ສຽງ​ເລືອກ​ຕັ້ງ​ໃນ​ລັດ​ນິວ​ເຊົາ​ເວລຂອງ​ພັກ​ລັດຖະບານ ​ແລະ ພັກ​ຝ່າຍ​ຄ້ານ​ໃນ​ເດືອນ​ມີນາ​ປີໜ້າ ​ແລະ ການ​ເລືອກ​ຕັ້ງລະດັບ​ປະ​ເທດ​ໃນ​ເດືອນ​ພຶດສະພາ.

- lattana 1 - ປະຊາກອນອົດສະຕຣາລີຈະເພີ່ມຂຶ້ນເປັນ 25 ລ້ານຄົນ ໄວກວ່າຄາດການໄວ້
error: Content is protected !!