ອຸຕຸ​ເຕືອນ​ຈະ​ມີ​ຝົນຕົກ​ຕິດ​ຕໍ່ກັນ​ໃນ 2-3 ວັນ​ຕໍ່ໜ້າ

- advert banner 728 90 728x90 - ອຸຕຸ​ເຕືອນ​ຈະ​ມີ​ຝົນຕົກ​ຕິດ​ຕໍ່ກັນ​ໃນ 2-3 ວັນ​ຕໍ່ໜ້າ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ແຈ້ງ​ເຕືອນ​ວ່າ: ​ເນື່ອງ​ຈາກ​ຮ່ອງ​ຄວາມ​ກົດ​ດັນ​ອາກາດ​ຕໍ່າ​ຍັງ​ຈະ​ສືບ​ຕໍ່ພັດ​ຜ່ານ​ເຂດ​ພາກ​ເໜືອຫາ​ພາກ​ກາງຂອງ​ປະ​ເທດ​ເຮົາ, ປ່ອງ​ເຂົ້າ​ໃສ່​ບໍລິ​ເວນ​ຄວາມ​ກົດ​ດັນ​ອາກາດ​ຕໍ່​າທີ່​ມີ​ກຳລັງ​ແຮງ​ຢູ່​ເຂດ​ທະ​ເລ​ຈີນ​ໃຕ້ (​ໃກ້​ກັບ​ແຄມ​ຝັ່ງ​ປະ​ເທດ​ຫວຽດນາມ) ​ແລະ ຈະ​ເຮັດ​ໃຫ້​ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ພັດ​ປົກ​ຄຸມ​ເຂດ​ພາກ​ກາງ ​ແລະ ພາກ​ໃຕ້​ຂອງ​ປະ​ເທດ​ເຮົາມີ​ກຳລັງ​ແຮງ​ເພີ່ມ​ຂຶ້ນ ​ເຊິ່ງຈະກໍ່​ໃຫ້​ມີ​ຝົນຕົກ​ຟ້າ​ເຫລື້ອ​ມ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ຄື: ຜົ້ງສາລີ, ຫົວພັນ, ຊຽງ​ຂວາງ, ຫລວງ​ພະ​ບາງ, ​ໄຊ​ຍະ​ບູລີ, ນະຄອນ ຫລວງ​ວຽງ​ຈັນ, ​ແຂວງ​ວຽງ​ຈັນ, ​ໄຊ​ສົມບູນ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ, ສາລະ​ວັນ, ຈຳປາ​ສັກ, ​ເຊ​ກອງ ​ແລະ ອັດ​ຕະປື ​ແຕ່​ວັນ​ທີ 8-10 ສິງຫາ​ນີ້. ດັ່ງນັ້ນ ຈຶ່ງ​ແຈ້ງ​ເຕືອນ​ປະຊາຊົນ​ບັນດາ​ເຜົ່າ, ອຳນາດ​ການ​ປົກຄອງ ​ແລະ ອົງການ​ຈັດຕັ້ງທຸກ​ພາກສ່ວນ​ທີ່​ອາ​ໄສ​ຢູ່​ບັນດາ​ເຂດ​ແຂວງ​ດັ່ງກ່າວ​ຈົ່ງ​ມີ​ສະຕິ ​ແລະ ກຽມພ້ອມ​ຮັບ​ມື​ກັບ​ສະພາບ​ຝົນຕົກ​ໜັກ ​ເຊິ່ງຈະ​ເຮັດ​ໃຫ້​ມີ​ດິນ​ເຈື່ອນ, ນ້ຳຖ້ວມ. ພ້ອມ​ນີ້​ຂໍ​ໃຫ້​ເກັບ​ມ້ຽນ ​ແລະ ​ເຄື່ອນ​ຍ້າຍ​ວັດຖຸ​ສິ່ງ​ຂອງ ພ້ອມ​ສັດລ້ຽງ​ໄປ​ໄວ້​ບ່ອນ​ທີ່​ປອດ​ໄພ ​ແລະ ຕິດຕາມ​ຂ່າວ​ພະຍາກອນ​ອາກາດ ​ແລະ ລະດັບ​ນ້ຳຈາກ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດຢ່າງ​ໃກ້ຊິດ​ໃນ​ໄລຍະ 1-3 ວັນ​ຕໍ່ໜ້າ​ນີ້.

- new3 - ອຸຕຸ​ເຕືອນ​ຈະ​ມີ​ຝົນຕົກ​ຕິດ​ຕໍ່ກັນ​ໃນ 2-3 ວັນ​ຕໍ່ໜ້າ
- lattana 1 - ອຸຕຸ​ເຕືອນ​ຈະ​ມີ​ຝົນຕົກ​ຕິດ​ຕໍ່ກັນ​ໃນ 2-3 ວັນ​ຕໍ່ໜ້າ
error: Content is protected !!