ບໍລິສັດ ອີທີແອລ ຈຳກັດປະກອບສ່ວນຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

- advert banner 728 90 728x90 - ບໍລິສັດ ອີທີແອລ ຈຳກັດປະກອບສ່ວນຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

ພາຍຫຼັງເກີດເຫດເຂື່ອນເຊປຽນ – ເຊນ້ຳນ້ອຍ ທະລຸ ໄຫລຖ້ວມເຮືອນຊານ ບ້ານ ຊ່ອງຂອງປະຊາຊົນທີ່ຢູ່ລຸ່ມ ເຂື່ອນຢ່າງຮຸນແຮງ ແລະ ໜັກໜວ່ງ ໃນວັນທີ 23 ກໍລະ ກົດ ທີ່ຜ່ານມາ ເຊິ່ງນອກ ຈາກໄດ້ສ້າງຄວາມສູນຫາຍທາງດ້ານຊີວິດ ແລະ ຊັບສິນ ຢ່າງຫຼວງຫຼາຍແລ້ວ, ຍັງໄດ້ ເຮັດໃຫ້ລະບົບໂຄງລ່າງພື້ນ ຖານເປ່ເພລວມທັງລະບົບ ການສື່ສານຖືກຕັດຂາດ ຈາກເຫດການບໍ່ເພິ່ງປາດ ຖະໜາດັ່ງກ່າວ , ບໍລິສັດ ອີ ທີແອລ ກໍ່ໄດ້ພະຍາຍາມສຸດ ຄວາມສາມາດ ເພື່ອຮັບປະ ກັນໃຫ້ຄຸນນະພາບການສື່ ສານຢູ່ໃນເຂດໄພພິບັດນຳໃຊ້ໄດ້ຢ່າງເປັນປົກກະຕິໂດຍໄວ ໂດຍໄດ້ຈັດສົ່ງໜ່ວຍງານ ແລະ ອຸປະກອນເຕັກນິກຄົບ ຊຸດຈາກສູນກາງລົງໄປຊ່ວຍສ້ອມແປງ ສະໜັບສະໜູນ ອທອ ສາຂາ ແຂວງ ອັດຕະ ປື, ແຕ່ງຕັ້ງເວນຍາມ ປະຈຳ ການຕະຫຼອດ 24 ຊົ່ວໂມງ, ສະໜອງບໍລິການພິເສດ ໃຫ້ແກ່ຜູ້ປະສົບໄພ ແລະ ຜູ້ກູ້ ໄພດ້ວຍການຍົກເວັ້ນມູນຄ່າໂທ ແລະ ຂໍ້ຄວາມສັ້ນເລີ່ມແຕ່ 00:00 ໂມງຂອງວັນທີ 24 ກໍລະກົດ ເຖິງ ເວລາ 24:00ໂມງ ຂອງວັນທີ 31 ກໍລະກົດ ຜ່ານມານີ້. ນອກນີ້ຍັງ ໄດ້ຈັດ ບໍລິຈາກເງິນ, ແຈກຢາຍ ໜ່ວຍໂທລະສັບ ຈຳນວນ 500 ໜ່ວຍພ້ອມເບີ ແລະ ຍົກຄ່າໂທພາຍໃນເຄືອຂ່າຍ ເປັນເວລາ 01 ເດືອນ ແລະ ເຄື່ອງອຸປະໂພກ – ບໍລິໂພກ ຂອງພະນັກງານພາຍໃນບໍ ລິສັດ ລວມມີມູນຄ່າຫຼາຍ ກວ່າ 286,815,000 ກີບ, ພ້ອມທັງເປີດຊ່ອງທາງ ການບໍລິຈາກນຳລູກຄ້າທີ່ ນຳໃຊ້ເບີຂອງ ອີທີແອລ ຜ່ານບັດຕື່ມເງິນ SMS ແລະ ມາຮອດເວລາ 15:00 ໂມງ ຂອງວັນທີ 31 ກໍລະກົດ 2018 ບໍລິສັດ ໄດ້ເງິນບໍ ລິຈາກ ຜ່ານຂໍ້ຄວາມສັ້ນ ແລະ ບັດຕື່ມເງິນຈຳນວນ 2,518,518 ກີບ,ຈາກລູກ ຄ້າທີ່ນຳໃຊ້ເບີຂອງ ອີທີແອລ ແລະ ຈະສືບຕໍ່ໄປຈົນຮອດ ວັນທີ 25 ສິງຫາ 2018, ຈຶ່ງ ຈະປິດຮັບເງິນບໍລິຈາກ ຜ່ານ ຂໍ້ຄວາມສັ້ນບັດຕື່ມເງິນ.

 

ເປີດຂະບວນຂີ່ລົດຖີບເພື່ອສະຫລອງວັນສ້າງຕັ້ງອີທີແອລຄົບຮອບ 17 ປີ

ບໍລິສັດຈະເລີນເຊກອງພະລັງງານມອບເຄື່ອງຊ່ວຍເຫລືອຜູ້ໄດ້ຮັບຜົນກະທົບຈາກໄພທຳມະຊາດຢູ່ແຂວງອັດຕະປື

- lattana 1 - ບໍລິສັດ ອີທີແອລ ຈຳກັດປະກອບສ່ວນຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງສະໜາມໄຊ
- 1 1 - ບໍລິສັດ ອີທີແອລ ຈຳກັດປະກອບສ່ວນຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

ພະນັກງານຂອງ ອີທີ ແອລ ທຸກຄົນ ທັງຄົນລາວ ແລະ ຝ່າຍຂາຮຸ້ນຈີນ ກໍ ເປັນຜູ້ມີສ່ວນປະກອບຮ່ວມ ຈິດຮ່ວມໃຈຊ່ວຍເຫຼືອປະຊາຊົນຜູ້ທີ່ປະສົບໄພ ແລະ ຜູ້ທີ່ມີ ຄວາມຫຍຸ້ງຍາກ. ປະຊາຊົນ ລາວ-ຈີນ ມີນ້ຳໃຈສາມາຄີ ກັນ ເພື່ອຜ່ານຜ່າຄວາມຫຍຸ້ງ ຍາກຕ່າງໆ. ບໍລິສັດ ອີທີ ແອລ ຈຳກັດໄດ້ສະແດງ ອອກເຖິງຄວາມຮັບຜິດຊອບ ຕໍ່ສັງຄົມດ້ວຍນໍ້າໃຈທີ່ບໍລິ ສຸດຈິງໃຈ ເພື່ອຮ່ວມສ້າງ ຄວາມມຸ່ງຫວັງ ແລະ ອານາ ຄົດອັນແຈ່ມໃສໃຫ້ແກ່ຜູ້ປະ ສົບໄພ ຢູ່ໃນແຂວງ ອັດຕະປື. ບໍລິສັດ ອີທີແອລ ຈຳກັດ, ຈະສືບຕໍ່ເນັ້ນໜັກການຊ່ວຍ ເຫຼືອຜູ້ປະສົບໄພ ແລະ ຮັກ ສາຄວາມໝັ້ນທ່ຽງດ້ານ ການສື່ສານ, ຄວາມສະດວກ ສະບາຍ ດ້ານໂທລະຄົມມະ ນາຄົມໃຫ້ເປັນປົກກະຕິ, ຟື້ນ ຟູ ແລະ ກໍ່ສ້າງຄືນໃໝ່ການ ບໍລິການດ້ານໂທລະຄົມທຸກ ປະເພດໃນເຂດປະສົບກັບໄພພິບັດພາຍຫຼັງທີ່ໄພພິບັດຄັ້ງ ນີ້ຜ່ານພົ້ນໄປ./.

- 225365 - ບໍລິສັດ ອີທີແອລ ຈຳກັດປະກອບສ່ວນຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງສະໜາມໄຊ

error: Content is protected !!