ເກີດລະເບີດຄັ້ງໃຫຍ່ໃກ້ສະຖານທູດອາເມລິກາຢູ່ອັບການິດສະຖານ

- advert banner 728 90 728x90 - ເກີດລະເບີດຄັ້ງໃຫຍ່ໃກ້ສະຖານທູດອາເມລິກາຢູ່ອັບການິດສະຖານ

- 1493787136513 960x0 300x169 - ເກີດລະເບີດຄັ້ງໃຫຍ່ໃກ້ສະຖານທູດອາເມລິກາຢູ່ອັບການິດສະຖານ      ກາ​ບູນ 3 ພຶດສະພາ: ຜູ້​ເຫັນ​ເຫດການ ​ແລະ ​ເຈົ້າໜ້າ​ທີ່​ຄວາມ​ໝັ້ນຄົງ​ຢູ່​ອັບ​ກາ​ນິດ​ສະຖານ​ລາຍ​ງານ​ວ່າ: ​ເກີດ​ເຫດ​ລະ​ເບີດ​ຄັ້ງ​ໃຫຍ່ ​ເຊິ່ງຄາດ​ວ່າ​ເປັນ​ລະ​ເບີ​ດຂ້າ​​ໂຕ​ຕາຍ​ໃກ້​ສະຖານທູດ​ອາ​ເມ​ລິ​ກາ​ຢູ່​ໃຈກາງ​ນະຄອນຫລວງ​ກາ​ບູນ ​ແລະ ອາດ​ມີ​ເປົ້າໝາຍ​ໂຈມ​ຕີ​ຂະ​ບວນລົດ​ຫຸ້ມ​ເກາະ​ຂອງ​ກອງ​ກຳລັງ​ນາໆ​ຊາດ ມີ​ຜູ້​ເສຍ​ຊີວິດ​ຢ່າງ​ໜ້ອຍ 4 ຄົນ ​ແລະ ບາດ​ເຈັບ 22 ຄົນ.

- new3 - ເກີດລະເບີດຄັ້ງໃຫຍ່ໃກ້ສະຖານທູດອາເມລິກາຢູ່ອັບການິດສະຖານ

​ເຈົ້າໜ້າ​ທີ່​ຄວາມ​ໝັ້ນຄົງ​ຢູ່​ຈຸດ​ເກີດ​ເຫດ​ກ່າວ​ວ່າ: ​ເຫດ​ໂຈມ​ຕີ​ທີ່​ຄາດ​ວ່າ​ເປັນ​ລະ​ເບີດ​ຂ້າ​ໂຕ​ຕາຍ ຍັງ​ທຳລາຍ ​ແລະ ສ້າງ​ຄວາມ​ເສຍ​ຫາຍ​ໃຫ້​ແກ່​ຍານພາຫະນະ​ຂອງ​ປະຊາຊົນ​ທີ່​ຈອດ​ຢູ່​ໃກ້​ຄຽງ, ສ່ວນ​ສາ​ເຫດການ​ລະ​ເບີດ​ຍັງ​ບໍ່​ຮູ້​ແນ່ນອນ. ​ເຈົ້າໜ້າ​ທີ່​ກ່າວ​ວ່າ: ລະ​ເບີດ​ເກີດ​ຂຶ້ນບໍ່​ໄກ​ຈາກ​ສະຖານທູດ​ອາ​ເມ​ລິ​ກາ ​ແລະ ພື້ນທີ່​ຕັ້ງກອງ​ກຳລັງ​ສະໜັບສະໜູນ​ຂອງ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (ນາ​ໂຕ). ທ່ານ ນາ​ຈິບ ດາ​ນິ ​ໂຄສົກ​ກະຊວງ​ປ້ອງ​ກັນ​ປະ​ເທດ​ອັບ​ກາ​ນິດ​ສະຖານ​ຢືນຢັນ​ວ່າ: ​ເຫດ​ລະ​ເບີດ​ມີ​ເປົ້າໝາຍ​ໃສ່​ຂະ​ບວນລົດ​ກອງ​ກຳລັງ​ຕ່າງປະ​ເທດ​ທີ່​ຜ່ານ​ມາ, ປັດຈຸບັນ​ນີ້​ພວມ​ກວດ​ສອບ​ລາຍ​ລະອຽດ. ສ່ວນ​ໂຄສົກ​ກະຊວງ​ສາທາລະນະ​ສຸກ​ຢືນຢັນ​ຕົວ​ເລກ​ຜູ້​ເສຍ​ຊີວິດ ​ແລະ ບາດ​ເຈັບ, ​ແຕ່​ບໍ່​ໄດ້​ລະບຸ​ຈະ​ແຈ້ງວ່າ​ຜູ້​ເຄາະ​ຮ້າຍ​ເປັນ​ທະຫານ​ຕ່າງປະ​ເທດ ຫລື ພົນລະ​ເຮືອນ.

error: Content is protected !!