ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ

- 659384 - ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ
- Untitled design - ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ

ນັບ​ແຕ່​ວັນ​ທີ 23 ສິງຫາ​ນີ້​ເປັນຕົ້ນ​ໄປ ສິນຄ້າ​ຂອງ​ຈີນ​ອີກ 16.000 ລ້າ​ນ​ໂດ​ລາ​ສະຫະລັດ ຈະ​ຕ້ອງ​ພົບ​ກັບ​ກຳ​ແພງ​ພາສີ 25% ຕາມ​ມາດ​ຕະການ​ຂອງ​ລັດຖະບານ​ວໍ​ຊິງ​ຕັນ.

- 11DC TARIFFS 1 articleLarge - ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ຄະນະ​ຜູ້​ແທນ​ການ​ຄ້າ​ຂອງ​ອາ​ເມ​ລິ​ກາ (USTR) ອອກ​ຖະ​ແຫລ​ງການ​ໃນ​ວັນ​ທີ 7 ສິງຫາ​ວ່າ: ກຳ​ແພງ​ພາສີ​ໃນ​ອັດຕາ 25% ສຳລັບ​ມູນ​ຄ່າ​ການ​ນຳ​ເຂົ້າສິນຄ້າ​ຂອງ​ຈີນ 16.000 ລ້ານ​ໂດ​ລາ​ສະຫະລັດ ຈະ​ມີ​ຜົນ​ຢ່າງ​ເປັນ​ທາງ​ການ​ນັບ​ແຕ່​ວັນ​ທີ 23 ສິງຫາ​ນີ້​ເປັນຕົ້ນ​ໄປ ​ໂດຍ​ສິນຄ້າ 279 ລາຍການ​ຈະ​ໄດ້​ຮັບ​ຜົນ​ກະທົບ.

ການ​ເພີ່ມ​ພາສີ​ນຳ​ເຂົ້າດັ່ງກ່າວ​ເປັນ​ສ່ວນ​ສຸດ​ທ້າຍ​ຂອງ​ກຳ​ແພງ​ພາສີ 25% ສຳລັບ​ປະລິມານ​ການ​ນຳ​ເຂົ້າສິນຄ້າ​ຂອງ​ຈີນ 50.000 ລ້ານ​ໂດ​ລາ​ສະຫະລັດ ທີ່​ລັດຖະບານ​ວໍ​ຊິງ​ຕັນ​ປະກາດ​ໄປ​ກ່ອນ​ໜ້າ​ນີ້ ​ແລະ ສິນຄ້າ​ກຸ່ມ​ທຳ​ອິດ 34.000 ລ້າ​ນ​ໂດ​ລາ​ສະຫະລັດ ຜະ​ເຊີນ​ກັບ​ກຳ​ແພງ​ພາສີ​ນັບ​ແຕ່​ວັນ​ທີ 6 ກໍລະກົດ​ຜ່ານ​ມາ ​ເຊິ່ງ​ແນ່ນອນ​ວ່າ ລັດຖະບານ​ປັກ​ກິ່ງ​ໃຊ້​ມາດ​ຕະການ​ຕອບ​ໂຕ້ ​ໂດຍ​ການ​ຕັ້ງກຳ​ແພງ​ພາສີ​ຕໍ່​ສິນຄ້າ​ຂອງ​ອາ​ເມ​ລິ​ກາ​ທີ່​ເທົ່າ​ກັນ ​ໂດຍ​ສິນຄ້າ​ສົ່ງ​ອອກຈາກ​ອາ​ເມ​ລິ​ກາມາ​ຈີນ​ສ່ວນ​ຫລາຍ​ເປັນ​ສິນຄ້າ​ກະສິກຳ ລວມທັງ​ຖົ່ວ​ເຫລືອງ​ທີ່​ຈີນ​ເປັນ​ປະ​ເທດ​ຜູ້​ຮັບ​ຊື້ລາຍ​ໃຫຍ່​ທີ່​ສຸດ​ຈາກ​ອາ​ເມ​ລິ​ກາ.

​ເຖິງ​ຢ່າງ​ໃດ​ກໍ​ຕາມ, ການ​ທີ່​ອາ​ເມ​ລິ​ກາ​ນຳ​ເຂົ້າສິນຄ້າ​ຈາກ​ຈີນ​ຫລາຍ​ກວ່າ​ທີ່​ຈີນ​ນຳ​ເຂົ້າສິນຄ້າ​ຈາກ​ອາ​ເມ​ລິ​ກາ ອາດ​ເຮັດ​ໃຫ້​ລັດຖະບານ​ປັກ​ກິ່ງ​ຕ້ອງ​ປ່ຽນ​ແປງ​ວິທີ​ການ​ຕອບ​ໂຕ້​ໃນ​ອະນາຄົດ​ເຊັ່ນ​ກັນ, ​ແຕ່​ໃນ​ເວລາ​ດຽວ​ກັນ ລັດຖະບານ​ວໍ​ຊິງ​ຕັນຕັ້ງກອງ​ທຶນ​ສຸກ​ເສີນ​ມູນ​ຄ່າ 12.000 ລ້ານ​ໂດ​ລາ​ສະຫະລັດ ​ເພື່ອ​ຊ່ວຍ​ເຫລືອ​ກະສິກອນ​ໃນ​ປະ​ເທດ ​ເຊິ່ງ​ໄດ້​ຮັບ​ຜົນ​ກະທົບ​ຈາກ​ກຳ​ແພງ​ພາສີ​ຂອງ​ຈີນ.

- WhatsApp Image 2020 05 27 at 5 - ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ
- WhatsApp Image 2020 05 27 at 5 - ອາເມລິກາກຽມເກັບພາສີ 25% ຈາກສິນຄ້າຈີນ ອີກ 16.000 ລ້ານໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!